உலகைச் சுற்றி...


உலகைச் சுற்றி...
x
தினத்தந்தி 10 Oct 2018 11:00 PM GMT (Updated: 10 Oct 2018 7:04 PM GMT)

வடகொரிய தலைவருடனான சந்திப்புக்காக 3 அல்லது 4 இடங்கள் இறுதி செய்யப்பட்டுள்ளதாக அமெரிக்க ஜனாதிபதி டிரம்ப் கூறுகிறார்.


* தென் ஆப்பிரிக்காவில் ஊழல் வழக்கில் சிக்கியுள்ள அந்த நாட்டின் நிதி மந்திரி நிஹ்லான் ஹலா நேனே பதவியை ராஜினாமா செய்துள்ளார். அவரது ராஜினாமாவை அதிபர் சிரில் ராமபோசா ஏற்றுக்கொண்டு விட்டார்.

* நிக்கி ஹாலே விலகலால் காலியாகிற ஐ.நா. சபைக்கான அமெரிக்க தூதர் பதவிக்கு நான் வரப்போவதில்லை என்று டிரம்பின் மகள் இவான்கா டிரம்ப் தெரிவித்துள்ளார்.

* அமெரிக்காவின் புளோரிடா மாகாணத்தை நெருங்கியுள்ள ‘மைக்கேல்’ புயல், மிக அதிகமான பாதிப்புகளை ஏற்படுத்தக்கூடிய 4-ம் வகை புயலாக அறிவிக்கப்பட்டுள்ளது. தாழ்வான இடங்களில் வசிக்கிற சுமார் 3 லட்சத்து 70 ஆயிரம் பேர் வீடுகளை காலி செய்துவிட்டு பாதுகாப்பான இடங்களுக்கு செல்லுமாறு உத்தரவிடப்பட்டுள்ளது.

* கருச்சிதைவு செய்து ஒரு உயிரைக் கொல்வது என்பது, கூலிப்படை அமர்த்தி கொல்வது போன்றது என்று போப் ஆண்டவர் பிரான்சிஸ் கருத்து தெரிவித்துள்ளார்.

* வடகொரிய தலைவர் கிம் ஜாங் அன்னுடனான சந்திப்புக்காக 3 அல்லது 4 இடங்கள் இறுதி செய்யப்பட்டுள்ளதாக அமெரிக்க ஜனாதிபதி டிரம்ப் கூறுகிறார்.

* மாலத்தீவு அதிபர் தேர்தலில் மோசடிகள் நடைபெற்றுள்ளன, அந்த தேர்தல் செல்லாது என அறிவிக்க வேண்டும் என தோல்வியைத் தழுவிய அப்துல்லா யாமீன் வழக்கு தொடுத்துள்ளார்.


Next Story