பிற விளையாட்டு

கொரோனா வைரஸ் பாதிப்பு: ஒலிம்பிக் போட்டியை தள்ளி வைக்க முடிவு? - ஜப்பான் பிரதமர் சூசக தகவல் + "||" + Postponing Tokyo Olympics over COVID-19 may become inevitable: Shinzo Abe

கொரோனா வைரஸ் பாதிப்பு: ஒலிம்பிக் போட்டியை தள்ளி வைக்க முடிவு? - ஜப்பான் பிரதமர் சூசக தகவல்

கொரோனா வைரஸ் பாதிப்பு: ஒலிம்பிக் போட்டியை தள்ளி வைக்க முடிவு? - ஜப்பான் பிரதமர் சூசக தகவல்
ஒலிம்பிக் போட்டியை தள்ளிவைப்பதற்கான முடிவை எடுப்பது தவிர்க்க முடியாதது என்று ஜப்பான் பிரதமர் ஷின்சோ அபே தெரிவித்துள்ளார்.
டோக்கியோ,

உலகின் மிகப்பெரிய விளையாட்டு திருவிழாவான 32-வது ஒலிம்பிக் போட்டி ஜப்பான் தலைநகர் டோக்கியோவில் ஜூலை 24-ந் தேதி முதல் ஆகஸ்டு 9-ந் தேதி வரை நடைபெறும் என்று அறிவிக்கப்பட்டுள்ளது.

கொரோனா வைரஸ் பாதிப்பு உலகம் முழுவதும் வேகமாக பரவி வருவதால் ஒலிம்பிக் போட்டியை தள்ளி வைக்க வேண்டும் என்று பல நாட்டு ஒலிம்பிக் சங்கங்களும் வலியுறுத்தி வருகின்றன. பல்வேறு நாட்டு வீரர், வீராங்கனைகளும் இந்த போட்டியை ஒத்தி வைக்க வேண்டும் என்று வேண்டுகோள் விடுத்து வருகின்றனர்.


போட்டிக்கு இன்னும் 4 மாதங்கள் இருப்பதால் அதற்குள் நிலைமை சரியாகி விடும் என்றும் போட்டியை திட்டமிட்டபடி நடத்தி விடலாம் என்றும் சர்வதேச ஒலிம்பிக் கவுன்சிலும், போட்டி அமைப்பாளர்களும் நினைக்கிறார்கள். ஆனால் ஒலிம்பிக் போட்டியை தள்ளி வைப்பது தான் சரியானது என்று பல்வேறு நாடுகளில் இருந்தும் அழுத்தங்கள் அதிகரித்து வருகின்றன. அத்துடன் டோக்கியோ ஒலிம்பிக் போட்டியில் இருந்து விலகுவதாக கனடா மற்றும் ஆஸ்திரேலியா அறிவித்துள்ளது. இதனால் போட்டி அமைப்பாளர்களுக்கு அதிக நெருக்கடி உருவாகி இருக்கிறது.

ஒலிம்பிக் போட்டியை திட்டமிட்டபடி நடத்த முடியுமா? அல்லது தள்ளி வைக்கலாமா? என்பது குறித்து எல்லா அம்சங்கள் பற்றியும் போட்டியில் பங்கேற்கும் அனைத்து தரப்பினரிடமும் முழுமையாக ஆலோசனை நடத்தி 4 வாரங்களுக்குள் இறுதி முடிவு எடுக்கப்படும் என்று சர்வதேச ஒலிம்பிக் கவுன்சில் தெரிவித்து இருந்தது. ஒலிம்பிக் போட்டியை தள்ளி வைக்கலாம் ஆனால் ரத்து செய்யும் திட்டம் எதுவும் இல்லை என்று தெளிவுபடுத்தி இருந்தது.

இந்த நிலையில் கொரோனா பாதிப்பால் டோக்கியோ ஒலிம்பிக் போட்டி தள்ளி வைக்கப்படலாம் என்று ஜப்பான் பிரதமர் ஷின்சோ அபே சூசகமாக தெரிவித்துள்ளார். பாராளுமன்றத்தில் அவர் நேற்று பேசுகையில், ‘முழுமையான ஒலிம்பிக் போட்டியை நடத்த வேண்டும் என்பதில் ஜப்பான் உறுதியாக இருக்கிறது. இது கடினமானால், விளையாட்டு வீரர்களின் நலனை கருத்தில் கொண்டு போட்டியை தள்ளிவைப்பதற்கான முடிவை எடுப்பது தவிர்க்க முடியாததாகி விடும். ஆனால் போட்டியை ரத்து செய்யும் திட்டம் இல்லை’ என்று தெரிவித்தார்.

இந்திய ஒலிம்பிக் சங்கத்தின் நிலைப்பாடு என்ன?

டோக்கியோ ஒலிம்பிக் போட்டியில் பங்கேற்பது குறித்து இந்தியாவின் நிலைப்பாடு என்ன? என்பது குறித்து இந்திய ஒலிம்பிக் சங்க பொதுச்செயலாளர் ராஜீவ் மேத்தாவிடம் கேட்ட போது, ‘கொரோனாவினால் ஏற்பட்டு வரும் தாக்கம் குறித்து இந்திய ஒலிம்பிக் சங்கம் உன்னிப்பாக கவனித்து வருகிறது. இந்த விஷயத்தில் நாங்கள் 4 முதல் 5 வாரங்கள் பொறுத்து இருந்து நிலைமையை பார்ப்போம். அதன் பிறகு சர்வதேச ஒலிம்பிக் கவுன்சில் மற்றும் மத்திய விளையாட்டு அமைச்சகத்துடன் கலந்து ஆலோசித்து முடிவு எடுப்போம். மற்ற நாடுகளுடன் ஒப்பிடுகையில் நமது நாட்டில் கொரோனாவின் பாதிப்பு மோசமாக இல்லை’ என்று பதிலளித்தார்.


தொடர்புடைய செய்திகள்

1. சென்னை-நகரங்களில் ஊரடங்கை மீறி இறைச்சி -மீன் கடைகளில் கட்டுப்பாடற்ற கூட்டம்
சென்னை மற்றும் நகரங்களில் ஊரடங்கையும் மீறி இன்று ஞாயிற்றுக்கிழமை இறைச்சி மற்றும் மீன் கடைகளில் கட்டுப்பாடற்ற முறையில் மக்கள் கூட்டம் குவிந்தது.
2. சீனாவுக்கு அடுத்த தலைவலி ஹூபே மாகாணத்தில் வெடிக்கும் கலவரம்
ஹூபே மாகாணத்தில் இருந்து மக்கள் வெளியேற முயற்சிப்பதால் ஆங்காங்கே வன்முறை வெடித்துள்ளதாக சீன ஊடகங்கள் செய்தி வெளியிட்டுள்ளன
3. உலகை அச்சுறுத்தும் கொரோனா; கவலையின்றி ஏவுகணை சோதனையில் வடகொரியா
கொரோனா வைரஸ் வெடிப்பின் மத்தியில் வட கொரியா முன்னெப்போதையும் விட அதிக ஏவுகணைகளை சோதனை செய்து வருகிறது.
4. அமெரிக்காவை மிரட்டும் கொரோனா; நியூயார்க நகரை தனிமைபடுத்த தேவையில்லை- டொனால்டு டிரம்ப்
அமெரிக்காவை மிரட்டும் கொரோனா தொற்று; நியூயார்க நகரை சீனா உகான் நகரைப்போல் தனிமை படுத்த டிரம்ப் அதிரடி திட்டத்தில் இருந்து பின்வாங்கினார்.
5. ஊரடங்கு அறிவித்திருக்கா விட்டால் கொரோனா உலகம் முழுவதும் 4 கோடி மக்களை பலி கொண்டு இருக்கும் ஆய்வில் தகவல்
கொரோனா வைரஸ் பாதிப்பால் ஊரடங்கு அறிவித்திருக்கா விட்டால் உலகம் முழுவதும் 4 கோடி மக்களை பலி கொண்டு இருக்கும் 100 கோடிபேர் நோயுற்றிருக்கலாம் என ஆய்வு ஒன்று தெரிவித்து உள்ளது.