தேசிய செய்திகள்

அரசியல் நெருக்கடியால் எம்.பி., எம்.எல்.ஏ.க்கள் மீது போலீசார் நடவடிக்கை எடுப்பதில்லை; சுப்ரீம் கோர்ட்டு கவலை + "||" + Police do not take action against MPs and MLAs due to political crisis; Supreme Court concern

அரசியல் நெருக்கடியால் எம்.பி., எம்.எல்.ஏ.க்கள் மீது போலீசார் நடவடிக்கை எடுப்பதில்லை; சுப்ரீம் கோர்ட்டு கவலை

அரசியல் நெருக்கடியால் எம்.பி., எம்.எல்.ஏ.க்கள் மீது போலீசார் நடவடிக்கை எடுப்பதில்லை; சுப்ரீம் கோர்ட்டு கவலை
அரசியல் நெருக்கடியால் எம்.பி., எம்.எல்.ஏ.க்கள் மீது போலீசார் நடவடிக்கை எடுப்பதில்லை என்று சுப்ரீம் கோர்ட்டு தெரிவித்துள்ளது.
புதுடெல்லி,

எம்.பி., எம்.எல்.ஏ.க்கள் மீதான குற்ற வழக்குகளை விசாரிக்க போதிய சிறப்பு கோர்ட்டுகளை ஏற்படுத்த வேண்டும். குற்ற வழக்குகளை ஒரு ஆண்டுக்குள் விசாரித்து முடிக்க வேண்டும் என்று கூறி சுப்ரீம் கோர்ட்டில் மனு தாக்கல் செய்யப்பட்டது.

இந்த வழக்கை நீதிபதி என்.வி.ரமணா தலைமையிலான அமர்வு நேற்று விசாரித்தது. இந்த வழக்கில் சுப்ரீம் கோர்ட்டுக்கு உதவ நியமிக்கப்பட்ட மூத்த வக்கீல் விஜய் ஹன்சாரியா ஆஜராகி, சுப்ரீம் கோர்ட்டு உத்தரவை ஏற்று, ஐகோர்ட்டுகள் செயல்திட்டங்கள் அளித்துள்ளதையும், சிறப்பு கோர்ட்டுகளில் நிலுவையில் உள்ள குற்ற வழக்குகளையும் குறிப்பிட்டார்.

மத்திய அரசின் சார்பில் ஆஜரான சொலிசிட்டர் ஜெனரல் துஷார் மேத்தா, வக்கீல் வி.மோகனா ஆகியோர் எம்.பி., எம்.எல்.ஏ.க்களுக்கு எதிராக நிலுவையில் உள்ள குற்ற வழக்கு விவரங்களை ஆராய்ந்து ஒப்பிட்டு வருகிறோம். எனவே காலஅவகாசம் தேவை என வாதிட்டனர்.

அனைத்து தரப்பு வாதங்களை பதிவு செய்து கொண்ட நீதிபதிகள், ‘நாடு முழுவதும் முன்னாள் மற்றும் தற்போதைய எம்.பி., எம்.எல்.ஏ.க்களுக்கு எதிராக நிலுவையில் உள்ள குற்ற வழக்கு குறித்த விவரங்களை முழுவதுமாக மத்திய அரசு தாக்கல் செய்யவில்லை. அவற்றை தாக்கல் செய்ய வேண்டும்.

இந்த வழக்கில் பரிந்துரைகளையும், செயல்திட்டத்தையும் ஐகோர்ட்டுகள் தரவும், அவற்றை உரிய அமைச்சகங்களுக்கு அனுப்பி வைக்க ஏதுவாக வழக்கு விசாரணையை 10 நாட்களுக்கு தள்ளிவைக்கிறோம். அரசியல் நெருக்கடிகளால் சில நேரங்களில் எம்.பி., எம்.எல்.ஏ.க்களுக்கு எதிரான குற்ற வழக்குகளில் போலீசார் நடவடிக்கை எடுக்காமல் இருப்பது கவலையளிக்கிறது’ என தெரிவித்தனர்.

அப்போது மனுதாரர் அஸ்வினி குமார் உபாத்தாய் குறுக்கிட்டு, ‘குற்ற வழக்குகளில் தண்டனை பெற்றவர்களை தேர்தலில் போட்டியிட வாழ்நாள் தடைவிதிக்க கோரிய மனு தொடர்பாக பதில் அளிக்க உத்தரவிட வேண்டும்’ என்றார்.

இதற்கு நீதிபதிகள், ‘முதலில் எம்.பி., எம்.எல்.ஏ.க்கள், மீதான குற்ற வழக்குகளை விசாரிக்க போதிய சிறப்பு கோர்ட்டுகளை ஏற்படுத்துவதில் கவனம் செலுத்துவோம்’ என்றனர்.

நாடு முழுவதும் எம்.பி., எம்.எல்.ஏ.க்களுக்கு எதிராக 4,859 குற்ற வழக்குகளும், தமிழ்நாட்டில் 361 குற்ற வழக்குகளும் நிலுவையில் உள்ளன என சுப்ரீம் கோர்ட்டில் தகவல் தெரிவிக்கப்பட்டுள்ளது குறிப்பிடத்தக்கது.

தொடர்புடைய செய்திகள்

1. முக கவசம் அணிவதில் பொதுமக்கள் அலட்சியம் சுகாதாரத்துறை முதன்மை செயலாளர் கவலை
அதிகாரிகளை பார்த்தால் மட்டுமே முககவசம் அணிகின்றனர் என்றும், தற்பொது பொதுமக்களிடையே முககவசம் பயன்படுத்தும் முறை குறைந்துள்ளது எனவும் சுகாதாரத்துறை முதன்மை செயலாளர் டாக்டர் ராதாகிருஷ்ணன் கவலை தெரிவித்துள்ளார்.
2. இந்தியாவில் பாலியல் வன்முறைகள் பின்தங்கிய சமூகத்தை சேர்ந்த பெண்களே அதிகம் பாதிக்கப்படுகிறார்கள்; ஐ.நா. கவலை
இந்தியாவில் பாலியல் வன்முறைகள் சம்பவத்தில் பின்தங்கிய சமூகத்தை சேர்ந்த பெண்களே அதிகம் பாதிக்கப்படுகிறார்கள் என ஐ.நா. கவலை தெரிவித்து உள்ளது.
3. சக்லேஷ்புரா அருகே தாயை பிரிந்து தவிக்கும் குட்டி யானை கண்ணீர்; சாப்பிட மறுத்து வருவதால் வனத்துறையினர் கவலை
சக்லேஷ்புரா அருகே தாயை பிரிந்து தவிக்கும் குட்டி யானை சாப்பிட மறுத்து கண்ணீர்விட்டு வருகிறது. இதனால் வனத்துறையினர் கவலை அடைந்துள்ளனர்.
4. போதிய மழை பெய்யாததால் கறம்பக்குடியில் ஏரி-குளங்கள் வறண்டன விவசாயிகள் கவலை
போதிய மழை பெய்யாததால் கறம்பக்குடி பகுதியில் தண்ணீர் இன்றி ஏரி, குளங்கள் வறண்டன. இதனால் விவசாயிகள் கவலை அடைந்துள்ளனர்.
5. தலைஞாயிறு பகுதியில் தென்னங்கன்றுகளை தாக்கும் காண்டாமிருக வண்டுகள் விவசாயிகள் கவலை
தலைஞாயிறு பகுதியில் தென்னங்கன்றுகளை காண்டாமிருக வண்டுகள் தாக்குவதால் விவசாயிகள் கவலை அடைந்து உள்ளனர்.