உலக செய்திகள்

கொரோனா வைரஸ் யாரை எளிதில் தாக்கும்... யாருக்கு அதிக ஆபத்து...எச்சரிக்கை! + "||" + Coronavirus: Government release list of those most at risk from the pregnant to obese

கொரோனா வைரஸ் யாரை எளிதில் தாக்கும்... யாருக்கு அதிக ஆபத்து...எச்சரிக்கை!

கொரோனா வைரஸ் யாரை எளிதில் தாக்கும்... யாருக்கு அதிக ஆபத்து...எச்சரிக்கை!
கொரோனா வைரஸ் யாரை எளிதில் தாக்குவதற்கு வாய்ப்பிருக்கு ,யாருக்கு அதிகம் ஆபத்து இருக்கு இங்கிலாந்து சுகாதாரதுறை வெலீயிட்டு உள்ள தகவல்கள்.
லண்டன்

சீனாவின் உகான் நகரில் தோன்றி உலகம் முழுவதும் 155 நாடுகளுக்கு கொரோனா வைரஸ் பரவியுள்ளது. இத்தாலி, ஈரான் போன்ற நாடுகளில் கொரோனா வைரஸ் மிகக் கடுமையான பாதிப்பை ஏற்படுத்தியுள்ளது. 

கொரோனா வைரசால்  உயிரிழந்தோரின் எண்ணிக்கை உலகளவில் 7,157 ஆக உயர்ந்துள்ளது. இதுவரை, 1,82,438 பேருக்கு தொற்று இருப்பது உறுதியாகி உள்ளது. அதில், 79 ஆயிரத்து, 212 பேர் சிகிச்சை பெற்று வீடு திரும்பியுள்ளனர். 

இங்கிலாந்தில்  மட்டும் கொரோனா வைரஸால் பாதிக்கப்பட்டவர்களின் எண்ணிக்கை 1,543-ஆக உள்ளது. இதுவரை 55 பேர் உயிரிழந்துள்ளனர்.

இது வரும் நாட்கள் மற்றும் வாரங்களில் அதிகரிக்கும் என்று எதிர்பார்க்கப்படுகிறது. இங்கிலாந்து அரசு தங்கள் நாட்டு மக்களை காப்பாற்றுவதற்கு தேவையான அனைத்து நடவடிக்கைகளையும், ஒரு சில எச்சரிக்கைகளையும் விடுத்து வருகிறது.

தற்போது கொரோனா வைரஸ் யாரை எளிதில் தாக்குவதற்கு வாய்ப்பிருக்கு என்ற புதிய பட்டியலை அரசு வெளியிட்டுள்ளது.

* 70 அல்லது அதற்கு மேற்பட்ட வயதுடையவர்கள் (அவர்களின் மருத்துவநிலையை பொறுத்து)

*  ஆஸ்துமா, நாள்பட்ட நுரையீரல் நோய், மூச்சுக்குழாய் அழற்சி மற்றும் நாள்பட்ட சுவாச நோய்கள்.

*  இதய செயலிழப்பு போன்ற நீண்டகால இதய நோய்.

* நாள்பட்ட சிறுநீரக நோய்

*  நாள்பட்ட கல்லீரல் நோய் 

* பார்கின்சன் நோய்(நடக்க முடியாமல் மிகவும் தள்ளாடுபவர்கள்), மோட்டார் நியூரோன் நோய், மல்டிபிள் ஸ்களீரோசிஸ், கற்றல் குறைபாடு அல்லது பெருமூளை வாதம் போன்ற நாள்பட்ட நரம்பியல் நிலைகள் உள்ளவர்கள்.

* நீரிழிவு நோய் உங்கள் மண்ணீரலில் உள்ள சிக்கல்கள் (உயிரணு நோய் அல்லது உங்கள் மண்ணீரல் அகற்றப்பட்டிருந்தால்) 

* எச்.ஐ.வி மற்றும் எய்ட்ஸ் அல்லது ஸ்டீராய்டு மாத்திரைகள் அல்லது கீமோதெரபி போன்ற மருந்துகளின் விளைவாக பலவீனமாகும் நோயேதிர்ப்பு அமைப்பு. 

* தீவிரமாக அதிக எடையுடன் இருப்பது (40 அல்லது அதற்கு மேற்பட்ட BMI) 

* கர்ப்பமாக இருப்பவர்கள் என்று குறிப்பிடப்பட்டுள்ளது.

மேலும், கொரோனாவில் இருந்து கடுமையான நோய் ஆபத்து அதிகம் உள்ள சிலர் இருப்பதாகவும் சில தகவல்கள் வெளியாகியுள்ளது.

* உறுப்பு மாற்று அறுவை சிகிச்சை பெற்றவர்கள் மற்றும் தொடர்ந்து நோயெதிர்ப்பு தடுப்பு மருந்துகளில் இருப்பவர்கள். 

* புற்றுநோயால் பாதிக்கப்பட்டவர்கள் செயலில் கீமோதெரபி அல்லது கதிரியக்க சிகிச்சைக்கு உட்படுத்தப்படுகிறார்கள். 

* சிகிச்சையின் எந்த கட்டத்திலும் இருக்கும் ரத்த புற்றுநோய் அல்லது லுகேமியா போன்ற எலும்பு மஜ்ஜை உள்ளவர்கள்.

*  சிஸ்டிக் பைப்ரோஸிஸ் அல்லது கடுமையான ஆஸ்துமா போன்ற கடுமையான மார்பு நிலைமைகளைக் கொண்டவர்கள். (மருத்துவமனையில் அனுமதி அல்லது ஸ்டீராய்டு மாத்திரைகளின் ஆலோசனை தேவை) 

* கடுமையான சிறுநீரக நோய் (டயாலிசிஸ்) போன்ற உடல் அமைப்புகளின் கடுமையான நோய்கள் உள்ளவர்கள்.

* ஆபத்தில் இருக்கும் எவரும் எவ்வாறு சமூக ரீதியாக தங்களைத் தூரம் விலக்கிக் கொள்ள வேண்டும். அப்படி அவர்கள் தனிமையில் இருக்கும்போது அவர்கள் எவ்வாறு நிர்வகிக்க முடியும் என்பது குறித்து ஆலோசனை வழங்குவதாக தெரிவிக்கப்பட்டுள்ளது.

மேலும் நாட்டின் பிரதமர் போரிஸ் ஜான்சன், பாதிக்கப்படக்கூடிய பட்டியலில் உள்ளவர்கள் - 70 வயதிற்கு மேற்பட்டவர்கள் குறிப்பிட்ட சூழ்நிலைகளைத் தவிர்த்து தனிமைப்படுத்துவதன் மூலம் தொடர்பைத் தவிர்க்குமாறு கேட்டுக் கொள்ளப்படுவதாக அறிவித்துள்ளார். அனைத்து சமூக தொடர்புகளையும் தவிர்ப்பது குறித்த இந்த ஆலோசனை 70 வயதிற்கு மேற்பட்டவர்களுக்கும், கர்ப்பிணிப் பெண்களுக்கும் இது மிகவும் முக்கியம் என்று குறிப்பிட்டுள்ளார்.

தொடர்புடைய செய்திகள்

1. ஊரடங்கு அறிவித்திருக்கா விட்டால் கொரோனா உலகம் முழுவதும் 4 கோடி மக்களை பலி கொண்டு இருக்கும் ஆய்வில் தகவல்
கொரோனா வைரஸ் பாதிப்பால் ஊரடங்கு அறிவித்திருக்கா விட்டால் உலகம் முழுவதும் 4 கோடி மக்களை பலி கொண்டு இருக்கும் 100 கோடிபேர் நோயுற்றிருக்கலாம் என ஆய்வு ஒன்று தெரிவித்து உள்ளது.
2. கொரோனாவால் சமூக தொற்று ஏற்பட்டால் கடுமையான சவால்களை சமாளிக்க இந்தியா எவ்வாறு தயாராகி வருகிறது
கொரோனா வைரஸசால் சமூக தொற்று ஏற்பட்டால் கடுமையான சவால்களை சமாளிக்க இந்தியா எவ்வாறு தயாராகி வருகிறது என்பதை பார்க்கலாம்.
3. கொரோனா தடுப்பு: பொது மக்கள் தாராளமாக நிதி வழங்க பிரதமர் மோடி வேண்டுகோள்!
கொரோனா தடுப்பு நடவடிக்கைகளுக்கு பொது மக்கள் நிவாரண நிதி வழங்க பிரதமர் நரேந்திர மோடி வேண்டுகோள் விடுத்து உள்ளார்.
4. சீனாவில் பெண்ணிடம் தோன்றிய கொரோனா வைரஸ் ஏன் ஆண்களை விரும்பி தாக்குகிறது?
சீனாவில் பெண்ணிடம் தோன்றிய கொரோனா வைரஸ் ஆண்களை விரும்பி தாக்குகிறது என ஆய்வில் தெரியவந்து உள்ளது.
5. ஆக்ஸ்போர்டு பல்கலைக்கழகத்தின் கொரோனா வைரஸ் தடுப்பூசி மனிதர்கள் மீதான மருத்துவ சோதனைக்கு தயாராகிறது
கொரோனா தடுப்பூசி ஆக்ஸ்போர்டு பல்கலைகழக மருத்துவ ஆராய்ச்சிக் குழுவினர் சாதனை