மாநில செய்திகள்

ஆளுநர் மாளிகை நோக்கி பேரணி: கனிமொழி உட்பட திமுகவினர் கைதாகி விடுதலை + "||" + Rally towards Governor's House: DMK workers including Kanimozhi arrested and released

ஆளுநர் மாளிகை நோக்கி பேரணி: கனிமொழி உட்பட திமுகவினர் கைதாகி விடுதலை

ஆளுநர் மாளிகை நோக்கி பேரணி: கனிமொழி உட்பட திமுகவினர் கைதாகி விடுதலை
ஆளுநர் மாளிகை நோக்கி பேரணியாக சென்ற எம்.பி கனிமொழி உட்பட திமுகவினர் அனைவரும் கைதாகி விடுதலை செய்யப்பட்டனர்.
சென்னை, 

உத்தரபிரதேசத்தில் பாலியல் வன்கொடுமை செய்யப்பட்டு கொலை செய்யப்பட்ட ஹத்ராஸ் பெண்ணுக்காக நீதிக்கேட்டு இன்று கனிமொழி தலைமையில் திமுக மகளிரணியினர் கையில் ஒளியேந்தி ஆளுநர் மாளிகை நோக்கி பேரணியாக சென்றனர். போலீசாரின் தடையை மீறி பேரணி சென்றதாக திமுக எம்.பி. கனிமொழி உள்ளிட்டோர் கைது செய்யப்பட்டனர்.

இந்நிலையில் உ.பி. பாலியல் வன்கொடுமை சம்பவத்திற்கு நீதி கேட்டு நடந்த பேரணியில் கைது செய்யப்பட்ட திமுக மகளிரணிச் செயலாளர் கனிமொழி விடுதலை செய்யப்பட்டார். அவரைத்தொடர்ந்து ஆளுநர் மாளிகை நோக்கி, போலீசாரின் தடையை மீறி பேரணி செல்ல முயன்று கைது செய்யப்பட்ட திமுக மகளிரணியினர் அனைவரும் விடுதலை செய்யப்பட்டனர். 

இதுகுறித்து கருத்து தெரிவித்த திமுக எம்.பி. கனிமொழி, “பெண்களின் பாதுகாப்புக்கான சூழலை நிச்சயம் திமுக உருவாக்கித் தரும். ஹத்ராஸ் சம்பவம் குறித்து நீதிமன்ற கண்காணிப்பில் விசாரணை நடத்த வேண்டும். ஆளுநரிடம் மனு அளிக்க செல்வதைக் கூட தடுக்கும் ஆட்சிதான் தமிழகத்தில் உள்ளது. ஆளுநரை சந்திக்க சென்றதை ஏன் தடுத்து நிறுத்தினார்கள் என்று தெரியவில்லை” என்று அவர் தெரிவித்தார். 

தொடர்புடைய செய்திகள்

1. மத்திய அரசின் வேளாண் சட்டங்களுக்கு எதிர்ப்பு: மேல்புறத்தில் காங்கிரசார் ஏர் கலப்பையுடன் பேரணி
மத்திய அரசின் வேளாண் சட்டங்களுக்கு எதிர்ப்பு தெரிவித்து மேல்புறத்தில் காங்கிரஸ் கட்சியினர் ஏர்கலப்பையுடன் பேரணி சென்றனர். போலீசார் தடுத்ததால் அவர்கள் சாலை மறியலில் ஈடுபட்டனர். போராட்டத்தில் ஈடுபட்ட எம்.எல்.ஏ.க்கள் உள்பட 300 பேர் கைது செய்யப்பட்டனர்.
2. அமெரிக்க நகரங்களில் டிரம்ப் ஆதரவாளர்கள் பேரணி எதிர்ப்பாளர்கள் மோதலால் பதற்றம்
அமெரிக்க நகரங்களில் டிரம்ப் ஆதரவாளர்கள் ஆயிரக்கணக்கில் திரண்டு பேரணி நடத்தினர். அவர்களுடன் எதிர்ப்பாளர்கள் மோதியதால் பதற்றம் ஏற்பட்டது.
3. தூத்துக்குடியில் சைக்கிள் பேரணி
தூத்துக்குடியில் மாநகராட்சி சார்பில் நேற்று சைக்கிள் பேரணி நடந்தது.
4. தஞ்சையில் கொரோனா வைரஸ் விழிப்புணர்வு சைக்கிள் பேரணி மருத்துவக்கல்லூரி முதல்வர் தொடங்கி வைத்தார்
தஞ்சையில் கொரோனா வைரஸ் விழிப்புணர்வு பேரணியை மருத்துவக்கல்லூரி முதல்வர் தொடங்கி வைத்தார்.
5. கிண்டி கவர்னர் மாளிகை நோக்கி பேரணி: தி.மு.க., எம்.பி. கனிமொழி உள்பட 191 பேர் மீது வழக்கு
உத்தரபிரதேச சம்பவத்துக்கு நீதி கேட்டு கிண்டி கவர்னர் மாளிகை நோக்கி பேரணியாக சென்ற தி.மு.க. எம்.பி. கனிமொழி உள்ளிட்ட 191 பேர் மீது போலீசார் வழக்கு பதிவு செய்துள்ளனர்.