மாநில செய்திகள்

தமிழகம் முழுவதும் கோவில்களில் பக்தர்களுக்கு அனுமதி மறுப்பு; வாசலில் நின்று தரிசனம் + "||" + Denial of permission to devotees in temples across Tamil Nadu; Darshan standing in the doorway

தமிழகம் முழுவதும் கோவில்களில் பக்தர்களுக்கு அனுமதி மறுப்பு; வாசலில் நின்று தரிசனம்

தமிழகம் முழுவதும் கோவில்களில் பக்தர்களுக்கு அனுமதி மறுப்பு; வாசலில் நின்று தரிசனம்
விநாயகர் சதூர்த்தியான இன்று தமிழகம் முழுவதும் கோவில்களில் பக்தர்களுக்கு அனுமதி மறுக்கப்பட்டது. இதனால் கோவில் வாசலில் நின்று தரிசனம் செய்தனர்.
சென்னை 

கொரோனா தொற்று பரவலை கட்டுப்படுத்தும் வகையில், விநாயகர்சதுர்த்தி விழாவிற்கு தமிழ்நாடு அரசு கட்டுப்பாடுகளை விதித்துள்ளது. விநாயகர் சிலைகள் 3 அடிக்கு மிகாமல் பொதுமக்கள் வீட்டினுள்ளேயே வழிபட வேண்டும் எனவும் அறிவுறுத்தப்பட்டுள்ளது.

பொது இடங்களில் சிலைகளை வைத்து வழிபடவோ, ஊர்வலமாக எடுத்துச் சென்று நீர்நிலைகளில் கரைக்கவோ அரசு தடை விதித்துள்ளது. மேலும், அரசு வழிகாட்டுதல்களை மீறி செயல்படும் அமைப்புகள் மற்றும் தனி நபர்கள் மீது சட்டப்படி நடவடிக்கைகள் மேற்கொள்ளப்படும் எனவும் காவல்துறை சார்பில் எச்சரிக்கை விடுக்கப்பட்டுள்ளது.
 
இந்நிலையில் எந்தவித அசாம்பாவிதம் ஏற்படாத வகையில், மாநகரம் முழுவதும் சட்டம் ஒழுங்கு போலீசார், ஆயுதப்படை போலீசார், தமிழ்நாடு சிறப்பு காவல்படையினர் மற்றும் ஊர்க்காவல் படையைச் சேர்ந்த 20 ஆயிரம் பேர் பாதுகாப்புப் பணியில் ஈடுபடுத்தப்பட்டுள்ளனர்

சேலத்தில் பிரசித்தி பெற்ற ஸ்ரீ ராஜகணபதி திருக்கோயிலில் ராஜகணபதிக்கு தங்க கவச அலங்காரம் நடைபெற்றது; பக்தர்களுக்கு அனுமதி மறுக்கப்பட்டதால் கோவில் வாசலில் நின்று தரிசனம் செய்தனர்.

தஞ்சை மாநகராட்சி அலுவலகத்திற்கு எதிரே தடையை மீறி இந்து முன்னணி அமைப்பினர் விநாயகர் சிலை வைத்துள்ளதால் பரபரப்பு ஏற்பட்டது.

விநாயகர் சதுர்த்தியை  முன்னிட்டு  பிள்ளையார்பட்டியில் பக்தர்களுக்கு அனுமதி வழங்காததால்  வெறிச்சோடி கிடக்கும் பிள்ளையார்பட்டி கோவில்.

திருச்சி மாவட்டத்தில் உள்ள உச்சிப்பிள்ளையார் கோயிலில் இன்று பக்தர்கள் தரிசிக்க அனுமதியில்லை. மாணிக்க விநாயகருக்கு 30 கிலோ, உச்சிப்பிள்ளையாருக்கு 30 கிலோ என 60 கிலோ கொழுக்கட்டை படைக்கப்பட்டது. பக்தர்களுக்கு அனுமதி இல்லாததால் குறைந்த அளவிலான விநாயகருக்கு படைக்கப்பட்டது.

 திருச்சி, தஞ்சாவூர், கரூர் உள்ளிட்ட தமிழ்நாட்டின் பல்வேறு பகுதிகளில் தடையை மீறி விநாயகர் சிலை வைத்து இந்து முன்னணியினர் வழிபட்டதால் பதற்றம் ஏற்பட்டது.



தொடர்புடைய செய்திகள்

1. தொடர்ந்து மூன்று நாட்கள் விடுமுறை சொந்த ஊர் செல்ல அலைமோதிய கூட்டம்
சென்னையில் இருந்து வெளியூர்களுக்கு இயக்கப்பட்ட பஸ்களில் 1.29 லட்சம் பேர் பயணம் செய்துள்ளனர்.
2. விநாயகர் சதுர்த்தி: பிரதமர் மோடி வாழ்த்து
விநாயகர் சதுர்த்தியையொட்டி நாட்டு மக்களுக்கு பிரதமர் மோடி வாழ்த்து தெரிவித்துள்ளார்.
3. விநாயகர் சதுர்த்தி: தமிழகத்தின் பல்வேறு மாவட்டங்களில் உள்ள கோயில்களில் சிறப்பு பூஜை
விநாயகர் சதுர்த்தியையொட்டி தமிழகத்தின் பல்வேறு மாவட்டங்களில் உள்ள கோயில்களில் இன்று காலை முதலே சிறப்பு பூஜை நடைபெற்று வருகிறது.
4. விநாயகர் சதுர்த்தியையொட்டி ஞாயிற்றுக்கிழமை அட்டவணைப்படி மின்சார ரெயில் சேவைகள் இயக்கம்
விநாயகர் சதுர்த்தியையொட்டி ஞாயிற்றுக்கிழமை அட்டவணைப்படி மின்சார ரெயில் சேவைகள் இயக்கப்படும் என சென்னை ரெயில்வே கோட்டம் அறிவித்துள்ளது.
5. விநாயகர் சதுர்த்தி விழாவையொட்டி 2 ஆயிரம் போலீசார் பாதுகாப்பு போலீஸ் சூப்பிரண்டு சக்திகணேசன் தகவல்
விநாயகர் சதுர்த்தி விழாவையொட்டி கடலூர் மாவட்டத்தில் 2 ஆயிரம் போலீசார் பாதுகாப்பு பணியில் ஈடுபட உள்ளதாக போலீஸ் சூப்பிரண்டு சக்திகணேசன் தெரிவித்தார்.