தேசிய செய்திகள்

காஷ்மீர், இந்தியாவின் ஒருங்கிணைந்த பகுதி: ஐ.நா. கூட்டத்தில் இந்தியா திட்டவட்டம் + "||" + Kashmir, an integrated part of India: UN India's plan for the meeting

காஷ்மீர், இந்தியாவின் ஒருங்கிணைந்த பகுதி: ஐ.நா. கூட்டத்தில் இந்தியா திட்டவட்டம்

காஷ்மீர், இந்தியாவின் ஒருங்கிணைந்த பகுதி: ஐ.நா. கூட்டத்தில் இந்தியா திட்டவட்டம்
காஷ்மீர், இந்தியாவின் ஒருங்கிணைந்த பகுதியாக நீடிக்கும் என்று ஐ.நா. மனித உரிமை கவுன்சில் கூட்டத்தில் இந்தியா கூறியுள்ளது.
புதுடெல்லி,

காஷ்மீருக்கு சிறப்பு அந்தஸ்து அளித்து வந்த 370-வது பிரிவை கடந்த ஆகஸ்டு 5-ந் தேதி இந்தியா ரத்து செய்தது. காஷ்மீரை 2 யூனியன் பிரதேசங்களாக பிரித்தது.

இதற்கு எதிர்ப்பு தெரிவித்த பாகிஸ்தான், காஷ்மீர் பிரச்சினையை சர்வதேச அமைப்புகளில் எழுப்ப முயன்று வருகிறது. அதற்கு இந்தியா பதிலடி கொடுத்து முறியடித்து வருகிறது.


இந்நிலையில், சுவிட்சர்லாந்து நாட்டின் ஜெனீவா நகரில் ஐ.நா. மனித உரிமை கவுன்சிலின் 43-வது அமர்வு கடந்த 24-ந்தேதி தொடங்கியது. மார்ச் 20-ந்தேதிவரை இத்தொடர் நடக்கிறது.

நேற்று முன்தினம் இக்கூட்டத்தில் பேசிய பாகிஸ்தான் மந்திரி ஷிரீன் மசாரி, காஷ்மீரில் இந்தியா மனித உரிமை மீறலில் ஈடுபட்டு வருவதாகவும், ஆகவே, இப்பிரச்சினையில் சர்வதேச சமூகம் தலையிட வேண்டும் என்றும் கோரினார்.

இதற்கு இந்தியா நேற்று தக்க பதிலடி கொடுத்தது. ஐ.நா. மனித உரிமை கவுன்சில் கூட்டத்தில் மத்திய வெளியுறவுத்துறை அமைச்சக செயலாளர் (மேற்கு) விகாஸ் ஸ்வரூப் பேசியதாவது:-

காஷ்மீர், இந்தியாவின் ஒருங்கிணைந்த பகுதியாக இருந்தது. இருக்கிறது. எப்போதும் அப்படியே இருக்கும். பாகிஸ்தான், சர்வதேச பயங்கரவாதத்தின் மையப்புள்ளியாக இருக்கிறது.

பயங்கரவாதிகளுக்கு நிதி உதவி அளித்து அடைக்கலம் கொடுத்து, தூண்டி விட்டு வரும் நாடுகள் மீது உறுதியான நடவடிக்கை எடுக்க வேண்டும் என்று அவர் பேசினார்.


தொடர்புடைய செய்திகள்

1. தமிழகம் முழுவதும் கொரோனா வைரஸ் பரவும் அபாயமுள்ள பகுதியாக தமிழக அரசு அறிவிப்பு!
தமிழகம் முழுவதும் கொரோனா வைரஸ் பரவும் அபாயமுள்ள பகுதியாக தமிழக அரசு அறிவித்து உள்ளது.
2. கொரோனா வைரஸ் பாதிப்பு: இந்தியாவுடன் இணைந்து செயல்படும் சீனா ஐநா பாதுகாப்பு கவுன்சிலில் பாகிஸ்தானை கழற்றிவிட்டது
கொரோனா வைரஸ் பாதிப்பில் இந்தியாவுடன் இணைந்து செயல்படும் சீனா ஐநா பாதுகாப்பு கவுன்சிலில் பாகிஸ்தானை கழற்றிவிட்டது.
3. கொரோனா வைரஸ் சிகிச்சைக்கு இந்தியாவில் மருந்துகள் தட்டுப்பாடு இல்லை- மத்திய அரசு திட்டவட்டம்
கொரோனா வைரஸ் சிகிச்சைக்கு இந்தியாவில் மருந்துகள் தட்டுப்பாடு இல்லை என்று மத்திய அரசு திட்டவட்டமாக தெரிவித்துள்ளது.
4. இந்தியாவில் கொரோனா பாதித்தவர்களின் எண்ணிக்கை 1071 ஆக உயர்வு
இந்தியாவில் கொரோனா வைரசால் பாதிக்கப்பட்டவர்களின் எண்ணிக்கை 1,071 ஆக உயர்ந்துள்ளது.
5. கொரோனாவை எதிர்த்து போராட இந்தியா உள்பட 64 நாடுகளுக்கு கூடுதல் நிதி- அமெரிக்கா
கொரோனாவை எதிர்த்து போராட இந்தியாவுக்கு கூடுதல் நிதியை அமெரிக்கா ஒதுக்கியுள்ளது.