#லைவ் அப்டேட்ஸ்: ரஷியாவை கட்டுபடுத்த அதி நவீன ஈகிள் டிரோன்களை விற்பனை செய்யும் அமெரிக்கா

ரஷியாவை கட்டுபடுத்த அதி நவீன ஈகிள் டிரோன்களை விற்பனை செய்யும் அமெரிக்கா

வாஷிங்டன்

ரஷிய-உக்ரைன் போர் இன்றுடன் 102-வது நாளை எட்டுகிறது. இந்த நிலையில் கிழக்கு உக்ரைனில் ரஷிய படைகளை எதிர்கொள்ள உக்ரைனுக்கு உயர் தொழில்நுட்பம் கொண்ட அதிநவீன ஏவுகணை அமைப்புகளை வழங்குவதாக அமெரிக்க ஜனாதிபதி ஜோ பைடன் அறிவித்துள்ளார்.

700 மில்லியன் டாலர் (இந்திய மதிப்பில் சுமார் ரூ.5,421 கோடி) மதிப்பிலான ஆயுத தொகுப்பு உக்ரைனுக்கு வழங்கப்பட இருப்பதாக ஜோ பைடன் நிர்வாகத்தின் மூத்த அதிகாரிகள் இருவர் தெரிவித்தனர்.

உக்ரைன் போரில் ரஷிய படைகளை எதிர்கொள்ள உக்ரைனுக்கு உயர் தொழில் நுட்பம் கொண்ட அதிநவீன ஏவுகணை அமைப்புகளை வழங்குவதாக அமெரிக்க ஜனாதிபதி ஜோ பைடன் அறிவித்துள்ளார்.

பயங்கரமான எம்கியூ -1சி கிரே ஈகிள் டிரோனை உக்ரைனுக்கு விற்க அமெரிக்கா திட்டமிட்டுள்ளது.இவை ரஷியாவிற்கு எதிரான போரில், இவைகள் ஹெல்ஃபயர் ஏவுகணைகளுடன் பொருத்தப்படலாம்.ஜெனரல் அட்டாமிக்ஸ் இந்த டிரோனை உருவாக்கியுள்ளது.

ரஷியாவிற்கு எதிராக உக்ரைன் பல குறுகிய தூர டிரோன்களைப் பயன்படுத்துகிறது. ஏரோவிரோன்மென்ட்டின் ஆர்கியூ-20 பூமா ஏயூ மற்றும் துருக்கியின் பேயார்க்தர் -டிபி 2 ஆகியவை இதில் அடங்கும். ஆனால் அமெரிகாவின் கிரே ஈகிள் லின் தொழில்நுட்பம் அனைத்தையும் விட சிறந்தது. ஏனெனில் இவை 30 அல்லது அதற்கு மேற்பட்ட மணிநேரம் பறக்க முடியும். இது தவிர, அவைகள் பெரிய அளவிலான தரவுகளை சேகரிக்க முடியும். இது மட்டுமின்றி, இந்த ஆளில்லா விமானம் எட்டு ஹெல்ஃபயர் ஏவுகணைகளையும் சுமந்து செல்லும் திறன் கொண்டது.இவை அவை வெகு தொலைவு சென்று தாக்கும் திறன் கொண்டவை ஆகும்

டிரோன் நிபுணர் டான் கேட்டர் கூறுகையில், எம்கியூ -1சி கிரே ஈகிள் டிரோன் அளவு பெரியது. இதன் எடை துருக்கியின் பேயார்க்தர் -டிபி 2 ஐ விட கிட்டத்தட்ட மூன்று மடங்கு அதிகம். இது தவிர, அதன் ஆயுதம் தாங்கும் திறன் மற்றும் வீச்சு மற்ற டிரோன்களை விட சிறப்பாக உள்ளது. பேயார்க்தர் -டிபி 2 டிரோன் 22 கிலோ துருக்கிய ஏவுகணை எம்ஓஎம் -எல் உடன் ஆயுதம் ஏந்தியிருக்கிறது, இது ஹெல்ஃபயரின் எடையில் பாதி எடை கொண்டது. இது வானத்தில் மிக நீண்ட விமானம் பறக்க முடியும் என கூறினார்.

ஆயிரத்திற்கும் மேற்பட்ட பள்ளிகள் மீது ரஷ்ய படை தாக்குதல்; உக்ரைன் அரசு

ஜோ பைடனை இன்று சந்திக்கிறார் நேட்டோ அமைப்பின் தலைவர்

ரஷிய ராணுவத்தின் ஏவுகணை தாக்குதலில் 5 பேர் காயம் - லிவிவ் ஒப்லாஸ்ட் கவர்னர் தகவல்

எல்விவ் ஒப்லாஸ்டின் ஸ்ட்ரைஸ்கி மாவட்டத்தில் கப்பல் ஏவுகணைத் தாக்குதலால் காயமடைந்தவர்கள் ஆபத்தான நிலையில் இல்லை என்று அம்மாநில கவர்னர் மக்சிம் கோசிட்ஸ்கி கூறினார். மேலும் இதுதொடர்பான தகவல்கள் காலையில் வழங்கப்படும் என்றும் அவர் கூறினார்.

கிழக்கு உக்ரைனில் உள்ள டான்பாஸ் பிராந்தியத்தை கைப்பற்றும் நோக்கில் ரஷிய படைகள் தாக்குதல்களை தீவிரப்படுத்தி வருகின்றன. இதனால் போர் மீண்டும் உக்கிரமடைந்து வருகிறது.

உக்ரைனின் உற்பத்தி மையமாக திகழும் தொழில் நகரமான செவிரோடொனெட்ஸ்க் நகரில் ரஷிய படைகள் வேகமாக முன்னேறி கொண்டிருக்கின்றன. இதே வேகத்தில் சென்றால் ஓரிரு நாட்களில் அந்த நகரம் முழுவதும் ரஷிய படைகளின் கட்டுப்பாட்டுகள் வந்துவிடும்.

அதிநவீன ஏவுகணை அமைப்பு

அந்த நகரில் ரஷிய படைகள் 24 மணி நேரமும் குண்டு வீச்சில் ஈடுபட்டு வருவதால் அந்த நகரம் உக்ரைனின் மற்றொரு மரியுபோல் நகரமாக மாறி வருவதாக அதிகாரிகள் கவலை தெரிவித்து வருகின்றனர்.

செவிரோடொனெட்ஸ்க் மட்டும் இன்றி கிழக்கு உக்ரைனில் உள்ள பல நகரங்களிலும் ரஷிய படைகளின் தாக்குதல் நாளுக்கு நாள் வேகமெடுத்து வருவதால் விவரிக்க முடியாத அளவுக்கு நிலைமை மோசமாகி வருவதாக அதிகரிகள் கூறுகின்றனர்.

இந்த நிலையில் கிழக்கு உக்ரைன் போரில் ரஷிய படைகளை எதிர்கொள்ள உக்ரைனுக்கு உயர் தொழில் நுட்பம் கொண்ட அதிநவீன ஏவுகணை அமைப்புகளை வழங்குவதாக அமெரிக்க ஜனாதிபதி ஜோ பைடன் அறிவித்துள்ளார்.

ஸ்காட்லாந்தை வீழ்த்தி உக்ரைன் உலகக் கோப்பைக்கு தகுதி பெறும் வாய்ப்பை நெருங்கி உள்ளது.

நேற்று பிளே-ஆஃப் அரையிறுதியில் உக்ரைனின் கால்பந்து அணி ஸ்காட்லாந்தை 3:1 என்ற கணக்கில் வென்றது. அந்த அணி ஜூன் 5-ஆம் தேதி பிளே-ஆஃப் இறுதிப் போட்டியில் வேல் அணியை எதிர்கொள்கிறது.

மைக்கோலேவில் ரஷியப் படைகளால் நேற்று 2 பேர் கொல்லப்பட்டனர். மேலும் 2 பேர் காயமடைந்தனர்.

ரஷியப் படைகள் இரண்டு அடுக்குமாடி குடியிருப்பு கட்டிடங்களையும் நான்கு தனியார் வீடுகளையும் சேதப்படுத்தியதாக மைக்கோலேவின் மேயர் ஒலேக்சண்டர் தெரிவித்துள்ளார்.

ரஷிய-உக்ரைன் போர் நாளையுடன் 100-வது நாளை எட்டுகிறது. இந்த நிலையில் கிழக்கு உக்ரைனில் ரஷிய படைகளை எதிர்கொள்ள உக்ரைனுக்கு உயர் தொழில்நுட்பம் கொண்ட அதிநவீன ஏவுகணை அமைப்புகளை வழங்குவதாக அமெரிக்க ஜனாதிபதி ஜோ பைடன் அறிவித்துள்ளார்.

இதுகுறித்து அவர், புதிய ஏவுகணைகள், முக்கிய இலக்குகளை இன்னும் துல்லியமாக தாக்க உதவும் என்றார்.

700 மில்லியன் டாலர் (இந்திய மதிப்பில் சுமார் ரூ.5,421 கோடி) மதிப்பிலான ஆயுத தொகுப்பு உக்ரைனுக்கு வழங்கப்பட இருப்பதாக ஜோ பைடன் நிர்வாகத்தின் மூத்த அதிகாரிகள் இருவர் தெரிவித்தனர்.

இதுகுறித்து அவர்கள் மேலும் கூறுகையில், ‘இந்த ஆயுத தொகுப்பில் ‘எம்142 ஹிமார்ஸ்’ என்கிற அதிநவீன ஏவுகணை அமைப்பும் அடங்கும். இதன் மூலம் 70 கி.மீ. தொலைவில் உள்ள இலக்குகளை துல்லியமாக தாக்கி அழிக்கும் பல ஏவுகணைகளை ஒரேசமயத்தில் ஏவ முடியும். இதுதவிர நவீன ஹெலிகாப்டர்கள், பீரங்கி எதிர்ப்பு ஆயுதங்கள் மற்றும் பிற ராணுவ தளவாடங்களின் உதிரி பாகங்கள் ஆகியவையும் வழங்கப்படுகின்றன’ என்றனர்.