தேசிய செய்திகள்

டெல்லியில் ஐ.சி.யூ. படுக்கைகளை அதிகரிக்க போர்க்கால அடிப்படையில் பணி; முதல் மந்திரி அறிவிப்பு + "||" + ICU in Delhi Work on a wartime basis to increase beds; CM announcement

டெல்லியில் ஐ.சி.யூ. படுக்கைகளை அதிகரிக்க போர்க்கால அடிப்படையில் பணி; முதல் மந்திரி அறிவிப்பு

டெல்லியில் ஐ.சி.யூ. படுக்கைகளை அதிகரிக்க போர்க்கால அடிப்படையில் பணி; முதல் மந்திரி அறிவிப்பு
டெல்லியில் கொரோனா நோயாளிகளுக்கான ஐ.சி.யூ. படுக்கைகளை அதிகரிக்க போர்க்கால அடிப்படையில் பணிகள் நடந்து வருகின்றன என முதல் மந்திரி அறிவித்துள்ளார்.
புதுடெல்லி,

நாடு முழுவதும் கொரோனா பாதிப்புகள் அதிகரித்த சூழலில் சமீப நாட்களாக தொற்று எண்ணிக்கை சரிந்து வருகிறது.  கொரோனா பாதிப்பில் மராட்டியம் முதல் இடத்தில் உள்ளது. இந்த நிலையில், சமீப காலங்களாக டெல்லியில் பாதிப்பு தீவிரமடைந்து உள்ளது.

இது தவிர்த்து காற்று மாசும் அதிகரித்து காணப்படுகிறது.  இதனை எதிர்கொள்ள ஆம் ஆத்மி தலைமையிலான முதல் மந்திரி கெஜ்ரிவால் அரசு தீவிர நடவடிக்கைகளை எடுத்து வருகிறது.

இதன் ஒரு பகுதியாக டெல்லியில் கெஜ்ரிவால் தலைமையில் இன்று அனைத்து கட்சி கூட்டம் நடைபெற்றது.  இதன் பிறகு செய்தியாளர்களிடம் பேசிய அவர், அரசியல் செய்வதற்கான நேரம் இதுவல்ல.  அதற்கென நேரம் உள்ளது.  இது மக்களுக்கு சேவை செய்ய வேண்டிய நேரம் என்று கூறினார்.

தொடர்ந்து, பொது இடங்களில் முக கவசம் அணியாதவர்களுக்கு தற்போது ரூ.500 அபராதம் விதிக்கப்பட்டு வரும் நிலையில், இனி முக கவசம் அணியாவிட்டால் ரூ.2,000 அபராதம் விதிக்கப்படும் என்று கெஜ்ரிவால் அதிரடியாக அறிவித்துள்ளார்.

டெல்லியில் உள்ள தீன்தயாள் உபாத்யாய் மருத்துவமனைக்கு வருகை தந்த கெஜ்ரிவால் அங்குள்ள நோயாளிகள், சிகிச்சை வசதி, படுக்கை வசதி உள்ளிட்டவற்றை ஆய்வு மேற்கொண்டார்.

இதனை தொடர்ந்து செய்தியாளர்களிடம் அவர் பேசும்பொழுது, டெல்லி தீன்தயாள் உபாத்யாய் மருத்துவமனையில் தற்பொழுது கொரோனா நோயாளிகளுக்கான ஐ.சி.யூ. படுக்கைகள் எண்ணிக்கை 50 ஆக உள்ளது. இது 100 ஆக அதிகரிக்கப்படும்.  படுக்கை எண்ணிக்கையை அதிகரிப்பதற்காக போர்க்கால அடிப்படையில் பணிகள் நடந்து வருகின்றன என கூறியுள்ளார்.

தொடர்புடைய செய்திகள்

1. நடிகர் ரஜினிகாந்த் வருகிற 31ந்தேதி அரசியல் பிரவேசம் பற்றி அறிவிப்பு
நடிகர் ரஜினிகாந்த் வருகிற 31ந்தேதி அரசியல் பிரவேசம் பற்றிய அறிவிப்பினை வெளியிடுகிறார்.
2. டிசம்பர் மாதம் முடியும் வரை கர்நாடகத்தில் பள்ளிகள் திறப்பு இல்லை முதல்-மந்திரி எடியூரப்பா அறிவிப்பு
கொரோனா பரவலை தடுக்கும் நோக்கத்தில் கர்நாடகத்தில் கடந்த மார்ச் மாதம் 25-ந் தேதி ஊரடங்கு அமல்படுத்தப்பட்டது.
3. மத்திய பிரதேசத்தில் 2 ஆயிரம் புதிய கோசாலைகள் அமைக்கப்படும்; முதல் மந்திரி அறிவிப்பு
மத்திய பிரதேசத்தில் 2 ஆயிரம் புதிய கோசாலைகள் அமைக்கப்படும் என முதல் மந்திரி சிவராஜ் சிங் சவுகான் அறிவித்துள்ளார்.
4. பாகிஸ்தானில் பேரணிகள், கூட்டங்கள் நடத்த தடை; பிரதமர் இம்ரான் கான் அறிவிப்பு
பாகிஸ்தானில் பேரணிகள், கூட்டங்கள் நடத்த பிரதமர் இம்ரான் கான் தடை விதித்துள்ளார்.
5. திருப்போரூர் முருகன் கோவிலில் சூரசம்ஹார விழா ரத்து கோவில் நிர்வாகம் அறிவிப்பு
திருப்போரூர் முருகன் கோவிலில் கந்தசஷ்டி விழா கொடியேற்றத்துடன் தொடங்கியது. கொரோனா ஊரடங்கு கட்டுப்பாடுகள் எதிரொலியாக சூரசம்ஹார விழா ரத்து செய்யப்பட்டுள்ளது.