உலக செய்திகள்

மருத்துவ துறைக்கான நோபல் பரிசு 3 விஞ்ஞானிகளுக்கு அறிவிப்பு; ‘ஹெபாடைடிஸ் சி’ வைரசை கண்டுபிடித்தவர்கள் + "||" + Nobel Prize in Medicine announced to 3 scientists; Discoverers of the hepatitis C virus

மருத்துவ துறைக்கான நோபல் பரிசு 3 விஞ்ஞானிகளுக்கு அறிவிப்பு; ‘ஹெபாடைடிஸ் சி’ வைரசை கண்டுபிடித்தவர்கள்

மருத்துவ துறைக்கான நோபல் பரிசு 3 விஞ்ஞானிகளுக்கு அறிவிப்பு; ‘ஹெபாடைடிஸ் சி’ வைரசை கண்டுபிடித்தவர்கள்
மருத்துவ துறைக்கான நோபல் பரிசு, 3 விஞ்ஞானிகளுக்கு கூட்டாக அறிவிக்கப்பட்டுள்ளது. இவர்கள் ஹெபாடைடிஸ் சி வைரசை கண்டுபிடித்தவர்கள் ஆவர்.
ஸ்டாக்ஹோம்,

மருத்துவம், இயற்பியல், வேதியியல், பொருளாதாரம், இலக்கியம், அமைதி ஆகிய துறைகளில் சிறப்பாக பணியாற்றியவர்களுக்கு உலகின் உயரிய விருதாக கருதப்படும் நோபல் பரிசு ஆண்டுதோறும் வழங்கப்படுகிறது.

இந்த ஆண்டுக்கான நோபல் பரிசுகளை அறிவிக்கும் பணி நேற்று தொடங்கியது. முதல் நாளில், மருத்துவ துறைக்கான நோபல் பரிசை சுவீடன் நாட்டின் ஸ்டோக்ஹோம் நகரில் நோபல் பரிசு கமிட்டி அறிவித்தது.

அமெரிக்காவை சேர்ந்த விஞ்ஞானிகள் ஹார்வே ஜே.ஆல்டர், சார்லஸ் எம்.ரைஸ், இங்கிலாந்துவிஞ்ஞானி மைக்கேல் ஹாக்டன் ஆகியோருக்கு மருத்துவ துறைக்கான நோபல் பரிசு கூட்டாக அறிவிக்கப்பட்டது. ஹெபாடைடிஸ் சி வைரஸ் கண்டுபிடிப்புக்காக இவர்களுக்கு நோபல் பரிசு வழங்கப்படுவதாக பரிசு கமிட்டி தெரிவித்தது.

உலகம் முழுவதும் 7 கோடி ஹெபாடைடிஸ் நோயாளிகள் இருப்பதாகவும், ஆண்டுதோறும் 4 லட்சம் பேர் இந்நோய்க்கு பலியாவதாகவும் உலக சுகாதார அமைப்பு கூறுகிறது. கல்லீரல் அழற்சி, புற்றுநோய் ஆகியவற்றுக்கு இது முக்கிய காரணமாக அமைகிறது.

இந்த 3 விஞ்ஞானிகளின் கண்டுபிடிப்புக்கு முன்பு, ஹெபாடைடிஸ் ஏ, ஹெபாடைடிஸ் பி என்ற 2 வைரஸ்கள் கண்டுபிடிக்கப்பட்டு இருந்தன. ஆனால், ரத்தம் மூலம் பரவும் பெரும்பாலான ஹெபாடைடிஸ் நோய்களுக்கு என்ன காரணம் என்பது தெரியாமல் இருந்தது.

ஆனால், ஹெபாடைடிஸ் சி வைரஸ் கண்டுபிடிப்பால், நாள்பட்ட ஹெபாடைடிஸ் நோய்களுக்கு விளக்கம் கிடைத்தது. இது, புதிய மருந்துகள் கண்டுபிடிப்புக்கு வழிவகுத்தது. ரத்த பரிசோதனையும் பயன்பாட்டுக்கு வந்தது.

அதன்மூலம், லட்சக்கணக்கான உயிர்களை காப்பாற்ற முடிந்ததாக நோபல் பரிசு கமிட்டி கூறியுள்ளது.

உலகில் இருந்து ஹெபாடைடிஸ் சி வைரசை ஒழிக்க முடியும் என்ற நம்பிக்கை பிறந்துள்ளதாகவும், வைரஸ் நோய்களுக்கு எதிரான நீண்டகால போராட்டத்தில் இது முக்கிய சாதனை என்றும் பாராட்டு தெரிவித்துள்ளது.

தொடர்புடைய செய்திகள்

1. 2020 -ஆம் ஆண்டு பொருளாதாரத்திற்கான நோபல் பரிசு அறிவிப்பு
பொருளாதாரம் அமைதி உள்பட பல்வேறு துறைகளில் சாதனை படைப்பவர்களுக்கு ஆண்டுதோறும் நோபல் பரிசு வழங்கி சிறப்பிக்கப்படுகிறது.
2. அமைதிக்கான நோபல் பரிசு ‘உலக உணவு திட்ட அமைப்பு’க்கு அறிவிப்பு
அமைதிக்கான நோபல் பரிசு உலக உணவு திட்ட அமைப்புக்கு அறிவிக்கப்பட்டுள்ளது.
3. அமெரிக்க பெண் கவிஞருக்கு இலக்கியத்திற்கான நோபல் பரிசு
இலக்கியத்திற்கான நோபல் பரிசு அறிவிப்பு அமெரிக்க பெண் கவிஞர் லூயிக்லுக்கிற்கு அறிவிக்கப்பட்டு உள்ளது.
4. 2020 ம் ஆண்டின் வேதியியலுக்கான நோபல் பரிசு 2 பெண்களுக்கு கூட்டாக அறிவிப்பு
2 பெண்களுக்கு வேதியியலுக்கான நோபல் பரிசுகள் 2 கூட்டாக அறிவிக்கப்பட்டு உள்ளது.
5. நோபல் பரிசுகள் இன்று முதல் அறிவிப்பு- முதல் நாளில் மருத்துவ துறைக்கான பரிசு
2020-ம் ஆண்டுக்கான நோபல் பரிசுகள் இன்று முதல் அறிவிக்கப்படுகின்றன