உலகைச்சுற்றி...

* வெனிசுலாவில் அதிபர் நிக்கோலஸ் மதுரோவை கொல்லும் முயற்சியில் நடத்தப்பட்ட ஆளில்லா விமான தாக்குதல் தொடர்பாக 6 பேர் கைது செய்யப்பட்டனர்.

* அமெரிக்காவின் கலிபோர்னியா மாகாணத்தில் ஆரஞ்ச் கவுண்டி அருகே பறந்துகொண்டிருந்த குட்டி விமானம் ஒன்று அங்கு உள்ள வணிக வளாகத்தில் கார்கள் நிறுத்தும் இடத்தில் விழுந்து நொறுங்கியது. இதில் விமானத்தில் பயணம் செய்த 5 பேரும் சம்பவ இடத்திலேயே உயிர் இழந்தனர். விமானம் விழுந்ததில் ஒரு கார் உருக்குலைந்து போனது.

* சோமாலியா தலைநகர் மொகாதிசுவில் இரு வேறு நகரங்களில் நடத்தப்பட்ட கார் வெடிகுண்டு தாக்குதல்களில் 2 ராணுவ வீரர்கள் உள்பட 6 பேர் உயிர் இழந்தனர். 10-க்கும் மேற்பட்டோர் படுகாயம் அடைந்தனர்.