தேசிய செய்திகள்

ராஜஸ்தான் அரசியல் நெருக்கடி:சுப்ரீம் கோர்ட்டில் வழக்கை வாபஸ் பெறும் விவகாரத்தில் கட்சியில் பிளவு + "||" + Congress To Withdraw Case From Top Court? Party Divided On Rajasthan

ராஜஸ்தான் அரசியல் நெருக்கடி:சுப்ரீம் கோர்ட்டில் வழக்கை வாபஸ் பெறும் விவகாரத்தில் கட்சியில் பிளவு

ராஜஸ்தான் அரசியல் நெருக்கடி:சுப்ரீம் கோர்ட்டில் வழக்கை வாபஸ் பெறும் விவகாரத்தில் கட்சியில் பிளவு
ராஜஸ்தான் அரசியல் நெருக்கடி:சுப்ரீம் கோர்ட்டில் வழக்கை வாபஸ் வாங்கும் விவகாரத்தில் கட்சியில் பிளவு ஏற்பட்டு உள்ளது.
புதுடெல்லி

ராஜஸ்தான் துணை முதல்வர் பதவியிலிருந்து நீக்கப்பட்ட சச்சின் பைலட் உள்பட 19 எம்எல்ஏக்களைத் தகுதிநீக்கம் செய்யும் நடவடிக்கையை வரும் 24-ம் தேதி வரை ஒத்திவைக்கக் கோரி ராஜஸ்தான் ஐகோர்ட் உத்தரவு பிறப்பித்தது. இதனை எதிர்த்து சட்டப்பேரவை சபாநாயகர் சுப்ரீம் கோர்ட்டில் மேல்முறையீடு செய்துள்ளார்.

ராஜஸ்தானில் முதல்வர் அசோக் கெலாட் தலைமையில் காங்கிரஸ் ஆட்சி நடந்து வருகிறது. அங்கு துணை முதல்வராக இருந்த சச்சின் பைலட் போர்க்கொடி தூக்கினார்.

அண்மையில் நடைபெற்ற இரண்டு காங்கிரஸ் கூட்டங்களில் சச்சின் பைலட் உள்ளிட்ட அவரது ஆதரவு 19 எம்எல்ஏக்கள் கலந்துகொள்ளவில்லை. இதனைக் காரணம் காட்டி, சச்சின் பைலட்டின் துணை முதல்வர் பதவியும், மாநிலத் தலைவர் பதவியும் பறிக்கப்பட்டது. மேலும், அவர்களைத் தகுதிநீக்கம் செய்வது தொடர்பாக மாநில சட்டப்பேரவைத் தலைவர் சி.பி. ஜோஷி நோட்டீசும் அனுப்பினார்.

இந்த நோட்டீசை எதிர்த்து சச்சின் பைலட் தரப்பில் ராஜஸ்தான் ஐகோர்ட்டில்  கடந்தவாரம் மனுத்தாக்கல் செய்யப்பட்டது. இந்த மனுவை விசாரித்த ஐகோர்ட் எந்த நடவடிக்கையும் எடுக்க வேண்டாம் என்று உத்தரவிட்டது. 

இந்நிலையில் ராஜஸ்தான் ஐகோர்ட் வெள்ளிக்கிழமை வரை சச்சின் பைலட் உள்பட 19 எம்எல்ஏக்கள் மீது நடவடிக்கை எடுக்க விதித்த தடையை எதிர்த்து சபாநாயகர் சி.பி.ஜோஷி சுப்ரீம் கோர்ட்டில் மேல்முறையீடு செய்துள்ளார்.

ராஜஸ்தான் வழக்கை சுப்ரீம் கோர்ட்டில்  சட்டப்பூர்வமாக தொடர்வது குறித்து காங்கிரசில் பிளவுபட்டுள்ளது. ஒரு பிரிவு காங்கிரஸ் இந்த விவாகரத்தை  நீதிமன்றத்திற்கு வெளியே  அரசியல் ரீதியாக கையாள வேண்டும் என்று விரும்புகிறது.

இந்த தலைவர்கள், நெருக்கடி அரசியல் ரீதியாக தீர்க்கப்பட வேண்டும் என்று நினைக்கிறார்கள். மற்றொரு பிரிவு நீதிமன்றத வழக்கை தொடர ஆர்வமாக உள்ளனர்.

இறுதி முடிவு கட்சியின் உயர் தலைவர்களுக்கு  விடப்பட்டுள்ளது காங்கிரஸ் வட்டாரங்கள் தெரிவித்தன.

இந்த விவகாரம் தொடரபாக  நாளை ஐகோர்ட் விசாரிக்க உள்ளது எவ்வாறாயினும், இந்த விவகாரம் விரைவில் சட்டமன்றத்தை கூட்டும் காங்கிரஸ் மூலோபாயத்தில் தலையிட வாய்ப்புள்ளது.

அசோக் கெலாட் அரசின் சட்டசபையை கூட்டும் முதல் திட்டத்தை நிராகரித்த கவர்னர் கல்ராஜ் மிஸ்ரா, மறுப்புக்கான ஆறு காரணங்களில் ஒன்றாக இது பட்டியலிடப்பட்டிருந்தது.

"சில எம்.எல்.ஏ.க்களை தகுதி நீக்கம் செய்வதற்கான பிரச்சினை ஐகோர்ட் மற்றும் சுப்ரீம் கோர்ட் நிலுவையில் உள்ளது. இந்த விஷயத்தை அறிந்து கொள்ளுமாறு அரசாங்கத்திடம் கேட்டுக் கொள்ளப்பட்டுள்ளது" 

பல முக்கிய காங்கிரஸ் தலைவர்கள் இப்போது சுப்ரீம் கோர்ட்டில் தாக்கல் செய்த மனுவை வாபஸ் பெற வேண்டும் என்றும், இந்த விவகாரம் அரசியல் ரீதியாக தொடரப்பட வேண்டும் என்றும் கருதுகின்றனர்.

கெலாட் ஆளுநருக்கு இரண்டாவது திட்டத்தை அனுப்பினார், கொரோனா வைரஸை நிகழ்ச்சி நிரலாகக் குறிப்பிட்டு, ஜூலை 31 தேதி சட்டசபையை கூட்ட வேண்டும் என கூறி உள்ளார். ஆனால் அதில் பெரும்பான்மையை நிரூபிப்பதுகுறித்த எந்த வார்த்தையும் இல்லை.

அவருக்கு ஆதரவளிக்கும் சில எம்.எல்.ஏக்கள் அரியானாவின் குருகிராமில் உள்ள எதிர்ப்பாளர்கள் முகாமில் பிணைக் கைதிகளாக வைக்கப்பட்டுள்ளதாகவும், போட்டியாளர்கள் சட்டசபை கூட்டத்திற்கு ஜெய்ப்பூருக்கு வர வேண்டிய கட்டாயம் இருந்தால் அவரது பெரும்பான்மை எண்ணிக்கை மேலும் உயரும் என்றும் கெலாட் கூறுகிறார்.


தொடர்புடைய செய்திகள்

1. இந்தியா கேட் அருகே டிராக்டர் எரிப்பு: காங்கிரசை சேர்ந்த 6 பேர் கைது
புதிய வேளாண் மசோதாவுக்கு எதிர்ப்பு தெரிவித்து இந்தியா கேட் அருகே டிராகடர் எரித்து ஆர்ப்பாட்டத்தில் ஈடுபட்ட காங்கிரசை சேர்ந்த 6 பேர் கைது செய்யப்பட்டனர்.
2. பிரதமர் மயில்களுடன் பிஸி நம்மை நாம் தான் காப்பாற்றிக்கொள்ள வேண்டும் - ராகுல்காந்தி கிண்டல்
மோடி மயில்களுடன் பிஸியாக இருப்பதால், நம்மை நாம்தான் காப்பாற்றிக்கொள்ள வேண்டும் ராகுல் காந்தி தெரிவித்துள்ளார்
3. காங்கிரஸ் கட்சியின் இடைக்கால தலைவராக சோனியா காந்தி நீடிப்பார் எனத்தகவல்
காங்கிரஸ் கட்சியின் இடைக்கால தலைவராக சோனியா காந்தி நீடிப்பார் என்று தகவல்கள் வெளியாகியுள்ளன.
4. சோனியா காந்தி பதவி விலகியதாக வெளியான தகவல் தவறானது: காங்கிரஸ்
சோனியா காந்தி பதவி விலகியதாக வெளியான தகவல் தவறானது என்று காங்கிரஸ் தெரிவித்துள்ளது.
5. இந்தியாவின் தேர்தல் ஜனநாயகத்தில் தலையிடும் பேஸ்புக், மார்க் ஜுக்கர்பர்கிற்கு காங்கிரஸ் கடிதம்
இந்தியாவின் தேர்தல் ஜனநாயகத்தில் பேஸ்புக் தலையிடுகிறது என கட்சி பேஸ்புக் நிறுவனத்தின் தலைமை நிர்வாக அதிகாரி மார்க் ஜுக்கர்பர்கிற்கு கடிதம் எழுதி உள்ளது.

ஆசிரியரின் தேர்வுகள்...