தேசிய செய்திகள்

கொரோனா தடுப்பூசி விவகாரம்: மாநில முதல்வர்களுடன் பிரதமர் மோடி இன்று ஆலோசனை + "||" + PM Modi to meet chief ministers on Monday over Covid-19 vaccine rollout

கொரோனா தடுப்பூசி விவகாரம்: மாநில முதல்வர்களுடன் பிரதமர் மோடி இன்று ஆலோசனை

கொரோனா தடுப்பூசி விவகாரம்: மாநில முதல்வர்களுடன் பிரதமர் மோடி இன்று ஆலோசனை
அனைத்து மாநில முதல்-மந்திரிகளுடன் காணொலி காட்சி மூலமாக பிரதமர் மோடி இன்று ஆலோசனை நடத்துகிறார்.
புதுடெல்லி,

கொரோனா தடுப்பூசி போடும் பணிகள் விரைவில் தொடங்க இருக்கும் நிலையில், பிரதமர் நரேந்திர மோடி இன்று (திங்கட்கிழமை) மாலை 4 மணிக்கு அனைத்து மாநில முதல்-மந்திரிகளுடன் காணொலி காட்சி மூலமாக ஆலோசனை நடத்துகிறார். இதில் தமிழக முதல்-அமைச்சர் எடப்பாடி பழனிசாமியும் கலந்துகொள்கிறார்.

கொரோனா தடுப்பூசி போடுவதற்கான ஏற்பாடுகளை மாநில அரசுகள் எவ்வாறு செய்துள்ளன? அதற்காக எவ்வாறு தங்களை தயார்படுத்தியுள்ளன? மாநிலங்களில் கொரோனா பாதிப்பு நிலவரம் எவ்வாறு இருக்கிறது? முறையாக தடுப்பு நடவடிக்கைகள் மேற்கொள்ளப்பட்டுள்ளனவா? பரிசோதனைகள் போதுமான அளவு செய்யப்படுகிறதா? என்பதை முதல்-மந்திரிகளிடம், பிரதமர் மோடி கேட்டு அறிந்துகொள்கிறார்.

மேலும் கொரோனா தடுப்பூசி போடும்போது மாநில அரசுகள் கையாள வேண்டிய வழிமுறைகள் குறித்தும் பிரதமர் மோடி, முதல்-மந்திரிகளுக்கு ஆலோசனை வழங்குகிறார்.

‘கோவிஷீல்டு', ‘கோவேக்சின்' ஆகிய 2 தடுப்பூசிகளை அவசர பயன்பாட்டுக்கு பயன்படுத்த அனுமதி வழங்கப்பட்ட பிறகு, மாநில முதல்-மந்திரிகளை பிரதமர் மோடி சந்தித்து பேசுவது இதுவே முதல் முறையாகும்.


தொடர்புடைய செய்திகள்

1. பிரதமர் மோடி ஜனவரி 23ம் தேதி மேற்கு வங்காளம், அசாமிற்கு பயணம்
பிரதமர் நரேந்திர மோடி ஜனவரி 23ம் தேதி மேற்கு வங்காளம், அசாமிற்கு பயணம் மேற்கொள்கிறார்.
2. தடுப்பூசி தயாரிக்கும் புனேவில் உள்ள சீரம் இந்தியா நிறுவனத்தில் பயங்கர தீ விபத்து; உயிரிழப்புகள் எதுவும் இல்லை
தடுப்பூசி தயாரிக்கும் புனேவில் உள்ள சீரம் இந்தியா நிறுவனத்தில் பயங்கர தீ விபத்து ஏற்பட்டது. தடுப்பூசி உற்பத்தி பிரிவு பாதுகாப்பாக உள்ளது. உயிரிழப்புகள் எதுவும் இல்லை உரிமையாளர் ஆதார் பூனவல்லா தகவல் தெரிவித்து உள்ளார்.
3. தடுப்பூசி உற்பத்தி செய்யும் சீரம் இன்ஸ்டிடியூட் ஆப் இந்தியா தொழிற்சாலையில் தீ விபத்து
தடுப்பூசி உற்பத்தி செய்யும் சீரம் நிறுவன கட்டிடத்தில் தீவிபத்து ஏற்பட்டு உள்ளது. தடுப்பூசி வெளியாவதில் பாதிப்பு எதுவும் இல்லை என கூறப்பட்டு உள்ளது.
4. அடுத்த கட்டம் பிரதமர் மோடி- முதல்வர்களுக்கு கொரோனா தடுப்பூசி
தடுப்பூசி இயக்கத்தின் இரண்டாவது சுற்றில் பிரதமர் நரேந்திர மோடி கொரோனா தடுப்பூசி போட்டுக்கொள்ள வாய்ப்புள்ளது என்று தகவல்கள் தெரிவிக்கின்றன.
5. வருகிற 30-ந் தேதி பிரதமர் மோடி தலைமையில் அனைத்துக்கட்சி கூட்டம் கூட்டத்தொடரை சுமுகமாக நடத்துவது குறித்து ஆலோசனை
நாடாளுமன்ற பட்ஜெட் கூட்டத்தொடர் வரும் 29-ந் தேதி தொடங்குகிறது. இந்த கூட்டத்தொடரை சுமுகமாக நடத்துவது குறித்து ஆலோசிக்க வருகிற 30-ந் தேதி பிரதமர் மோடி தலைமையில் அனைத்துக்கட்சி கூட்டம் நடைபெற உள்ளது.