தேசிய செய்திகள்

கொரோனாவின் அடுத்த அலை சுனாமி போல ஆபத்தானதாக இருக்கும்: உத்தவ் தாக்கரே எச்சரிக்கை + "||" + Next Covid Wave "Like Tsunami", Warns Uddhav Thackeray With An Appeal

கொரோனாவின் அடுத்த அலை சுனாமி போல ஆபத்தானதாக இருக்கும்: உத்தவ் தாக்கரே எச்சரிக்கை

கொரோனாவின் அடுத்த அலை சுனாமி போல ஆபத்தானதாக இருக்கும்: உத்தவ் தாக்கரே எச்சரிக்கை
மீண்டும் ஊரடங்கை அமல்படுத்த நான் விரும்பவில்லை என்று மராட்டிய முதல் மந்திரி உத்தவ் தாக்கரே தெரிவித்துள்ளார்.
மும்பை,

மராட்டியத்தில் மக்களின் ஒத்துழைப்பால் கொரோனா வைரஸ் பரவல் கட்டுக்குள் கொண்டு வரப்பட்டு விட்டதாக அம்மாநில முதல் மந்திரி உத்தவ் தாக்கரே தெரிவித்துள்ளார்.  மராட்டிய மாநில மக்களுக்கு இன்று தொலைக்காட்சியில் உரையாற்றிய உத்தவ் தாக்கரே கூறியதாவது:- “ விநாயகர் சதுர்த்தி, தசரா போன்ற பண்டிகைகளை நாம் மிகுந்த எச்சரிக்கையுடன் கொண்டாடினோம். 

தீபாவளி பண்டிகையின் போது கூட பட்டாசுகளை வெடிக்க வேண்டாம் என நான் கூறினேன். நீங்களும் அதை பின்பற்றினீர்கள். இதன் காரணமாக கொரோனாவுக்கு எதிரான போர் நமது கட்டுக்குள் வந்துள்ளது.  ஆனால், உங்கள் மீது எனக்கு லேசான கோபம் உள்ளது. நான் ஏற்கனவே கூறியது போல தீபாவளிக்குப் பிறகு மக்கள் கூட்டம் அதிக அளவு உள்ளது. மக்களில் பலர் மாஸ்க் அணியாமல் செல்வதை என்னால் காண முடிகிறது. கொரோனா முடிந்து விட்டதாக யாரும் எண்ணக்கூடாது. 

 அஜாக்கிரதையாக இருக்க வேண்டாம். மேற்கத்திய நாடுகளாக இருக்கட்டும் டெல்லி அல்லது அகமதாபாத் ஆக இருக்கட்டும். கொரோனாவின் 2- வது மற்றும் மூன்றாவது அலை சுனாமி போல மிகவும் ஆபத்தானதாக உள்ளது.  அகமதாபாத் நகரில் இரவு நேர ஊரடங்கு அமல்படுத்தப்பட்டுள்ளது. 

அதிக அளவு கூடுவதால் கொரோனா இன்னும் வேகமாக பரவ போகிறது. தடுப்பூசி இன்னும் வெளிவரவில்லை.  எப்போது தடுப்பூசி பயன்பாட்டுக்கு வரும் என நமக்குத்  தெரியவில்லை. டிசம்பர் மாதத்தில் கொரோனா தடுப்பூசி பயன்பாட்டுக்கு விடப்பட்டாலும் கூட மராட்டியத்திற்கு எப்போது கிடைக்கும் எனத் தெரியவில்லை. மராட்டியத்தில் 12  கோடி மக்கள் வசிக்கின்றனர். கொரோனா தடுப்பூசி இருமுறை செலுத்த வேண்டியுள்ளது. எனவே, 25 கோடி மக்களுக்கு நாம் தடுப்பூசி செலுத்த வேண்டியுள்ளது. ஆகவே, இதற்கு காலம் பிடிக்கும் என்பதால் மிகுந்த எச்சரிக்கையுடன் இருங்கள்.  அதிக அளவு கூட்டமாக கூடுவதை தவிர்த்து விடுங்கள். மாஸ்க் அணியுங்கள். கைகளை அடிக்கடி கழுவுங்கள். இது மட்டுமே நம்மை பாதுகாப்பாக வைக்கும். வழிபாட்டு தலங்கள் அனைத்தும் திறந்து விடப்பட்டுள்ளது. ஆனால், இங்கு கூட்டமாக கூட  வேண்டாம். 

கொரோனா சிகிச்சைக்கு தேவையான படுக்கை வசதிகள் இல்லையென்றாலும், நமது சுகாதார பணியாளர்களும் கொரொனாவால் பாதிக்கபட்டாலும் நம்மை யாராலும் காப்பாற்ற முடியது. தற்போது இந்த அபாயம் இல்லை. எனினும் நாம் மிகவும் எச்சரிக்கையுடன் இருக்க வேண்டும். மீண்டும் ஊரடங்கை அமல்படுத்த நான் விரும்பவில்லை” என்றார். 

தொடர்புடைய செய்திகள்

1. பதவி ஏற்ற நாள் முதல் நெருக்கடி, சவால்களை தகர்த்து ஓசையின்றி ஓராண்டை நகர்த்திய உத்தவ் தாக்கரே
மராட்டிய சட்டசபை தேர்தல் கடந்த ஆண்டு அக்டோபரில் நடந்தது. தேர்தல் பிரசாரத்தின் போதே சிவசேனாவை சேர்ந்தவரை முதல்-மந்திரி ஆக்க வேண்டும் என்ற பால்தாக்கரேவின் கனவை நிறைவேற்றுவேன் என உத்தவ் தாக்கரே அடிக்கடி கூறினார்.
2. மராட்டியத்தில் கொரோனா தடுப்பூசி வினியோகத்துக்காக குழு அமைப்பு முதல்-மந்திரி உத்தவ் தாக்கரே தகவல்
மராட்டியத்தில் கொரோனா தடுப்பூசி வினியோகத்துக்காக குழு அமைக்கப்பட்டு உள்ளது என்று முதல்-மந்திரி உத்தவ் தாக்கரே கூறினார்.
3. டெல்லியில் புதிதாக 6,224- பேருக்கு கொரோனா தொற்று
டெல்லியில் கடந்த 24 மணி நேரத்தில் புதிதாக 6 ஆயிரத்து 224- பேருக்கு கொரோனா தொற்று உறுதி செய்யப்பட்டுள்ளது.
4. சீனாவில் 3 நகரங்களில் புதிதாக கொரோனா பாதிப்பு : லட்சக்கணக்கானோருக்கு பரிசோதனை
உலகில் முதன் முதலாக தொற்று பாதிப்பு வெளிப்பட்ட சீனாவில், இதுவரை 86 ஆயிரம் பேருக்கு கொரோனா உறுதி செய்யப்பட்டுள்ளது.
5. அம்பேத்கர் நினைவு நாளில் தாதர் சைத்ய பூமியில் கூட்டம் கூடவேண்டாம் உத்தவ் தாக்கரே வலியுறுத்தல்
அம்பேத்கர் நினைவுநாளான டிசம்பர் 6-ந் தேதி தாதர் சைத்யபூமியில் கூட்டம் கூட வேண்டாம் என முதல்-மந்திரி உத்தவ் தாக்கரே வலியுறுத்தி உள்ளார்.