தேசிய செய்திகள்

கொரோனா வைரஸ் நெருக்கடிக்கு மத்தியிலும் பாகிஸ்தான் பயங்கரவாதத்தை ஊக்குவிப்பதாக இந்தியா குற்றச்சாட்டு + "||" + 'Calling Osama a Martyr...': India Blows Apart Pak on Supporting Terrorism as Freedom Struggle in Kashmir

கொரோனா வைரஸ் நெருக்கடிக்கு மத்தியிலும் பாகிஸ்தான் பயங்கரவாதத்தை ஊக்குவிப்பதாக இந்தியா குற்றச்சாட்டு

கொரோனா வைரஸ் நெருக்கடிக்கு மத்தியிலும் பாகிஸ்தான் பயங்கரவாதத்தை ஊக்குவிப்பதாக இந்தியா குற்றச்சாட்டு
கொரோனா வைரஸ் நெருக்கடிக்கு மத்தியிலும் பயங்கரவாதத்தை ஊக்குவிப்பதாக இந்தியா ஐக்கிய நாடுகள் கூட்டத்தில் பாகிஸ்தானை குற்றம்சாட்டி உள்ளது.
புதுடெல்லி: 

கொரோனா வைரஸ் நெருக்கடிக்கு மத்தியிலும் பயங்கரவாதத்தை ஊக்குவிப்பதாக இந்தியா ஐக்கிய நாடுகள் கூட்டத்தில் பாகிஸ்தானை குற்றம்சாட்டி உள்ளது.

ஐக்கிய நாடுகள் சபையின் கூட்டத்தில்  அண்டை நாடான பாகிஸ்தானின் உண்மையான முகத்தை இந்தியா வெளிப்படுத்தியதுடன், சர்வதேச பயங்கரவாதத்தின் மையம் என்றும் பயங்கரவாதிகளின் பாதுகாப்பான அடைக்கலம் என்றும் பாகிஸ்தான் ஏன் அழைக்கப்படுகிறது என்பதை அந்நாடு  ஆராய்ந்து பார்க்க வேண்டும் என்றும் கூறியது.

கூட்டத்தில் காணொலியில் பேசிய இந்திய தூதுக்குழுவின் தலைவர் மகாவீர் சிங்வி கூறியதாவது:-

கொரோனா தொற்றுநோயை சமாளிக்க உலகம் முழுவதும் ஒன்று திரண்டு வரும் நேரத்தில், துரதிர்ஷ்டவசமாக, பாகிஸ்தான், எல்லை தாண்டிய பயங்கரவாதத்திற்கு ஆதரவளித்து வருகிறது. பயங்கரவாத நடவடிக்கைகளை மேற்கொள்ள ஒவ்வொரு வாய்ப்பையும் பயன்படுத்திக் கொள்ள விரும்புகிறது. 

பாகிஸ்தான் இந்தியாவுக்கு எதிராக ஆதாரமற்ற மற்றும் தீங்கிழைக்கும் குற்றச்சாட்டுகளை முன்வைத்து எங்கள் உள் விவகாரங்களில் தலையிடுகிறது.ஜம்மு-காஷ்மீர் குறித்து பாகிஸ்தான் தவறான மற்றும் இட்டுக்கட்டப்பட்ட அறிக்கைகளை வெளியிடுகிறது.தன் நாட்டிலிருந்து நடத்தப்படும் பயங்கரவாத சதி நடவடிக்கைகளை நிறுத்துமாறு உலக நாடுகள் பாகிஸ்தானை வற்புறுத்த வேண்டும். 

இந்தியாவுக்கு எதிராக எல்லையில் பயங்கரவாதிகளை ஊக்குவிக்க நிதி உட்பட அனைத்து வகையான உதவிகளையும் பாகிஸ்தான் பயங்கரவாதிகளுக்கு அளிக்கிறது. இந்தியாவின் உள்நாட்டு சட்டங்கள் மற்றும் கொள்கைகள் பற்றிய தவறான தகவல்களையும் பாகிஸ்தான் பரப்புகிறது.

பாகிஸ்தான் மற்ற நாடுகளை குற்றம் சாட்டுவதற்கு முன்னர் தன் குறைபாடுகளை சரிசெய்வதில் கவனம் செலுத்த வேண்டும். ஜனநாயக ரீதியாக தேர்ந்தெடுக்கப்பட்ட இந்திய அரசாங்கத்திற்கும் அதன் தலைவர்களுக்கும் எதிராக விஷத்தைத் தூண்டுவதன் மூலம் எதுவும் நடக்கப்போவதில்லை.

இந்தியாவில், சிறுபான்மை சமூகத்தைச் சேர்ந்தவர்கள் உயர் பதவிகளை வகிக்கிறார்கள், முழு மரியாதையும் பெறுகிறார்கள். இதற்கு மாறாக, சிறுபான்மையினர் பாகிஸ்தானில் சித்திரவதை செய்யப்படுகிறார்கள். மதவாத நாடாக இருக்கும் பாகிஸ்தான் இந்தியர்களின் மதச்சார்பின்மையை புரிந்துகொள்வது கடினம் என கூறினார்.

காபூலில் இந்திய தூதரகம் மீதான பயங்கரவாத தாக்குதல், 2008 மும்பை பயங்கரவாத தாக்குதல், 2016 பதான்கோட் தாக்குதல், உரி மற்றும் புல்வாமா தாக்குதல் ஆகியவற்றில் பாகிஸ்தானுக்கு இருந்த  பங்கை இந்தியா கோடிட்டுக் காட்டியது. ஒசாமா பின்லேடனை, பாகிஸ்தான் பிரதமர் இம்ரான் கான் தியாகியாக அறிவித்ததையும் இந்தியா நினைவூட்டியது.

தொடர்புடைய செய்திகள்

1. இந்தியா-சீனா இடையே தொடரும் பதற்றம்: எத்தகைய நிலையையும் எதிர்கொள்ளத் தயார் - முப்படைகள் தளபதி பிபின் ராவத்
இந்தியா-சீனா எல்லையில் நிலவி வரும் பதற்றத்திற்கு இடையில் எத்தகைய நிலையையும் எதிர்கொள்ளத் தயார் நிலையில் இருப்பதாக முப்படைகள் தளபதி பிபின் ராவத் தெரிவித்துள்ளார்.
2. இந்தியாவில் கொரோனா பாதித்தவர்கள் எண்ணிக்கை 23 லட்சத்தை தாண்டியது
இந்தியாவில் கடந்த 24 மணி நேரத்தில் கொரோனா தொற்று பாதிப்பால் 834- பேர் உயிரிழந்துள்ளனர்.
3. இந்தியாவில் கொரோனா பாதிப்பு 22 லட்சத்தை கடந்தது
இந்தியாவில் நேற்று ஒரே நாளில் 62,064 பேருக்கு புதிதாக கொரோனா தொற்று உறுதி செய்யப்பட்டு உள்ளது. இதன்மூலம் பாதிக்கப்பட்டோர் எண்ணிக்கை 22 லட்சத்தை கடந்தது.
4. இந்தியாவில் புதிய உச்சம்: ஒரே நாளில் 64 ஆயிரம் பேருக்கு கொரோனா - பாதிப்பு 21 லட்சத்தை தாண்டியது
இந்தியாவில் புதிய உச்சமாக ஒரே நாளில் 64 ஆயிரத்துக்கும் அதிகமானோருக்கு கொரோனா பாதித்துள்ளது. மொத்த பாதிப்பு, 21 லட்சத்தை தாண்டி உள்ளது.
5. இந்தியாவில் ஒரே நாளில் சாதனை: 54 ஆயிரம் பேர் கொரோனாவில் இருந்து மீண்டனர்
இந்தியாவில் ஒரே நாளில் சாதனை அளவாக, 54 ஆயிரம் பேர் கொரோனாவில் இருந்து மீண்டுள்ளனர்.