ஏமனில் குண்டுவெடித்து 6 பேர் சாவு

ஏடன்,

ஏமன் நாட்டின் வடகிழக்கு மாகாணமான ஹட்ராமவுட்டின் அல்-கதான் மாவட்டத்தில் நேற்று சாலையோர பகுதியில் திடீரென வெடிகுண்டு ஒன்று வெடித்தது. இதில் 2 மோட்டார் சைக்கிள்கள் மற்றும் ஒரு கார் போன்ற வாகனங்கள் சேதமடைந்தன.

இந்த குண்டுவெடிப்பு சம்பவத்தில் 6 பேர் பலியானார்கள். 7 பேர் காயமடைந்தனர். ஏமனை சேர்ந்த அல்-கொய்தா பயங்கரவாதிகள் இந்த குண்டுவெடிப்பை நிகழ்த்தியிருக்கலாம் என கருதப்படுகிறது.