உலக செய்திகள்

அணு ஆயுதங்களை முழுமையாக கைவிடாத வரையில் வடகொரியா மீதான பொருளாதார தடை நீக்கப்படாது + "||" + The economic sanctions on North Korea will not be removed until the nuclear weapons are completely abandoned

அணு ஆயுதங்களை முழுமையாக கைவிடாத வரையில் வடகொரியா மீதான பொருளாதார தடை நீக்கப்படாது

அணு ஆயுதங்களை முழுமையாக கைவிடாத வரையில் வடகொரியா மீதான பொருளாதார தடை நீக்கப்படாது
அணு ஆயுதங்களை முழுமையாக கைவிடாத வரையில், வடகொரியா மீதான பொருளாதார தடை நீக்கப்படாது என அமெரிக்கா திட்டவட்டமாக அறிவித்து உள்ளது.

சியோல்,

உலகமே ஆவலுடன் எதிர்பார்த்த அமெரிக்க ஜனாதிபதி டிரம்ப், வடகொரிய தலைவர் கிம் ஜாங் அன் சந்திப்பு, சிங்கப்பூரில் ஜூன் 12–ந் தேதி நடந்தது.

இந்த சந்திப்பு இணக்கமான முறையில் நடந்தது. முதலில் நேருக்கு நேரும், பின்னர் தூதுக்குழுவினருடனும் பேச்சுவார்த்தை நடத்திய பின்னர் இரு தலைவர்களும் ஒரு ஒப்பந்தத்தில் கையெழுத்து போட்டனர்.

அந்த ஒப்பந்தத்தின் மிக முக்கிய அம்சம், கடந்த ஏப்ரல் மாதம் 27–ந் தேதி, மேற்கொள்ளப்பட்ட பன்முன்ஜோம் உடன்பாட்டை மீண்டும் உறுதிப்படுத்துகிற விதத்தில், கொரிய தீபகற்ப பகுதியை அணு ஆயுதங்கள் அற்ற பகுதியாக ஆக்குவதற்கு ஏற்ற விதத்தில் கொரிய ஜனநாயக மக்கள் குடியரசு பாடுபடும் என்பது ஆகும்.

அதே நேரத்தில் வடகொரியா அணு ஆயுதங்களை கைவிடும் விதம்பற்றி ஒப்பந்தத்தில் எதுவும் குறிப்பிடப்படவில்லை, மேலும் வடகொரியா அணு ஆயுதங்களை கைவிடுகிற நடைமுறைகளை எப்படி சரிபார்த்து அறிவது என்பது குறித்தும் கூறப்படவில்லை என்று சர்வதேச நோக்கர்கள் கருதுகின்றனர்.

இந்த நிலையில், டிரம்ப், கிம் சந்திப்பு பற்றியும், அவர்களது பேச்சுவார்த்தையின்போது எடுக்கப்பட்ட முடிவு குறித்தும் தோழமை நாடான தென்கொரியாவிடம் எடுத்துக்கூறுவதற்காக அமெரிக்க வெளியுறவு மந்திரி மைக் பாம்பியோ சியோல் சென்றார்.

அங்கு அவர் அந்த நாட்டின் அதிபர் மூன் ஜே இன்னை சந்தித்து பேசினார். அதைத்தொடர்ந்து தென்கொரிய வெளியுறவு மந்திரி, ஜப்பான் வெளியுறவு மந்திரி ஆகியோருடன் கூட்டாக நிருபர்களை சந்தித்தார். அப்போது அவர் கூறியதாவது:–

சிங்கப்பூர் உச்சி மாநாடு, அமெரிக்கா–வடகொரியா உறவில் ஒரு திருப்பு முனையாக அமைந்து உள்ளது.

வடகொரியா அணு ஆயுதங்களை முழுமையாக கைவிட வேண்டும். அது சரிபார்க்கத்தக்கதாக இருக்கவேண்டும். மீண்டும் மீட்டெடுக்க முடியாததாக இருக்க வேண்டும். இதில் அமெரிக்கா உறுதியாக உள்ளது.

அணு ஆயுதங்களை முழுமையாக கைவிட்டு, அதை உலகுக்கு எடுத்துக்காட்டும் வரையில் வடகொரியா மீதான பொருளாதார தடை நீக்கப்படமாட்டாது. தடை தொடரும்.

அமெரிக்க ஜனாதிபதி டிரம்ப் இதை ஏற்கனவே தெளிவுபடுத்தி விட்டார். வடகொரியா முழுமையாக அணு ஆயுதங்களை கைவிட்டு விட்டதை நாங்கள் பார்க்க வேண்டும். அப்போதுதான் பொருளாதார தடைகளில் இருந்து அந்த நாடு நிவாரணம் பெற முடியும்.

இவ்வாறு அவர் கூறினார்.

அமெரிக்கா படிப்படியாக சலுகைகள் வழங்கும் என்று வடகொரிய அரசு செய்தி நிறுவனம் வெளியிட்ட தகவலை மைக் பாம்பியோ நிராகரித்தார்.

அதே நேரத்தில் வடகொரியாவிடம் இருந்து அணு ஆயுத அச்சுறுத்தல் இனி இல்லை என்று அமெரிக்க ஜனாதிபதி டிரம்ப் கூறியது குறிப்பிடத்தக்கது.


தொடர்புடைய செய்திகள்

1. உலக வங்கி தலைவர் பொறுப்பிற்கு இந்திரா நூயியை முன்னிறுத்த அமெரிக்கா பரிசீலனை?
உலக வங்கி தலைவர் பொறுப்பிற்கு இந்திரா நூயியை முன்னிறுத்த அமெரிக்கா பரிசீலித்து வருவதாக தகவல்கள் வெளியாகியுள்ளன.
2. ‘‘ஜல்லிக்கட்டு தடை நீங்க மோடி தான் காரணம்’’ எச்.ராஜா பேட்டி
ஜல்லிக்கட்டு தடை நீங்க மோடி தான் காரணம் என எச்.ராஜா நிருபர்களுக்கு பேட்டி அளித்தார்.
3. அமெரிக்க சிறையில் உள்ள மும்பை தாக்குதல் குற்றவாளி ராணா, இந்தியாவுக்கு நாடுகடத்த வலுவான வாய்ப்பு
மும்பை தாக்குதல் குற்றவாளி ராணா அமெரிக்காவில் சிறைத்தண்டனை முடிவடைவதற்கு முன் இந்தியாவுக்கு நாடுகடத்த வலுவான வாய்ப்பு உள்ளதாக அமெரிக்க அதிகாரிகள் தகவல் தெரிவித்துள்ளனர்.
4. கைப்பை, தேநீர் குவளை உள்ளிட்ட 14 பிளாஸ்டிக் பொருட்களுக்கு புதுச்சேரியில் மார்ச்- 1 முதல் தடை - முதல் அமைச்சர் அறிவிப்பு
தமிழகத்தைப்போல் புதுச்சேரியிலும் மார்ச் 1-ந்தேதி முதல் கைப்பை, தேநீர் குவளை உள்ளிட்ட 14 பிளாஸ்டிக் பொருட்களுக்கு தடை விதிக்கப்படுகிறது என்று முதல்-அமைச்சர் நாராயணசாமி அறிவித்தார்.
5. மீன்பிடி தடைக்கால நிவாரண தொகையை ரூ.10 ஆயிரமாக உயர்த்தி வழங்க வேண்டும் மீனவ தொழிலாளர் சங்கம் வலியுறுத்தல்
மீன்பிடி தடைக்கால நிவாரண தொகையை ரூ.10 ஆயிரமாக உயர்த்தி வழங்க வேண்டும் என மீனவ தொழிலாளர் சங்கம் வலியுறுத்தி உள்ளது.