மாநில செய்திகள்

தங்கம் விலை ஒரே நாளில் பவுனுக்கு ரூ.984 சரிவு: ஒரு பவுன் ரூ.30,560-க்கு விற்பனை + "||" + Gold price plummeted to Rs.984 per pound in one day: sales at Rs.30,560 per pound

தங்கம் விலை ஒரே நாளில் பவுனுக்கு ரூ.984 சரிவு: ஒரு பவுன் ரூ.30,560-க்கு விற்பனை

தங்கம் விலை ஒரே நாளில் பவுனுக்கு ரூ.984 சரிவு: ஒரு பவுன் ரூ.30,560-க்கு விற்பனை
தங்கம் விலை ஒரே நாளில் நேற்று பவுனுக்கு ரூ.984 சரிந்து, ஒரு பவுன் ரூ.30 ஆயிரத்து 560-க்கு விற்பனை செய்யப்பட்டது.
சென்னை, 

தங்கம் விலை தொடர்ந்து உச்சத்தில் இருந்து வந்த நிலையில், கடந்த சில நாட்களாக விலை சரிந்து வருகிறது. இந்த ஆண்டின் ஆரம்பத்தில் ஒரு பவுன் ரூ.29 ஆயிரத்து 880-க்கு விற்பனை ஆனது. அதன்பின்னர், சற்று விலை அதிகரித்து கடந்த பிப்ரவரி மாதம் 24-ந் தேதி ஒரு பவுன் ரூ.33 ஆயிரத்து 328-க்கு விற்பனை ஆகி, வரலாறு காணாத உச்சத்தை பதிவு செய்தது.

இந்த நிலையில் இந்த மாதம் ஆரம்பத்தில் விலை உயர்வை நோக்கி சென்றாலும், கடந்த 7-ந் தேதியில் இருந்து தங்கம் விலை குறைய தொடங்கியது. அவ்வப்போது இடையில் ஓரிரு நாட்கள் விலை அதிகரித்தாலும், பெருமளவில் உயரவில்லை. அந்த வகையில் நேற்று முன்தினம் பவுனுக்கு ரூ.72 உயர்ந்து இருந்தது. நேற்று அதிரடியாக சரிந்து காணப்பட்டது.

நேற்று முன்தினம் ஒரு கிராம் ரூ.3 ஆயிரத்து 943-க்கும், ஒரு பவுன் ரூ.31 ஆயிரத்து 544-க்கும் விற்பனை ஆனது. நேற்று மாலை நேர நிலவரப்படி, கிராமுக்கு ரூ.123-ம், பவுனுக்கு ரூ.984-ம் சரிந்து, ஒரு கிராம் ரூ.3 ஆயிரத்து 820-க்கும், ஒரு பவுன் ரூ.30 ஆயிரத்து 560-க்கும் விற்பனை செய்யப்பட்டது. கடந்த ஒரு வாரத்தில் மட்டும் தங்கம் விலை கிராமுக்கு ரூ.394-ம், பவுனுக்கு ரூ.3 ஆயிரத்து 152-ம் சரிந்துள்ளது.

வெள்ளி விலையும் அதேபோல் சரிந்து கொண்டே வருகிறது. நேற்று கிராமுக்கு 2 ரூபாய் 70 காசும், கிலோவுக்கு ரூ.2 ஆயிரத்து 700-ம் குறைந்து, ஒரு கிராம் 38 ரூபாய் 10 காசுக்கும், ஒரு கிலோ ரூ.38 ஆயிரத்து 100-க்கும் விற்பனை ஆனது.

இதுகுறித்து மெட்ராஸ் வைரம் மற்றும் தங்கம் வியாபாரிகள் சங்க தலைவர் ஜெயந்திலால் ஷலானி கூறியதாவது:-

‘கொரோனா வைரஸ் தாக்கத்தால் எல்லா துறையும் பாதிக்கப்பட்டு இருக்கிறது. போக்குவரத்து தொடர்பு ஒவ்வொரு நாடுகளுக்கும் இடையே இல்லாததால், தங்கத்தின் மீது முதலீடு செய்யும் முதலீட்டாளர்கள் தங்கத்தில் முதலீடு செய்ய முடியாத நிலை ஏற்பட்டுள்ளது. அதேபோல், அமெரிக்க பெடரல் வங்கி கூட்டமைப்பில் வைப்பு நிதிக்கான வட்டி விகிதம் முழுவதுமாக நீக்கப்பட்டுள்ளது. இந்த காரணங்களால் தங்கம் விலை சரிந்து வருகிறது. இவ்வாறு அவர் கூறினார்.

தொடர்புடைய செய்திகள்

1. வரலாறு காணாத உச்சம்-ஒரு பவுன் தங்கம் ரூ.37 ஆயிரத்தை கடந்து விற்பனை
தங்கம் விலை தொடர்ந்து அதிகரித்து வரலாறு காணாத உச்சத்தை தொட்டுள்ளது. கடந்த 10 நாட்களில் மட்டும் பவுனுக்கு ரூ.1,200 உயர்ந்து, ஒரு பவுன் ரூ.37 ஆயிரத்தை தாண்டி நேற்று விற்பனை ஆனது.
2. ஜெயங்கொண்டம் ஒழுங்குமுறை விற்பனை கூடத்தில் விவசாயிகள் அதிகாரியிடம் வாக்குவாதத்தில் ஈடுபட்டதால் பரபரப்பு
ஜெயங்கொண்டம் ஒழுங்குமுறை விற்பனை கூடத்தில் விவசாயிகள் அதிகாரியிடம் வாக்குவாதத்தில் ஈடுபட்டதால் பரபரப்பு ஏற்பட்டது. மேலும் விவசாயிகள் ஒரே நேரத்தில் குவிந்ததால் போக்குவரத்து பாதிக்கப்பட்டது.
3. கொரோனா சிகிச்சைக்கான ஒரு மாத்திரை விலை ரூ.103; இன்று மாலை முதல் இந்தியாவில் விற்பனை
கொரோனா பாதித்த நோயாளிகளுக்கான வைரஸ் எதிர்ப்பு மாத்திரை இன்று மாலை முதல் இந்தியாவில் விற்பனை செய்யப்பட உள்ளது.
4. திருப்பூர் மார்க்கெட்டில் மீன் விற்பனை அமோகம் 30 டன் விற்று தீர்ந்தது
திருப்பூர் தென்னம்பாளையத்தில் உள்ள மீன் மார்க்கெட்டுக்கு நேற்று முன்தினம் இரவு ஆந்திராவில் இருந்து 30 டன் வளர்ப்பு மீன்கள் விற்பனைக்கு கொண்டு வரப்பட்டது.
5. நாமக்கல் மாவட்டத்தில் மது, கள், சாராயம் விற்பனை செய்த 333 பேர் கைது
நாமக்கல் மாவட்டத்தில் ஊரடங்கு தொடங்கிய நாள் முதல் இதுவரை சட்டவிரோதமாக மதுபானம், கள், சாராயம் விற்பனை செய்த 333 பேர் கைது செய்யப்பட்டு இருப்பதாக போலீஸ் சூப்பிரண்டு அருளரசு தெரிவித்து உள்ளார்.