கிரிக்கெட்

டி-20 உலகக்கோப்பை: தென் ஆப்பிரிக்காவுக்கு எதிரான ஆட்டத்தில் ஆஸ்திரேலியா போராடி வெற்றி + "||" + T20 World Cup Australia struggle and win the match against South Africa

டி-20 உலகக்கோப்பை: தென் ஆப்பிரிக்காவுக்கு எதிரான ஆட்டத்தில் ஆஸ்திரேலியா போராடி வெற்றி

டி-20 உலகக்கோப்பை: தென் ஆப்பிரிக்காவுக்கு எதிரான ஆட்டத்தில் ஆஸ்திரேலியா போராடி வெற்றி
தென் ஆப்பிரிக்க அணிக்கு எதிரான முதல் ‘சூப்பர் 12’ ஆட்டத்தில் ஆஸ்திரேலிய அணி 5 விக்கெட் வித்தியாசத்தில் போராடி வெற்றி பெற்றது.
அபுதாபி,

7-வது 20 ஓவர் உலக கோப்பை கிரிக்கெட் போட்டி ஐக்கிய அரபு அமீரகத்தில் நடந்து வருகிறது. இதில் முதல் சுற்று நிறைவடைந்த நிலையில் ‘சூப்பர்-12’ சுற்று இன்று தொடங்கியுள்ளது. சூப்பர்-12 சுற்றில் குரூப்-1-ல் இங்கிலாந்து, ஆஸ்திரேலியா, தென்ஆப்பிரிக்கா, வெஸ்ட் இண்டீஸ், இலங்கை, வங்காளதேசம் ஆகிய அணிகளும், குரூப்-2-ல் இந்தியா, பாகிஸ்தான், நியூசிலாந்து, ஆப்கானிஸ்தான், ஸ்காட்லாந்து, நமிபியா ஆகிய அணிகளும் இடம் பெற்றுள்ளன. இதில் ஒவ்வொரு அணியும் தங்கள் பிரிவில் உள்ள மற்ற அணிகளுடன் தலா ஒரு முறை மோத வேண்டும். லீக் சுற்று முடிவில் இரு பிரிவிலும் டாப்-2 இடங்களை பிடிக்கும் அணிகள் அரைஇறுதிக்குள் நுழையும்.

சூப்பர்-12 சுற்றின் முதல் நாளான இன்று (சனிக்கிழமை) இந்திய நேரப்படி மாலை 3.30 மணிக்கு அபுதாபியில் தொடங்கிய முதல் ஆட்டத்தில் ஆஸ்திரேலியா, தென் ஆப்பிரிக்கா அணிகள் மோதின. இன்றைய ஆட்டத்தில் டாஸ் வென்ற ஆஸ்திரேலிய அணியின் கேப்டன் ஆரோன் பிஞ்ச், பந்துவீச்சை தேர்வு செய்தார். 

இதையடுத்து தென் ஆப்பிரிக்கா அணி முதலாவதாக பேட்டிங் செய்தது. அந்த அணியின் வீரர்கள் தொடக்கம் முதலே விக்கெட்டுகளை இழந்து தடுமாறினர். 20 ஓவர்கள் முடிவில் அந்த அணி 9 விக்கெட் இழப்பிற்கு 118 ரன்கள் எடுத்தது. தென் ஆப்பிரிக்கா அணி சார்பில்  அதிகபட்சமாக மார்க்ரம் 40 ரன்கள்  எடுத்தார். ஆஸ்திரேலியா அணி சார்பில் மிட்செல் ஸ்டார்க், ஆடம் ஜம்பா, ஹேசில்வுட் ஆகியோர் 2 விக்கெட்டுகள் வீழ்த்தினர். 

இதையடுத்து 119 ரன்கள் என்ற இலக்கை நோக்கி ஆஸ்திரேலிய அணி தற்போது பேட்டிங் செய்தது. அந்த அணியில் வார்னர்(14), ஆரோன் பிஞ்ச்(0), மிட்செல் மார்ஷ்(11) ஆகியோரின் விக்கெட்டுகள் அடுத்தடுத்து சரிந்ததால் ஆஸ்திரேலிய அணி நெருக்கடிக்கு உள்ளானது. 

அடுத்து வந்தவர்களில் அதிகபட்சமாக ஸ்டீவன் ஸ்மித் 35 ரன்கள் அடித்தார். இறுதியாக ஆஸ்திரேலிய அணி 19.4 ஓவர்களில் 5 விக்கெட்டுகள் இழப்பிற்கு 121 ரன்கள் எடுத்து 5 விக்கெட் வித்தியாசத்தில் போராடி வெற்றி பெற்றது. மார்க்கஸ் ஸ்டோய்னிஸ்(24) மற்றும் மேத்யூ வேட்(15) இறுதிவரை ஆட்டமிழக்காமல் களத்தில் இருந்தனர். 

தொடர்புடைய செய்திகள்

1. 20 ஓவர் உலகக் கோப்பைப் போட்டி : அழுத்தம்தான் இந்தியாவை தோல்வியில் தள்ளியது -இன்சமாம் உல் ஹக்
டி20 உலகக் கோப்பைப் போட்டியில் அழுத்தம்தான் இந்தியாவை தோல்வியில் தள்ளியது என பாகிஸ்தான் முன்னாள் கேப்டன் இன்சமாம் உல் ஹக் தெரிவித்துள்ளார்
2. 32 வித உருமாற்றம் அடையக்கூடிய புதிய வகை கொரோனா வைரஸ் கண்டுபிடிப்பு!
இந்த புது வகை கொரோனா வைரஸ் இதுவரை இல்லாத அளவுக்கு பயங்கரமானதாக இருக்கும் என்று தெரிவிக்கப்பட்டுள்ளது.
3. டி20 உலகக்கோப்பையை எந்த அணி வெல்லும்? கெவின் பீட்டர்சன் கணிப்பு
டி20 உலகக்கோப்பையை வெல்லும் அணிகள் குறித்து கெவின் பீட்டர்சன் கணித்துள்ளார்.
4. நாளை டி20 உலகக்கோப்பை இறுதி போட்டி : வெல்லப்போவது யார் ...?
நாளை நடைபெறும் டி20 உலகக்கோப்பை இறுதி போட்டியில் நியூசிலாந்து - ஆஸ்திரேலியா அணிகள் மோதுகின்றன.
5. அரை இறுதியில் தோற்றதால் எத்தகைய வேதனையில் இருப்பீர்கள் என்பது எனக்கு தெரியும் - இம்ரான் கான்
பாகிஸ்தான் அணியினர் அரை இறுதியில் தோற்றதால் எத்தகைய வேதனையில் இருப்பார்கள் என்பது எனக்குத் தெரியும் என இம்ரான் கான் தெரிவித்துள்ளார்.