தேசிய செய்திகள்

பெட்ரோல், டீசல் விலையை உயர்த்தி மக்களிடம் இருந்து பணத்தை பறிக்கிறது மத்திய அரசு - சோனியா காந்தி குற்றச்சாட்டு + "||" + Petrol, diesel prices and raising money from the people and deprived the central government - Sonia Gandhi charge

பெட்ரோல், டீசல் விலையை உயர்த்தி மக்களிடம் இருந்து பணத்தை பறிக்கிறது மத்திய அரசு - சோனியா காந்தி குற்றச்சாட்டு

பெட்ரோல், டீசல் விலையை உயர்த்தி மக்களிடம் இருந்து பணத்தை பறிக்கிறது மத்திய அரசு - சோனியா காந்தி குற்றச்சாட்டு
பெட்ரோல், டீசல் விலையை உயர்த்தி மக்களிடம் இருந்து மத்திய அரசு பணத்தை பறிப்பதாக சோனியா காந்தி குற்றம்சாட்டி உள்ளார்.
புதுடெல்லி,

பெட்ரோல், டீசல் விலை உயர்வுக்கு எதிராக காங்கிரஸ் கட்சி சமூக ஊடகத்தில் பிரசார இயக்கத்தை நேற்று தொடங்கி உள்ளது. இதையொட்டி அக்கட்சியின் தலைவர் சோனியா காந்தி வீடியோ பதிவு ஒன்றை வெளியிட்டு இருக்கிறார்.


அதில் அவர் கூறி இருப்பதாவது:-

நாட்டில் கொரோனா பரவலால் மக்கள் பெரும் துயரத்துக்கு ஆளாகி இருக்கிறார்கள். மற்றொரு புறம் மத்திய அரசு பெட்ரோல், டீசல் விலையை தொடர்ந்து உயர்த்திக்கொண்டு இருக்கிறது. பெட்ரோல் விலை 80 ரூபாயை தாண்டிவிட்டது.

கடந்த மார்ச் மாதம் 25-ந் தேதி நாட்டில் ஊரடங்கு அமல்படுத்தப்பட்டதில் இருந்து இதுவரை 22 முறை பெட்ரோல், டீசல் விலை உயர்த்தப்பட்டு இருக்கிறது. பெட்ரோல் விலை லிட்டருக்கு 11 ரூபாயும், டீசல் விலை லிட்டருக்கு 9 ரூபாய் 12 காசும் அதிகரித்து உள்ளது.

2014-ம் ஆண்டில் இருந்து சர்வதேச சந்தையில் கச்சா எண்ணெய் விலை தொடர்ந்து சரிந்துவரும் நிலையில் இந்தியாவில் பெட்ரோல், டீசல் விலையை அரசு தொடர்ந்து உயர்த்திக் கொண்டு இருக்கிறது.

கச்சா எண்ணெய் விலை சரிவால் ஏற்படும் பலனை மத்திய அரசு மக்களுக்கு அளிக்காமல் 12 முறை கலால் வரியை உயர்த்தி இருக்கிறது. இதன்மூலம் ரூ.18 லட்சம் கோடி கூடுதல் வருவாயை ஈட்டி இருக்கிறது.

எனவே பெட்ரோல், டீசல் விலை உயர்வை அரசு நியாயப்படுத்த முடியாது. இந்த விலை உயர்வால் ஏழைகள், தொழிலாளர்கள், விவசாயிகள், நடுத்தர மக்கள், சிறுதொழில் செய்வோர் என அனைத்து தரப்பு மக்களும் பெரிதும் பாதிக்கப்பட்டு உள்ளனர்.

இந்த நெருக்கடியான காலகட்டத்தில் மக்களுக்கு உதவி செய்ய வேண்டிய அரசு அவர்களிடம் இருந்து பணத்தை பறித்து ஆதாயம் அடைந்து கொண்டிருக்கிறது. கொரோனா பாதிப்பால் மக்கள் பெரும் இன்னலுக்கு உள்ளாகி இருப்பதால் காங்கிரசார் உள்ளிட்ட அனைத்து தரப்பினருடனும் இணைந்து, பெட்ரோல், டீசல் விலை உயர்வை வாபஸ் பெற வேண்டும் என்று மத்திய அரசை கேட்டுக் கொள்கிறேன். பெட்ரோல், டீசல் மீது கடந்த மார்ச் மாதம் முதல் விதிக்கப்பட்ட கலால் வரி உயர்வையும் திரும்பப் பெறவேண்டும் என்று கேட்டுக் கொள்கிறேன். இது கஷ்டமான சூழ்நிலையில் இருக்கும் மக்களுக்கு பெரிதும் உதவியாக இருக்கும். இவ்வாறு சோனியா காந்தி கூறி உள்ளார்.

காங்கிரஸ் தொடங்கி இருக்கும் இந்த பிரசார இயக்கத்தில் மக்கள் கலந்து கொண்டு பெட்ரோல், டீசல் விலையை குறைக்குமாறு மத்திய அரசை வற்புறுத்த வேண்டும் என்று அக்கட்சியின் முன்னாள் தலைவர் ராகுல் காந்தி எம்.பி., பொதுச் செயலாளர் பிரியங்கா ஆகியோர் கேட்டுக்கொண்டு உள்ளனர்.

தொடர்புடைய செய்திகள்

1. புதிய கல்விக்கொள்கை: முதல் அமைச்சர் பழனிசாமியுடன் அமைச்சர் கேபி அன்பழகன் நாளை ஆலோசனை
புதிய கல்விக்கொள்கை: முதல் அமைச்சர் பழனிசாமியுடன் அமைச்சர் கேபி அன்பழகன் நாளை ஆலோசனை நடத்த உள்ளார்
2. புதிய கல்விக்கொள்கை - மாற்றங்கள் என்ன? உயர்கல்வித்துறை செயலர் விளக்கம்
புதிய கல்விக் கொள்கைக்கு மத்திய அமைச்சரவை இன்று ஒப்புதல் அளித்தது.
3. பெட்ரோல், டீசல் விலை உயர்வை கண்டித்து மணல் லாரி உரிமையாளர்கள் மாதிரி பட்ஜெட், அல்வா தயாரித்து போராட்டம்
பெட்ரோல், டீசல் விலை உயர்வை கண்டித்து தமிழ்நாடு மணல் லாரி உரிமையாளர்கள் சங்கத்தினர் மாதிரி பட்ஜெட், அல்வா தயாரித்து நூதன போராட்டத்தில் ஈடுபட்டனர்.
4. எனது எச்சரிக்கையை கேட்க மறுக்கிறார்கள் ; மத்திய அரசு மீது ராகுல் காந்தி பாய்ச்சல்
கொரோனா குறித்தும், இந்திய பொருளாதாரம் குறித்தும் நான் தொடர்ந்து எச்சரித்து வந்தேன்; ஆனால் அவர்கள் கேட்கவில்லை என்று மத்திய அரசை ராகுல் காந்தி விமர்சித்துள்ளார்.
5. ஹேக்கிங் பிரச்சினை: டுவிட்டர் நிறுவனத்திற்கு மத்திய அரசு நோட்டீஸ்
ஹேக்கிங் விவகாரம் தொடர்பாக விளக்கம் அளிக்குமாறு டுவிட்டர் நிறுவனத்திற்கு மத்திய அரசு நோட்டீஸ் விடுத்துள்ளது.