உலக செய்திகள்

உலகைச்சுற்றி... + "||" + Around the world news

உலகைச்சுற்றி...

உலகைச்சுற்றி...
அமெரிக்கா-சீனா இடையிலான வர்த்தக பேச்சுவார்த்தை சிறப்பாக நடந்து வருவதாக ஜனாதிபதி டிரம்ப் தெரிவித்துள்ளார்.
* பிரேசிலின் மினராஸ் கெரயிஸ் மாகாணத்தில் அணை உடைந்து ஊருக்குள் சேறு புகுந்ததில் பலியானவர்களின் எண்ணிக்கை 166 ஆக உயர்ந்தது. மாயமான 155 பேரின் கதி என்ன என்பது இன்னமும் தெரியவில்லை.

* அமெரிக்கா-சீனா இடையிலான வர்த்தக பேச்சுவார்த்தை சிறப்பாக நடந்து வருவதாக ஜனாதிபதி டிரம்ப் தெரிவித்துள்ளார்.

* ஆப்கானிஸ்தானின் சபூல் மாகாணம் அர்கன்டாப் மாவட்டத்தில் தலீபான் பயங்கரவாதிகள் பதுங்கி இருந்த பகுதிகளில் ராணுவ வீரர்கள் அதிரடி தாக்குதல் நடத்தினர். இதில் 4 பயங்கரவாதிகள் கொல்லப்பட்டனர்.

* துருக்கியின் புர்சா மாகாணத்தில் ஐ.எஸ். பயங்கரவாதிகளுடன் தொடர்பு வைத்திருந்த சந்தேகத்தின் பேரில் சிரியாவை சேர்ந்த 52 பேரை போலீசார் கைது செய்தனர்.

* ஆப்கானிஸ்தான் போர் நிறுத்தம் தொடர்பாக அமெரிக்க பிரதிநிதிகளுடன் பாகிஸ்தான் தலைநகர் இஸ்லாமாபாத்தில் பேச்சுவார்த்தை நடத்த உள்ளதாக தலீபான்கள் அறிவித்துள்ளனர்.

* வெனிசூலா மக்களுக்கு அயல்நாடுகளின் மனிதாபிமான உதவிகள் கிடைக்கவிடாமல் தடுக்கும் அதிபர் நிகோலஸ் மதுரோவுக்கு அமெரிக்க ஜனாதிபதி டிரம்ப் கடும் கண்டனம் தெரிவித்துள்ளார்.

* ஏமனில் கிளர்ச்சியாளர்களுக்கு எதிராக தாக்குதல் நடத்தி வரும் சவுதி அரேபியா தலைமையிலான கூட்டுப்படைகளுக்கு அமெரிக்கா ராணுவ உதவி அளிப்பதை முடிவுக்கு கொண்டுவர வலியுறுத்தி அந்நாட்டு நாடாளுமன்றத்தில் தீர்மானம் நிறைவேற்றப்பட்டது.

ஆசிரியரின் தேர்வுகள்...