நைஜீரியா: முன்னாள் ராணுவ தளபதி சுட்டுக் கொலை


நைஜீரியா: முன்னாள் ராணுவ தளபதி சுட்டுக் கொலை
x
தினத்தந்தி 19 Dec 2018 5:53 PM GMT (Updated: 19 Dec 2018 5:53 PM GMT)

நைஜீரியா நாட்டின் முன்னாள் ராணுவ தளபதி மர்ம நபர்களால் சுட்டுக் கொல்லப்பட்டார்.

அபுஜா,

நைஜீரியா நாட்டின் விமானப்படை மற்றும் ராணுவ தளபதியாக பதவி வகித்த அலெக்ஸ் பாடே அடையாளம் தெரியாத மர்மநபர்களால் சுட்டுக் கொல்லப்பட்டார்.

அலெக்ஸ் பாடே கடந்த 2012-ம் ஆண்டு விமானப்படை தளபதியாகவும், 2014-ம் ஆண்டு முப்படைகளின் தளபதியாகவும் பதவி வகித்தவர். இவர் ஜூலை 2015-ம் ஆண்டு வரை பதவியில் இருந்தார்.

தற்போது பணி ஓய்வு பெற்ற நிலையில், நேற்று மாலை காரில் சென்றபோது அபுஜா-கெஃபி நெடுஞ்சாலையில் அலெக்ஸ் பாடே காரை வழிமறித்த  மர்மநபர்கள் அவரை துப்பாக்கியால் சுட்டுக் கொன்றனர். இந்த தாக்குதலில் மேலும் இருவர் உயிரிழந்ததாக தகவல் வெளியாகி உள்ளது.

Next Story