மாநில செய்திகள்

வணிக வளாகங்கள் நாளை முதல் திறப்பு: வழிகாட்டு நெறிமுறைகள் வெளியீடு + "||" + Shopping malls open tomorrow: Guidelines released

வணிக வளாகங்கள் நாளை முதல் திறப்பு: வழிகாட்டு நெறிமுறைகள் வெளியீடு

வணிக வளாகங்கள் நாளை முதல் திறப்பு:  வழிகாட்டு நெறிமுறைகள் வெளியீடு
தமிழகத்தில் வணிக வளாகங்கள் நாளை முதல் திறக்கப்படவுள்ள நிலையில் அதற்கான வழிகாட்டு நெறிமுறைகள் வெளியிடப்பட்டு உள்ளன.
சென்னை,

இந்தியாவில் தற்போது நடைமுறையில் இருக்கும் 7வது கட்ட ஊரடங்கு இன்றுடன் நிறைவடைகிறது. இந்த நிலையில், மத்திய அரசு நேற்று முன்தினம் 4வது கட்ட தளர்வுகளை அறிவித்தது. அப்போது, மாநிலத்துக்கு உள்ளேயும், மாநிலங்களுக்கு இடையேயும் போக்குவரத்துக்கு தடை இல்லை என்றும், நோய் கட்டுப்பாட்டு பகுதிகளில் ஊரடங்கு செப்டம்பர் 30ந்தேதி வரை நீட்டிக்கப்படுவதாகவும், செப்டம்பர் 7ந்தேதி முதல் மெட்ரோ ரெயில் சேவை படிப்படியாக தொடங்கப்படும் என்றும் அறிவிக்கப்பட்டது.

இந்த நிலையில், புதிய தளர்வுகளை அறிவித்து முதல் அமைச்சர் எடப்பாடி பழனிசாமி நேற்று மாலை அறிக்கை ஒன்றை வெளியிட்டார்.  அதில், தமிழ்நாடு முழுவதும் தற்போதுள்ள பொது ஊரடங்கு உத்தரவு, ஏற்கனவே நடைமுறையில் உள்ள பல்வேறு கட்டுப்பாடுகளுடனும், தளர்வுகளுடனும் 30-9-2020 நள்ளிரவு 12 மணி வரை மேலும் நீட்டிப்பு செய்யப்படுகிறது.

எனினும் பொருளாதாரத்தை மீட்டெடுக்க வேண்டிய அவசியத்தை கருத்தில் கொண்டும், நோய்த்தொற்றின் தன்மையை கருத்தில் கொண்டும், தமிழ்நாடு முழுவதும் நோய் கட்டுப்பாட்டு பகுதி தவிர மற்ற பகுதிகளில் ஏற்கனவே அனுமதிக்கப்பட்ட பணிகளுடன் வேறு சில குறிப்பிட்ட பணிகளுக்கும் 1-9-2020 (நாளை) முதல் அனுமதி அளிக்கப்படுகிறது என அறிவிப்பு வெளியிட்டப்பட்டது.

இதன் ஒரு பகுதியாக, வணிக வளாகங்கள், அனைத்து ஷோரூம்கள் மற்றும் பெரிய கடைகள் 100 சதவீத பணியாளர்களுடன், மத்திய அரசின் குளிர்சாதன வசதி குறித்த வழிகாட்டு நடைமுறைகளை பின்பற்றியும், நிலையான வழிகாட்டு நடைமுறைகளை பின்பற்றியும் இயங்க அனுமதிக்கப்படுகிறது. எனினும், வணிக வளாகங்களில் உள்ள திரையரங்குகள் இயக்க தடை தொடரும் என அதில் தெரிவிக்கப்பட்டு உள்ளது.

இதனை தொடர்ந்து தமிழகத்தில் நாளை முதல் வணிக வளாகங்கள் திறக்கப்படுகின்றன.  இதற்கான வழிகாட்டு நெறிமுறைகள் வெளியிடப்பட்டு உள்ளன.  பொதுமக்கள் உள்ளிட்டோர் இதனை முறையாக கடைப்பிடிக்க வலியுறுத்தப்படுகிறது.  இதன்படி, 

* வாடிக்கையாளர்கள் முக கவசம் அணிந்திருப்பது கட்டாயம்.

* வாடிக்கையாளர்கள் உள்ளே வரவும், வெளியே செல்லவும் தனித்தனி வாசல்கள் இருக்க வேண்டும்.

* நோய் அறிகுறி உள்ளவர்களை அனுமதிக்க கூடாது என அதில், தெரிவிக்கப்பட்டு உள்ளது.

தொடர்புடைய செய்திகள்

1. தேர்வுகள் நடத்துவதற்கான புதிய வழிகாட்டு நெறிமுறைகள் மத்திய அரசு வெளியிட்டது
தேர்வுகள் நடத்துவதற்கான புதிய வழிகாட்டு நெறிமுறைகளை மத்திய அரசு வெளியிட்டு உள்ளது.
2. ஐ.பி.எல். இருபது ஓவர் கிரிக்கெட் போட்டி முழு அட்டவணை வெளியீடு
ஐ.பி.எல். இருபது ஓவர் கிரிக்கெட் போட்டிகளுக்கான முழு அட்டவணை இன்று வெளியிடப்பட்டது.
3. உணவகங்கள் மற்றும் கேளிக்கை விடுதிகளுக்கான வழிகாட்டு நெறிமுறைகள்; தமிழக அரசு வெளியீடு
உணவகங்கள் மற்றும் கேளிக்கை விடுதிகளுக்கான வழிகாட்டு நெறிமுறைகளை தமிழக அரசு வெளியிட்டுள்ளது.
4. பாகிஸ்தானுக்கு ஆதரவாக தேசதுரோக செயலில் ஈடுபட்ட காஷ்மீர் போலீஸ் உயரதிகாரி; அதிர்ச்சி தகவல் வெளியீடு
இந்திய வெளிவிவகார அமைச்சகத்துடன் தொடர்பு ஏற்படுத்தி காஷ்மீர் போலீஸ் உயரதிகாரி பாகிஸ்தானுக்கு ஆதரவாக தேசதுரோக செயலில் ஈடுபட்ட அதிர்ச்சி தகவல் வெளியாகி உள்ளது.
5. இலங்கையில் மற்றொரு நிழலுலக தாதாவை சுட்டு வீழ்த்திய சமியாவின் கடந்தகால பின்னணி
இலங்கை நிழல் உலக தாதா அங்கொட லொக்காவின் கூட்டாளி சமியாவின் கடந்தகால பின்னணி விவரம் வெளிவந்துள்ளது.