உலக செய்திகள்

பெரும்பான்மை நிரூபிக்கும் தரப்புக்கு பிரதமர் பதவி வழங்க தயார் : இலங்கை அதிபர் சிறிசேனா + "||" + Prez wants Parliament to bring motion seeking new PM

பெரும்பான்மை நிரூபிக்கும் தரப்புக்கு பிரதமர் பதவி வழங்க தயார் : இலங்கை அதிபர் சிறிசேனா

பெரும்பான்மை நிரூபிக்கும் தரப்புக்கு பிரதமர் பதவி வழங்க தயார் : இலங்கை அதிபர் சிறிசேனா
பெரும்பான்மை நிரூபிக்கும் தரப்புக்கு பிரதமர் பதவி வழங்க தயார் என்று இலங்கை அதிபர் சிறிசேனா அறிவித்துள்ளார்.

கொழும்பு,

இலங்கை அதிபர் சிறிசேனா கடந்த அக்டோபர் மாதம் 26-ந்தேதி பிரதமர் விக்ரமசிங்கேவை அதிரடியாக நீக்கிவிட்டு, முன்னாள் அதிபர் ராஜபக்சேவை பிரதமராக நியமித்தார். அன்று முதல் இலங்கையில் அரசியல் நெருக்கடி உருவானது. பின்னர் சிறிசேனா, சுமார் 20 மாதங்கள் முன்னதாகவே நாடாளுமன்றத்தை கலைத்துவிட்டு, உடனே தேர்தல் நடத்த உத்தரவிட்டார்.

ஆனால் சுப்ரீம் கோர்ட்டு அதிபரின் முடிவை ஏற்கமறுத்து, தேர்தல் நடவடிக்கைகளை நிறுத்திவைத்தது. விக்ரமசிங்கே, ராஜபக்சே இருவரும் தாங்கள் தான் பிரதமர் என்று அறிவித்தனர். விக்ரமசிங்கே தன்னை நீக்கியது செல்லாது, தனக்கே நாடாளுமன்றத்தில் பெரும்பான்மை உள்ளது என்று கூறிவந்தார்.

சபாநாயகர் கரு ஜெயசூரியா, ராஜபக்சே தனது பெரும்பான்மையை நிரூபிக்கும் வரை அவரை சட்டப்படி பிரதமராக இந்த அவை ஏற்றுக்கொள்ளாது என்று அறிவித்தார். விக்ரமசிங்கேவின் ஐக்கிய தேசிய முன்னணி ராஜபக்சே மீது 3 நம்பிக்கையில்லா தீர்மானங்கள் கொண்டுவந்தது. ஆனாலும் ராஜபக்சே பதவி விலக மறுத்துவிட்டார். 

இதனால், இலங்கையில் அரசியல் குழப்பம் உச்சம் அடைந்துள்ளது. இந்த நிலையில், வரும் 5 ஆம் தேதி அந்நாட்டு  பாராளுமன்றம் மீண்டும் கூட உள்ளது. அப்போது ராஜபக்சவுக்கு எதிராக மீண்டும் நம்பிக்கையில்லாத் தீர்மானம் கொண்டு வந்து, பெரும்பான்மையை நிரூபிக்கும் தரப்பினருக்கு பிரதமர் பதவியை வழங்க தயார் என்று சிறிசேனா தெரிவித்து இருப்பதாக இலங்கை தமிழ் தேசியக் கூட்டமைப்புப் பிரதிநிதிகள் தெரிவித்துள்ளனர்.


தொடர்புடைய செய்திகள்

1. மாமியார் மரணம், இலங்கை திரும்புகிறார் மலிங்கா
இலங்கை கிரிக்கெட் அணி வீரர் மலிங்காவின் மாமியார் மரணம் காரணமாக அவர் சொந்த நாடு திரும்புகிறார்.
2. நந்தா தேவி சிகரத்தில் இங்கிலாந்தை சேர்ந்த 4 மலையேற்ற வீரர்கள் மீட்பு; 8 பேர் மாயம்
நந்தா தேவி சிகரத்தில் இங்கிலாந்தை சேர்ந்த 4 மலையேற்ற வீரர்கள் மீகப்பட்டுள்ளனர்.
3. தேனிலவுக்காக இலங்கை சென்ற புதுப்பெண் சாவு - கணவர் திரும்பிச்செல்ல தடை
இங்கிலாந்தில் வாழும் இந்திய தம்பதிகள் தேனிலவுக்காக இலங்கை சென்ற இடத்தில் புதுப்பெண் உயிரிழந்ததால், அவரது கணவர் திரும்பிச்செல்ல தடை விதிக்கப்பட்டது.
4. குண்டுவெடிப்புகளை அரங்கேற்ற ஐ.எஸ். அமைப்பு இலங்கையை தேர்வு செய்தது ஏன்? சிறிசேனா விளக்கம்
குண்டுவெடிப்புகளை அரங்கேற்ற ஐ.எஸ். அமைப்பு இலங்கையை தேர்ந்தெடுத்தது ஏன்? என சிறிசேனா விளக்கம் அளித்துள்ளார்.
5. இந்தியாவில் பொது இடங்களில் பர்தா அணிவதற்கு தடை விதிக்க சிவசேனா கோரிக்கை
இலங்கையை போன்று இந்தியாவிலும் பொது இடங்களில் பர்தா அணிவதற்கு தடை விதிக்க சிவசேனா கோரிக்கை விடுத்துள்ளது.