சென்னை,

அரசு பள்ளி மாணவர்களுக்கு மருத்துவ படிப்பில் 7.5 சதவீதம் இடஒதுக்கீடு வழங்கும் விவகாரம் தொடர்பாக திமுக தலைவர் மு.க.ஸ்டாலினுக்கு ஆளுநர் பன்வாரிலால் எழுதி உள்ள கடிதத்தில்,

இடஒதுக்கீடு விவகாரம் தொடர்பாக அனைத்து நிலைகளிலும் ஆலோசனை நடைபெற்று வருகிறது.  இறுதி முடிவு எடுக்க 3 முதல் 4 வாரம் அவகாசம் தேவை.  கால அவகாசம் தேவை என்பதை தன்னை சந்தித்த அமைச்சர்களிடமும் விளக்கினேன் என அந்த கடிதத்தில் கூறியுள்ளதாக தகவல் வெளியாகி உள்ளது.

இதனிடையே 7.5% உள் ஒதுக்கீடு மசோதாவுக்கு ஒப்புதல் தரக்கோரி ஆளுநர் மாளிகை முன் அக்டோபர் 24-ம் தேதி ஆர்ப்பாட்டம் நடைபெறும் என திமுக அறிவித்தது குறிப்பிடத்தக்கது.