உலக செய்திகள்

நவாஸ் ஷெரீப் உடல் நலம் பாதிக்கப்பட்டுள்ளது: மகள் மர்யம் நவாஸ் + "||" + Nawaz Sharif's Health Worsens, Cardiologists Denied Jail Access: Daughter

நவாஸ் ஷெரீப் உடல் நலம் பாதிக்கப்பட்டுள்ளது: மகள் மர்யம் நவாஸ்

நவாஸ் ஷெரீப் உடல் நலம் பாதிக்கப்பட்டுள்ளது: மகள் மர்யம் நவாஸ்
நவாஸ் ஷெரீப் உடல் நலம் பாதிக்கப்பட்டுள்ளதாகவும், மருத்துவர்கள் அவரைக்காண சிறைநிர்வாகம் அனுமதி மறுப்பதாகவும் மர்யம் நவாஸ் தெரிவித்துள்ளார்.
லாகூர், 

அல் -அஸிஸியா இரும்பு ஆலை ஊழல் வழக்கில் 7 ஆண்டுகள் சிறை தண்டனை விதிக்கப்பட்டுள்ள பாகிஸ்தான் முன்னாள் பிரதமர் நவாஸ் ஷெரீப், லாகூரில் உள்ள கோட் லக்பத் சிறைச்சாலையில் அடைக்கப்பட்டுள்ளார். சிறையில் உள்ள அவருக்கு உடல் நலம் மிகவும் மோசமாக பாதிக்கப்பட்டுள்ளதாகவும், ஆனால், மருத்துவர்களை அனுமதிக்க சிறை நிர்வாகம் அனுமதி மறுப்பதாகவும் அவரது மகள் மர்யம் நவாஸ் குற்றம் சாட்டியுள்ளார். 

மர்யம் நவாஸ் தனது டுவிட்டரில் இது குறித்து கூறியிருப்பதாவது:- “  நவாஸ் ஷெரீப்புக்கு கையில் வலி ஏற்பட்டுள்ளது. இது ஆன்ஜினா( இதய நோய்)வாக இருக்க வாய்ப்பு அதிகம் உள்ளது. இதய மருத்துவ நிபுணர்கள் நவாஸ் ஷெரீப்பை சந்திக்க முயற்சித்தனர். ஆனால், அவர்களுக்கு அனுமதி மறுக்கப்பட்டுள்ளது” என தெரிவித்து இருந்தார். 

ஆனால், மர்யம் நவாஸ் குற்றச்சாட்டை நிராகரித்துள்ள சிறைத்துறை மருத்துவர்கள், நவாஸ் ஷெரீப்பின் உடல் நலம் சீராக உள்ளது. அவரது உடல் முழுவதும் பரிசோதனை செய்யப்பட்டது. அவர் நல்ல உடல்நலத்துடன் உள்ளார்” என்று தெரிவித்துள்ளனர். 69 வயதான நவாஸ் ஷெரீப், மூன்று ஆண்டுகளுக்கு முன்பு லண்டனில் இதய அறுவை சிகிச்சை மேற்கொண்டுள்ளார். 

நேற்று சிறைக்கு சென்று தனது தந்தையை பார்த்துவிட்டு வந்த மர்யம் நவாஸ், “ தனது தந்தைக்கு மருத்துவர் ரீதியாக மிகவும் தீவிர பிரச்சினைகள்  இருப்பதாகவும், சிறப்பான மருத்துவ வசதிகள் அவருக்கு தேவைப்படுகின்றன” எனவும் செய்தியாளர்களுக்கு பேட்டியும் அளித்து இருந்தார். 

தொடர்புடைய செய்திகள்

1. சீனா- பாகிஸ்தான் அணு ஆயுதங்களை அதிகரிக்கிறது : இந்தியா அதே நிலையில் உள்ளது
சீனா- பாகிஸ்தான் தங்கள் அணு ஆயுதங்களை அதிகரித்து வருகின்றன. இந்தியா அதே நிலையில் உள்ளது என தகவல் வெளியாகி உள்ளது.
2. “கோலி, ரோகித் சர்மா தான் பாகிஸ்தான் பவுலர்களின் இலக்கு” - தெண்டுல்கர் சொல்கிறார்
உலக கோப்பை கிரிக்கெட்டில் இந்தியாவுக்கு எதிரான ஆட்டத்தில் விராட் கோலி, ரோகித் சர்மா தான் பாகிஸ்தான் பவுலர்களின் இலக்காக இருப்பார்கள் என்று இந்திய முன்னாள் நட்சத்திர வீரர் தெண்டுல்கர் கூறியுள்ளார்.
3. இந்தியாவில் தற்கொலை தாக்குதலை முன்னெடுக்க தயார் நிலையில் பாகிஸ்தான் பயங்கரவாதிகள்
இந்தியாவில் தற்கொலை பயங்கரவாத தாக்குதலை முன்னெடுக்க பாகிஸ்தான் பயங்கரவாதிகள் தயார் நிலையில் உள்ளதாக தகவல் வெளியாகியுள்ளது.
4. எங்களுடன் விளையாடுமாறு இந்தியாவிடம் கெஞ்ச முடியாது -பாகிஸ்தான் கிரிக்கெட் வாரியம் சொல்கிறது
எங்களுடன் விளையாடுமாறு இந்தியாவிடம் கெஞ்ச முடியாது என்று பாகிஸ்தான் கிரிக்கெட் வாரியம் தெரிவித்துள்ளது.
5. உலக கோப்பை கிரிக்கெட் போட்டி பாகிஸ்தானுக்கு 308 ரன்கள் வெற்றி இலக்கு
உலக கோப்பை கிரிக்கெட் போட்டியில் பாகிஸ்தானுக்கு 308 ரன்களை ஆஸ்திரேலியா வெற்றி இலக்காக நிர்ணயம் செய்துள்ளது.