மாநில செய்திகள்

தொடர்ந்து கொரோனா பாதிப்பு குறைகிறது: தமிழகத்தில் இதுவரை 25 ஆயிரத்து 10 குழந்தைகளுக்கு தொற்று + "||" + Corona infection continues to decline: 25 thousand 10 children infected in Tamil Nadu so far

தொடர்ந்து கொரோனா பாதிப்பு குறைகிறது: தமிழகத்தில் இதுவரை 25 ஆயிரத்து 10 குழந்தைகளுக்கு தொற்று

தொடர்ந்து கொரோனா பாதிப்பு குறைகிறது: தமிழகத்தில் இதுவரை 25 ஆயிரத்து 10 குழந்தைகளுக்கு தொற்று
தமிழகத்தில் தொடர்ந்து கொரோனா பாதிப்பு குறைந்து வருகிறது. இதுவரை 25 ஆயிரத்து 10 குழந்தைகளுக்கு தொற்று ஏற்பட்டுள்ளது.
சென்னை, 

தமிழகத்தில் இதுவரை 25 ஆயிரத்து 10 குழந்தைகளுக்கு தொற்று ஏற்பட்டுள்ளது.

தமிழகத்தில் நேற்றைய (வியாழக்கிழமை) கொரோனா பாதிப்பு குறித்து சுகாதாரத்துறை வெளியிட்டுள்ள செய்திக்குறிப்பில் கூறப்பட்டிருப்பதாவது:-

தமிழகத்தில் நேற்று 89 ஆயிரத்து 67 பேருக்கு கொரோனா பரிசோதனை மேற்கொள்ளப்பட்டது. இதில் 2,660 ஆண்கள், 1,750 பெண்கள் என மொத்தம் 4,410 பேருக்கு கொரோனா உறுதி செய்யப்பட்டுள்ளது. இந்த பட்டியலில், 12 வயதுக்கு உட்பட்ட 34 குழந்தைகளும், 60 வயதுக்கு மேற்பட்ட 239 முதியவர்களும் இடம் பெற்றுள்ளனர். நேற்று அனைத்து மாவட்டங்களிலும் புதிய தொற்று பாதிப்பு ஏற்பட்டு உள்ளது.

அதிகபட்சமாக சென்னையில் 1,148 பேரும், கோவையில் 395 பேரும், சேலத்தில் 263 பேரும், குறைந்தபட்சமாக அரியலூரில் 18 பேரும், பெரம்பலூரில் 6 பேரும் பாதிக்கப்பட்டு உள்ளனர். இருந்தாலும் தொடர்ந்து நாளுக்குநாள் கொரோனா பாதிப்போர் எண்ணிக்கை குறைந்து வருகிறது.

தமிழகத்தில் இதுவரை 84 லட்சத்து 29 ஆயிரத்து 741 பேருக்கு கொரோனா பரிசோதனை மேற்கொள்ளப்பட்டு உள்ளது. இதில் 6 லட்சத்து 74 ஆயிரத்து 802 பேருக்கு தொற்று உறுதி செய்யப்பட்டுள்ளது. அந்த வகையில் இந்த பட்டியலில் 4 லட்சத்து 7 ஆயிரத்து 577 ஆண்களும், 2 லட்சத்து 67 ஆயிரத்து 193 பெண்களும், 3-ம் பாலினத்தவர் 32 பேரும் அடங்குவர். அதில் 12 வயதுக்கு உட்பட்ட 25 ஆயிரத்து 10 குழந்தைகளும், 60 வயதுக்கு மேற்பட்ட 85 ஆயிரத்து 567 முதியவர்களும் இடம் பெற்றுள்ளனர்.

கொரோனாவுக்கு அரசு மருத்துவமனையில் 27 பேரும், தனியார் மருத்துவமனையில் 22 பேரும் என 49 பேர் சிகிச்சை பலனின்றி நேற்று உயிரிழந்துள்ளனர். இதில் சென்னையில் 18 பேரும், திருவள்ளூரில் 5 பேரும், கோவை, காஞ்சீபுரத்தில் தலா 3 பேரும், செங்கல்பட்டு, ஈரோடு, நாகப்பட்டினம், தஞ்சாவூர், திருவண்ணாமலையில் தலா இருவரும், கடலூர், தர்மபுரி, கள்ளக்குறிச்சி, நீலகிரி, சேலம், தென்காசி, திருவாரூர், திருப்பூர், திருச்சி, வேலூரில் தலா ஒருவரும் என 19 மாவட்டங்களில் உயிரிழப்பு நிகழ்ந்து உள்ளது. இதுவரையில் தமிழகத்தில் 10 ஆயிரத்து 472 பேர் கொரோனா நோய் தொற்றால் உயிரிழந்துள்ளனர்.

தமிழகத்தில் கொரோனா பாதிப்பில் இருந்து நேற்று 5 ஆயிரத்து 55 பேர் பூரண குணமடைந்து வீடு திரும்பி உள்ளனர். இதில் அதிகபட்சமாக சென்னையில் 1,257 பேரும், கோவையில் 670 பேரும், செங்கல்பட்டில் 349 பேரும் அடங்குவர். இதுவரையில் 6 லட்சத்து 22 ஆயிரத்து 458 பேர் குணம் அடைந்து உள்ளனர். சிகிச்சையில் 41 ஆயிரத்து 872 பேர் உள்ளனர்.

இவ்வாறு அதில் கூறப்பட்டு உள்ளது.


தொடர்புடைய செய்திகள்

1. இந்தியாவில் குறைந்து வரும் கொரோனா பாதிப்பு: இன்று புதிதாக 45,149 பேருக்கு தொற்று உறுதி
இந்தியாவில் கடந்த 24 மணி நேரத்தில் 45 ஆயிரத்து 149-பேருக்கு கொரோனா தொற்று உறுதி செய்யப்பட்டுள்ளது.
2. பிரான்சில் கொரோனா பாதிப்பு உச்சம்- 52 ஆயிரத்துக்கும் அதிகமானோருக்கு தொற்று
ஐரோப்பிய நாடுகளில் கொரோனா வைரசின் 2-வது அலை பரவ தொடங்கியுள்ளது.
3. இலங்கையில் கொரோனா பாதிப்பு உயர்வு- பல இடங்களில் ஊரடங்கு அமல்
இலங்கையில் மீண்டும் கொரோனா தொற்று வேகமாக பரவத் தொடங்கியுள்ளது.
4. இந்தியாவில் கொரோனா பாதிப்பில் இருந்து குணமடைந்தோர் விகிதம் 89.20 சதவீதமாக உயர்வு
இந்தியாவில் கொரோனா பாதிப்பில் இருந்து குணமடைந்தோர் விகிதம் 89.20 சதவீதமாக உயர்ந்துள்ளது.
5. உலக அளவில் கொரோனா பாதிப்பு அதிகரிப்பு: பாதிக்கப்பட்டோர் எண்ணிக்கை 4.14 கோடியாக உயர்வு
உலக அளவில் கொரோனா பாதிப்பில் இருந்து குணமடைந்தோர் எண்ணிக்கை 3.08 கோடியாக உயர்ந்துள்ளது.