தேசிய செய்திகள்

பிரதமர் மோடி மயில் பராமரிப்பில் தீவிரமாக இருப்பதாக ராகுல் காந்தி கிண்டல் + "||" + Rahul Gandhi teases that Prime Minister Modi is serious about peacock care

பிரதமர் மோடி மயில் பராமரிப்பில் தீவிரமாக இருப்பதாக ராகுல் காந்தி கிண்டல்

பிரதமர் மோடி மயில் பராமரிப்பில் தீவிரமாக இருப்பதாக ராகுல் காந்தி கிண்டல்
பிரதமர் மோடி மயில் பராமரிப்பில் தீவிரமாக இருப்பதாக ராகுல் காந்தி கிண்டலாக கூறியுள்ளார்.
புதுடெல்லி,

நாடு முழுவதும் கொரோனா தொற்றில் பாதிக்கப்பட்டோர் எண்ணிக்கை 48 லட்சத்தை கடந்து உள்ளது. இவ்வாறு அதிகரிக்கும் கொரோனாவை கட்டுப்படுத்த சரியான நடவடிக்கை எடுக்கவில்லை என பிரதமர் மோடியை காங்கிரஸ் முன்னாள் தலைவர் ராகுல் காந்தி மீண்டும் குற்றம் சாட்டியுள்ளார்.

இது தொடர்பாக அவர் தனது டுவிட்டர் தளத்தில் கூறுகையில், ‘கொரோனா தொற்று எண்ணிக்கை இந்த வாரத்துக்குள் 50 லட்சத்தை கடந்து விடும். சிகிச்சை பெறுவோரின் எண்ணிக்கையும் 10 லட்சத்தை தாண்டிவிடும். ஒரு மனிதரின் ஆணவத்தால் திட்டமிடாத ஊரடங்கு பிறப்பிக்கப்பட்டது. அதனால் நாடு முழுவதும் கொரோனா பரவி விட்டது’ என்று குறிப்பிட்டு உள்ளார்.

மோடி அரசு சுயசார்பை போதிப்பதாகவும், அதற்கான பொருள் உங்கள் வாழ்க்கையை நீங்களே பாதுகாத்துக்கொள்ளுங்கள் என்பதாகும் என கூறியுள்ள ராகுல் காந்தி, ஏனெனில் மயில் பராமரிப்பில் பிரதமர் தீவிரமாக இருப்பதாகவும் கூறியுள்ளார்.

பிரதமர் மோடி தனது இல்லத்தில் மயில்களுக்கு உணவளிக்கும் வீடியோ பதிவு ஒன்றை சமீபத்தில் வெளியிட்டு இருந்தார். இதை கேலி செய்யும் வகையில் ராகுல் காந்தி இவ்வாறு கூறியிருந்தது குறிப்பிடத்தக்கது.

தொடர்புடைய செய்திகள்

1. இந்தியாவின் எரிசக்தி எதிர்காலம் பிரகாசமானது மட்டுமல்ல பாதுகாப்பு நிறைந்தது - பிரதமர் மோடி
இந்தியாவின் எரிபொருள் தேவை வருங்காலங்களில் இரட்டிப்பாகும் என்று பிரதமர் மோடி கூறினார்.
2. தூத்துக்குடி சலூன் கடையில் நூலகம் நடத்தி வரும் பொன் மாரியப்பனுடன் பிரதமர் உரையாடல்
தூத்துக்குடியில் சலூன் கடை நடத்தி வரும் பொன் மாரியப்பன், அங்கே ஒரு நூலகம் அமைத்திருப்பதாக பிரதமர் மோடி பாராட்டினார்.
3. ‘மன் கி பாத்’: பிரதமர் மோடி இன்று உரையாற்றுகிறார்
பிரதமர் நரேந்திர மோடி இன்று மன் கி பாத் நிகழ்ச்சியில் 70-வது முறையாக உரையாற்றுகிறார்.
4. குஜராத்தில் வளர்ச்சி திட்டங்களை தொடங்கி வைத்தார் பிரதமர் மோடி
குஜராத்தில் வேளாண்மைத்துறை, சுற்றுலாத்துறை, மருத்துவத்துறைகளுக்கான வளர்ச்சித் திட்டங்களை பிரதமர் நரேந்திர மோடி இன்று காணொலி காட்சி மூலம் தொடக்கி வைத்தார்.
5. குஜராத்தில் இன்று மூன்று முக்கிய திட்டங்களை பிரதமர் மோடி தொடங்கி வைக்கிறார்
குஜராத்தில் மூன்று முக்கியமான திட்டங்களை வீடியோ கான்பரன்சிங் மூலம் பிரதமர் மோடி இன்று திறந்து வைக்கிறார்.