தேசிய செய்திகள்

டெல்லி: புதிய வேளாண் சட்டங்களை திரும்பப் பெறக்கோரி விவசாயிகள் நடத்தும் டிராக்டர் பேரணி தொடங்கியது + "||" + New Delhi: A farmers' tractor rally has started demanding the repeal of new agricultural laws

டெல்லி: புதிய வேளாண் சட்டங்களை திரும்பப் பெறக்கோரி விவசாயிகள் நடத்தும் டிராக்டர் பேரணி தொடங்கியது

டெல்லி: புதிய வேளாண் சட்டங்களை திரும்பப் பெறக்கோரி விவசாயிகள் நடத்தும் டிராக்டர் பேரணி தொடங்கியது
புதிய வேளாண் சட்டங்களை திரும்பப் பெறக்கோரி டெல்லியை நோக்கி விவசாயிகள் நடத்தும் டிராக்டர் பேரணி தொடங்கியது.
புதுடெல்லி, 

புதிய வேளாண் சட்டங்களுக்கு எதிராக டெல்லியில் விவசாயிகள் நடத்தும் டிராக்டர் பேரணி தொடங்கி உள்ளது. இதற்காக ஆயிரக்கணக்கான டிராக்டர்களுடன் விவசாயிகள் டெல்லியில் குவிந்துள்ளனர்.

மத்திய அரசு கொண்டு வந்துள்ள புதிய வேளாண் சட்டங்களை ரத்து செய்யக் கோரி பஞ்சாப், ஹரியாணா மாநில விவசாயிகள் டெல்லியின் எல்லைப் பகுதிகளில் தொடர் போராட்டம் நடத்தி வருகின்றனர். இதன் ஒரு பகுதியாக குடியரசு தினமான இன்று டெல்லியில் பிரம்மாண்ட டிராக்டர் பேரணி நடத்தப்படும் என்று விவசாயிகள் அறிவித்திருந்தனர். 11 கட்ட பேச்சுவார்த்தை தோல்வியடைந்ததால் 62வது நாளான இன்று டிராக்டர் பேரணியை விவசாயிகள் முன்னெடுத்து வருகின்றனர்

இதன்படி தற்போது டெல்லி சிங்கு எல்லையில் காவல்துறை தடுப்புகளை மீறி விவசாயிகளின் டிராக்டர் பேரணி தொடங்கி உள்ளது. டெல்லி - ஹரியானா எல்லையான சிங்குவில் இருந்து ஏராளமான விவசாயிகள் டிராக்டர்களில் பேரணியை தொடங்கினர். ஹரியானா எல்லையான சிங்குவில் இருந்து தொடங்கும் பேரணி கன்ஜாவாலா , பவானா , அவுசான்டி எல்லை , கே.எம்.பி.எக்ஸ்பிரஸ் வழியாக மீண்டும் சிங்குவை சென்றடையும். இதையடுத்து திக்ரி எல்லையில் இருந்து தொடங்கும் பேரணி நாக்லோ , நஜாப்கர் , மேற்கு எல்லைப் பகுதி எக்ஸ்பிரஸ் வே வழியாக மீண்டும் திக்ரியை சென்றடையும். மூன்றாவதாக டெல்லி - உத்தரப்பிரதேச எல்லையான காஜிப்பூர் எல்லையில் இருந்து தொடங்கும் பேரணி குன்ட்லி , காஜியாபாத் , பல்வால் எக்ஸ்பிரஸ் வே வழியாக சென்று மீண்டும் காஜிப்பூரை அடையும். சுமார் 100 கிலோமீட்டருக்கு நடைபெறும் இந்த பேரணி மாலை ஆறு மணிக்கு முடியும் என்று எதிர்பார்க்கப்படுகிறது. பல்வேறு கட்ட பேச்சுவார்த்தைக்கு பிறகு டிராக்டர் பேரணிக்கு போலீசாரால் அனுமதி வழங்கப்பட்டது. எனினும் பல்வேறு கட்டுப்பாடுகள் விதிக்கப்பட்டுள்ளன.

தொடர்புடைய செய்திகள்

1. திக்ரி எல்லையை காலி செய்யுமாறு போலீஸ் சுவரொட்டி: டெல்லியில் போராடும் விவசாயிகள் கடும் எதிர்ப்பு
டெல்லி திக்ரி எல்லையை காலி செய்யுமாறு போலீசார் ஒட்டியுள்ள எச்சரிக்கை சுவரொட்டிகளுக்கு, வேளாண் சட்டங்களை எதிர்த்து போராடும் விவசாயிகள் கடும் எதிர்ப்பு தெரிவித்துள்ளனர்.
2. விஜய் ஹசாரே கோப்பை கிரிக்கெட்: டெல்லியை எளிதில் வீழ்த்தியது மும்பை
38 அணிகள் பங்கேற்றுள்ள விஜய் ஹசாரே கோப்பைக்கான ஒரு நாள் கிரிக்கெட் போட்டி இந்தியாவின் பல்வேறு நகரங்களில் நடந்து வருகிறது.
3. வேளாண் சட்டங்களுக்கு எதிர்ப்பு தெரிவித்து நாடு முழுவதும் நாளை ரயில் மறியல் போராட்டம் - விவசாயிகள் அமைப்பு அறிவிப்பு
வேளாண் சட்டங்களுக்கு எதிர்ப்பு தெரிவித்து நாடு முழுவதும் நாளை ரயில் மறியல் போராட்டம் நடைபெறும் என்று விவசாயிகள் அமைப்பு அறிவித்துள்ளது.
4. ஆந்திரா, கர்நாடகா, டெல்லியில் கொரோனா பாதிப்பு இன்றைய நிலவரம்
ஆந்திரா, கர்நாடகா, டெல்லியில் கொரோனா பாதிப்பு இன்றைய நிலவரம் வெளியிடப்பட்டுள்ளது.
5. கர்நாடகா, டெல்லியில் கொரோனா பாதிப்பு இன்றைய நிலவரம்
கர்நாடகா, டெல்லியில் கொரோனா பாதிப்பு இன்றைய நிலவரம் வெளியிடப்பட்டுள்ளது.