தேசிய செய்திகள்

டெல்லியில் இருந்து திரும்பிய ஜோதிர் ஆதித்ய சிந்தியாவுக்கு உற்சாக வரவேற்பு ‘பா.ஜனதா சேர்த்துக்கொண்டது என் பாக்கியம்’ என பேட்டி + "||" + To Jyotir Aditya Cynthia Excited welcome

டெல்லியில் இருந்து திரும்பிய ஜோதிர் ஆதித்ய சிந்தியாவுக்கு உற்சாக வரவேற்பு ‘பா.ஜனதா சேர்த்துக்கொண்டது என் பாக்கியம்’ என பேட்டி

டெல்லியில் இருந்து திரும்பிய  ஜோதிர் ஆதித்ய சிந்தியாவுக்கு உற்சாக வரவேற்பு  ‘பா.ஜனதா சேர்த்துக்கொண்டது என் பாக்கியம்’ என பேட்டி
டெல்லியில் இருந்து திரும்பிய ஜோதிர் ஆதித்ய சிந்தியாவுக்கு போபாலில் உற்சாக வரவேற்பு அளிக்கப்பட்டது. அப்போது, பா.ஜனதா என்னை சேர்த்துக்கொண்டது நான் செய்த பாக்கியம் என்று அவர் தெரிவித்தார்.
போபால், 

காங்கிரசில் இருந்து விலகி பா.ஜனதாவில் இணைந்த மத்தியபிரதேச முன்னாள் காங்கிரஸ் தலைவர் ஜோதிர் ஆதித்ய சிந்தியா மாநிலங்களவை எம்.பி. வேட்பாளராக அறிவிக்கப்பட்டார். இதனையடுத்து வேட்பு மனு தாக்கல் செய்வதற்காக தலைநகர் டெல்லியில் இருந்து போபாலுக்கு நேற்று பிற்பகல் சென்றார்.

மத்திய மந்திரியும், பா.ஜனதா தலைவருமான நரேந்திர சிங் தோமருடன் தனி விமானத்தில் சென்ற சிந்தியாவுக்கு உற்சாக வரவேற்பு அளிக்கப்பட்டது.

விமான நிலையத்தில் இருந்து போபாலில் உள்ள பா.ஜனதா கட்சி அலுவலகம் வரை 15 கி.மீ. தூரத்திற்கு சிந்தியா பேரணியாக அழைத்து வரப்பட்டார். அப்போது சாலையின் இருபுறமும் பா.ஜ.க. கொடிகளும், வரவேற்பு பேனர்களும் வைக்கப்பட்டிருந்தன. பெண்கள் காவி நிற சேலை அணிந்து, மலர் தூவி அவரை வரவேற்றனர். சிலர் பட்டாசுகள் வெடித்து சிந்தியா பா.ஜ.க.வில் இணைந்ததை வரவேற்றனர்.

அதனைத்தொடர்ந்து தலைவர்களின் சிலைகள், உருவப்படங்களுக்கு அவர் மாலை அணிவித்து மரியாதை செலுத்தினார்.

பின்னர், சிந்தியா நிருபர்களிடம் கூறியதாவது:-

நான் செய்த பாக்கியம்

பா.ஜனதா என்னை சேர்த்துக்கொண்டது நான் செய்த பாக்கியம். பா.ஜ.க. தேசிய தலைவர் ஜே.பி.நட்டா, பிரதமர் நரேந்திரமோடி மற்றும் உள்துறை மந்திரி அமித்ஷா ஆகியோர் எனக்காக கட்சியின் கதவை திறந்துள்ளனர். கட்சியின் வளர்ச்சிக்காக கடினமாக உழைப்பேன். ஒரு நிறுவனத்துக்காக, குடும்பத்துக்காக (காங்கிரஸ்) 20 வருடங்களாக உழைத்தேன். ஆனால் என்னை வெளியேற்றி விட்டார்கள்.

இந்த நாள் எனக்கு மிகுந்த உணர்ச்சி மிகுந்த நாள். எனக்காக இந்த குடும்பம் (பா.ஜ.க.) கட்சி கதவை திறந்து வைத்துள்ளது.

இவ்வாறு அவர் கூறினார்.

மேல்சபை எம்.பி. பதவிக்காக அவர் இன்று (வெள்ளிக்கிழமை) வேட்பு மனு தாக்கல் செய்வார் என்று தெரிகிறது.

தொடர்புடைய செய்திகள்

1. மேற்குவங்காள பாஜக எம்எல்ஏ தூக்கில் தொங்கிய நிலையில் பிணமாக மீட்பு; கொலை என குற்றச்சாட்டு
மேற்குவங்காள பாஜக எம்எல்ஏ தூக்கில் தொங்கிய நிலையில் பிணமாக மீட்கப்பட்டார்,கொலை என குற்றஞ்சாட்டப்படுகிறது.
2. ராஜஸ்தான் காங்கிரஸ் அரசுக்கு ஆபத்து ? பா.ஜனதா தலைவருடன் சச்சின் பைலட் இன்று சந்திப்பு...?
ராஜஸ்தான் காங்கிரஸ் அரசுக்கு ஆபத்து ? பா.ஜனதா தலைவரை இன்று துணை முதல்வர் சச்சின் பைலட் சந்தித்து பேச வாய்ப்பு இருப்பதாக கூறப்படுகிறது.
3. பா. ஜனதா சொல்வது மேக் இன் இந்தியா, ஆனா வாங்குவது சீனாவில்- ராகுல்காந்தி குற்றச்சாட்டு
சொல்வது மேக் இன் இந்தியா, ஆனால் வாங்கிவது சீனாவில் இருந்து என பா.ஜனதா ஆட்சியை ராகுல்காந்தி குற்றம் சாட்டி உள்ளார்
4. ஒரு வாரிசுக் குடும்பத்தின் நலன்கள் அனைத்தும் தேசத்தின் நலன்கள் ஆகிவிட முடியாது- காங்கிரஸ் மீது பா.ஜனதா தாக்கு
ஒரு வாரிசுக் குடும்பத்தின் நலன்கள் அனைத்தும் தேசத்தின் நலன்கள் ஆகிவிட முடியாது என காங்கிரஸ் மீது பா ஜனதா குற்றம்சாட்டி உள்ளது.
5. 2015 முதல் நடைபெற்ற ஊடுருவல்கள் குறித்து தற்போதைய பிரதமரிடம் ஜேபி நட்டா விளக்கம் கேட்பாரா? - ப.சிதம்பரம்
2015 முதல் நடைபெற்ற ஊடுருவல்கள் குறித்து தற்போதைய பிரதமரிடம் பா.ஜனதா தலைவர் ஜேபி நட்டா விளக்கம் கேட்பாரா? என ப.சிதம்பரம் கேள்வி எழுப்பி உள்ளார்.