மாநில செய்திகள்

6 முதல் 10 ஆம் வகுப்பு வரையிலான மாணவர்களுக்கு கணிணி அறிவியல் பாடம் அறிமுகப்படுத்தப்படும் - துணை முதலமைச்சர் ஓ.பன்னீர்செல்வம் + "||" + Computer science lesson will be introduced for students from 6th to 10th class

6 முதல் 10 ஆம் வகுப்பு வரையிலான மாணவர்களுக்கு கணிணி அறிவியல் பாடம் அறிமுகப்படுத்தப்படும் - துணை முதலமைச்சர் ஓ.பன்னீர்செல்வம்

6 முதல் 10 ஆம் வகுப்பு வரையிலான மாணவர்களுக்கு கணிணி அறிவியல் பாடம் அறிமுகப்படுத்தப்படும் - துணை முதலமைச்சர் ஓ.பன்னீர்செல்வம்
அனைத்து அரசு உயர்நிலை மற்றும் மேல்நிலைப்பள்ளிகளிலும் 6-ம் வகுப்பு முதல் 10-ம் வகுப்பு வரையிலான மாணவர்களுக்கு கணிணி அறிவியல் பாடம் அறிமுகப்படுத்தப்படுகிறது.
சென்னை:

தமிழகத்தின் இடைக்கால பட்ஜெட்டை  தாக்கல் செய்து  - துணை முதலமைச்சர் ஓ.பன்னீர்செல்வம் ஓ.பன்னீர்செல்வம் பேசியதாவது:-

 குழந்தைகளுக்கு உயர்தர கல்வியை வழங்குவது இந்த அரசின் உயர்ந்த முன்னுரிமை ஆகும். எனவே பள்ளி கல்விக்காக அதிகபட்சமான ஒதுக்கீடாக, 2020-21-ம் ஆண்டிற்கான வரவு-செலவு திட்ட மதிப்பீடுகளில் ரூ.34,181.73 கோடி ஒதுக்கீடு செய்யப்பட்டுள்ளது.

கொரோனா பெருந்தொற்று காலத்தில் மாணவர்கள் இடைவிடாமல் தொடர்ந்து கல்வி கற்பதை உறுதி செய்வதற்காக 1-ம் வகுப்பு முதல் 12-ம் வகுப்பு வரை பயிலும் அனைத்து மாணவர்களுக்கும் இலவசமாக பாடபுத்தகங்களை அரசு வழங்கியது. 12-ம் வகுப்புக்கு உயர் தொழில்நுட்ப ஆய்வகங்கள் மூலம் 1,912 வீடியோ பாடங்கள், மாணவர்களுக்கு வழங்கப்பட்ட விலையில்லா மடிக்கணினிகளில் பதிவேற்றம் செய்யப்பட்டன. இதனால் 4,20,624 மாணவர்கள் பயன் அடைந்தனர்.

5,522 வீடியோ பாடங்கள் தயாரிக்கப்பட்டு கல்வி தொலைக்காட்சி வாயிலாக ஒளிபரப்பு செய்யப்படுகின்றன. அரசின் சார்பாக 10 இதர தனியார் தொலைக்காட்சிகளும் கல்வி சார்ந்த நிகழ்ச்சிகளை ஒளிபரப்பு செய்கின்றன. மாணவர்களுக்கான பாடங்கள் பல்வேறு இணையதளங்களில் மின்னணு தொகுப்பில் பதிவேற்றப்பட்டுள்ளன.

இதுவரையில் கணிப்பொறி அறிவியல் பாடப்பிரிவானது 11 மற்றும் 12-ம் வகுப்புகளுக்கு மட்டும் தனிப்பாடமாக கற்பிக்கப்பட்டு வருகிறது. தற்போது அனைத்து அரசு உயர்நிலை மற்றும் மேல்நிலைப்பள்ளிகளிலும் 6-ம் வகுப்பு முதல் 10-ம் வகுப்பு வரையிலான மாணவர்களுக்கு கணிணி அறிவியல் பாடம் அறிமுகப்படுத்தப்படும்.

இவ்வாறு அவர் பேசினார்.

அதிகம் வாசிக்கப்பட்டவை