உலக செய்திகள்

ஈரானிடம் இருந்து கச்சா எண்ணைய் கொள்முதல் செய்யும் நாடுகளை நாங்கள் பார்த்துக்கொள்கிறோம்: டிரம்ப் மிரட்டல் + "||" + We will take care of countries that will continue to buy oil from Iran after Nov 4: Trump

ஈரானிடம் இருந்து கச்சா எண்ணைய் கொள்முதல் செய்யும் நாடுகளை நாங்கள் பார்த்துக்கொள்கிறோம்: டிரம்ப் மிரட்டல்

ஈரானிடம் இருந்து கச்சா எண்ணைய் கொள்முதல் செய்யும் நாடுகளை நாங்கள் பார்த்துக்கொள்கிறோம்: டிரம்ப் மிரட்டல்
ஈரானிடம் இருந்து கச்சா எண்ணைய் கொள்முதல் செய்யும் நாடுகளை நாங்கள் பார்த்துக்கொள்கிறோம் என்று டொனால்டு டிரம்ப் மிரட்டலாக பேசினார்.
வாஷிங்டன்,

ஈரானுடனான அணு சக்தி ஒப்பந்தத்தை முறித்துக்கொண்ட கையோடு, அந்நாட்டுக்கு எதிராக பல்வேறு பொருளாதார தடைகளை அமெரிக்க அதிபர் டொனால்டு டிரம்ப் விதித்துள்ளார். அந்நாட்டிடம் வர்த்தக உறவுகளை வைத்துள்ள நாடுகள் நவம்பர் 4 ஆம் தேதிக்குள், அதை முறித்துக்கொள்ள வேண்டும் என்று கூறியிருந்தார். ஈரானிடம் இருந்து எண்ணய் கொள்முதல் செய்யும் நாடுகளில் ஒன்றாக இந்தியாவும் திகழ்கிறது. 

அமெரிக்காவின் பொருளாதார தடையால், ஈரானிடம் எண்ணைய் கொள்முதல் செய்யும் நாடுகள் அதனை நிறுத்த வேண்டிய கட்டாயத்துக்கு தள்ளப்பட்டது. இந்தியாவும் எத்தகைய முடிவு எடுக்கும் என்று உலக நாடுகள் உற்று நோக்கிய நிலையில், ஈரானிடம் இருந்து தொடர்ந்து கச்சா எண்ணைய் இறக்குமதி செய்யப்படும் என்று இந்தியா தெரிவித்தது. அமெரிக்காவின் பொருளாதார தடையை மீறி இந்தியா, இந்த முன்னெடுப்பை மேற்கொள்ள திட்டமிட்டுள்ளது. 

இந்த நிலையில், செய்தியாளர்களுக்கு பேட்டி அளித்த அமெரிக்க அதிபர் டொனால்டு டிரம்பிடம் இந்தியா, சீனா உட்பட சில நாடுகள் ஈரானிடம் இருந்து தொடர்ந்து கச்சா எண்ணைய் கொள்முதல் செய்ய முடிவு செய்துள்ளது பற்றி கேள்வி எழுப்பினர். இக்கேள்விக்கு பதிலளித்த டிரம்ப்  “ நவம்பர் 4 ஆம் தேதிக்கு பிறகும் ஈரானிடம் இருந்து எண்ணைய் கொள்முதல் செய்யும் நாடுகளை நாங்கள் பார்த்துக்கொள்கிறோம்” என மிரட்டல் தொனியில் பதிலளித்தார். 

அமெரிக்காவின் பொருளாதார தடைகளை பொருட்படுத்தாத இந்தியா, வரும் மாதம் ஈரானிடம் இருந்து கச்சா எண்ணைய் கொள்முதல் செய்ய திட்டமிட்டுள்ளது. இந்த தகவலை மத்திய பெட்ரோலியத்துறை அமைச்சர் தர்மேந்திர பிரதான் நேற்று உறுதிப்படுத்தினார். இந்தியன் ஆயில் கார்பரேஷன், மற்றும் மங்களூர் ரிபைனரி பெட்ரோகெமிக்கல்ஸ் லிமிடெடு (MRPL) ஆகிய இரண்டு அரசு நிறுவனங்களும் ஈரானிடம் இருந்து 1.25 மில்லியன் டன் கச்சா எண்ணைய் இறக்குமதியை அடுத்த மாதம் செய்ய முடிவெடுத்துள்ளது. 


தொடர்புடைய செய்திகள்

1. மசூத் அசார் விவகாரம்: இந்தியாவின் கோரிக்கையை தொடர்ந்து நிராகரிக்கும் சீனா
மசூத் அசாரை சர்வதேச பயங்கரவாதியாக அறிவிக்கும் முயற்சிக்கு சீனா தொடர்ந்து முட்டுக்கட்டை போட்டு வருகிறது.
2. 42.1 ஓவர்களில் வெஸ்ட் இண்டீஸ் இலக்கை தகர்த்து இந்தியா அபார வெற்றி
முதலாவது ஒருநாள் போட்டியில் 42.1 ஓவர்களில் வெஸ்ட் இண்டீஸ் இலக்கை தகர்த்து இந்தியா அபார வெற்றியை பதிவு செய்துள்ளது.
3. வெஸ்ட் இண்டீசுக்கு எதிரான போட்டியில் விராட் கோலி, ரோகித் ஷர்மா சதம் கடந்து அபாரம்
வெஸ்ட் இண்டீசுக்கு எதிரான முதலாவது ஒரு நாள் கிரிக்கெட் போட்டியில் இந்திய அணி அதிரடி காட்டி வருகிறது.
4. அணு ஆயுத ஒப்பந்தத்தில் இருந்து வெளியேறுவது அமெரிக்காவிற்கு ஆபத்தான நகர்வு, ரஷியா எச்சரிக்கை
அணு ஆயுத ஒப்பந்தத்தில் இருந்து வெளியேறுவது என்பது அமெரிக்காவிற்கு ஆபத்தான நகர்வு என ரஷியா எச்சரிக்கை விடுத்துள்ளது.
5. இந்திய உளவு அமைப்பு தன்னை கொல்ல திட்டமிட்டதாக சிறிசேனா கூறவில்லை: இலங்கை அரசு விளக்கம்
இந்திய உளவு அமைப்பு தன்னை கொல்ல திட்டமிட்டதாக சிறிசேனா கூறவில்லை என்று இலங்கை அரசு விளக்கம் அளித்துள்ளது.