உலக செய்திகள்

உலகைச்சுற்றி... + "||" + Around the World

உலகைச்சுற்றி...

உலகைச்சுற்றி...
தென்கொரிய அதிபர் மூன் ஜே இன், 11-ந் தேதி அமெரிக்கா செல்கிறார்.

* தென்கொரிய அதிபர் மூன் ஜே இன், 11-ந் தேதி அமெரிக்கா செல்கிறார். அங்கு வாஷிங்டன் வெள்ளை மாளிகையில் ஜனாதிபதி டிரம்பை சந்தித்து இருதரப்பு பேச்சுவார்த்தை நடத்துகிறார். கொரிய தீபகற்ப பகுதியில் அணு ஆயுதங்களை முழுமையாக கைவிடுதல் பற்றி இரு தலைவர்களும் விவாதிக்க உள்ளனர்.

* வங்காளதேசத்தின் டாக்கா நகரில் உள்ள 22 மாடி கட்டிடத்தில் ஏற்பட்ட தீவிபத்தில் பலியானவர்கள் எண்ணிக்கை 25 ஆக உயர்ந்துள்ளது. தீ விபத்துக்குள்ளான கட்டிடத்தில் ஜவுளிக் கடைகள், இணையதள சேவை மையங்கள் உள்ளிட்டவை அமைந்திருந்து, அவற்றில் விபத்தின்போது பலர் சிக்கிக்கொண்டது குறிப்பிடத்தக்கது.

* ரஷிய நாட்டின் காம்சாட்கா தீபகற்ப பகுதியில் நேற்று சக்திவாய்ந்த நில நடுக்கம் ஏற்பட்டது. இது ரிக்டர் அளவுகோலில் 6.3 புள்ளிகளாக பதிவானது. இந்த நிலநடுக்கத்தால் பாதிப்புகள் உண்டா என்பது பற்றி உடனடியாக தெரியவரவில்லை.

* ஓ.பி.ஓ.ஆர். என்னும் பட்டுப்பாதை திட்டம் உள்ளிட்ட சீன திட்டங்களால் அமெரிக்கா மற்றும் அதன் நட்பு நாடுகளின் பாதுகாப்புக்கு அச்சுறுத்தல் ஏற்பட்டுள்ளது என அமெரிக்க வெளியுறவு மந்திரி மைக் பாம்பியோ கூறி உள்ளார்.

* சிரியாவில் கவுட்டா பகுதியில் பயங்கரவாதிகள் விட்டுச்சென்ற 100 டன் வெடிபொருட்களை கண்டறிந்து கடந்த ஓராண்டில் ராணுவம் அழித்துள்ளதாக தகவல்கள் வெளியாகி உள்ளன.



தொடர்புடைய செய்திகள்

1. உலகைச்சுற்றி...
தென் கொரிய அதிபர் மூன் ஜே இன், வடகொரிய தலைவர் கிம் ஜாங் அன்னை 4-வது முறையாக சந்தித்து பேச விருப்பம் தெரிவித்துள்ளார்.