உலக செய்திகள்

உலகைச் சுற்றி... + "||" + Around the world

உலகைச் சுற்றி...

உலகைச் சுற்றி...
* மியான்மரின் சகாயிங் பிராந்தியத்தில் நேற்று முன்தினம் கடுமையான சூறாவளி தாக்கியது. இதில் சுமார் 800 வீடுகள் பலத்த சேதம் அடைந்தன.
* ஈரான்-அமெரிக்கா இடையே கடும் மோதல் போக்கு நீடித்து வரும் நிலையில், அந்நாட்டுடன் போரிட விரும்பவில்லை என அமெரிக்க வெளியுறவு மந்திரி மைக் பாம்பியோ தெரிவித்துள்ளார். ஈரான் சாதாரண நாடு போல நடந்துகொள்வதையே அமெரிக்க விரும்புவதாகவும் அவர் கூறினார்.

* ஈராக் தலைநகர் பாக்தாத் மற்றும் ஏர்பில் நகரில் உள்ள அமெரிக்க தூதரகங்களில் பணியாற்றும் ஊழியர்கள் அனைவரும் உடனடியாக அமெரிக்காவுக்கு திரும்பும் படி அமெரிக்க வெளியுறவுத்துறை அறிவுறுத்தி உள்ளது.

* அமெரிக்காவின் அலாஸ்கா மாகாணத்தில் உள்ள கெட்சிகன் நகரில் 2 குட்டி விமானங்கள் நடுவானில் மோதி விபத்துக்குள்ளானதில் பலியானோரின் எண்ணிக்கை 6 ஆக உயர்ந்தது.

* ஜப்பானின் தெற்கு பகுதியில் உள்ள அமாமி உஷிமா தீவில் நேற்று சக்திவாய்ந்த நிலநடுக்கம் ஏற்பட்டது. ரிக்டர் அளவுகோலில் 5.5 புள்ளிகளாக பதிவான இந்த நிலநடுக்கத்தால் ஏற்பட்ட சேத விவரங்கள் குறித்து தகவல்கள் இல்லை.

தொடர்புடைய செய்திகள்

1. உலகைச் சுற்றி...
* அமெரிக்க ராணுவ ரகசியங்களை திருடி இணையதளத்தில் கசியவிட்டது தொடர்பாக விக்கிலீக்ஸ் நிறுவனர் ஜூலியன் அசாஞ்சே மீது புதிதாக 17 குற்றச்சாட்டுகளை அமெரிக்க நீதித்துறை பதிவு செய்துள்ளது.
2. உலகைச் சுற்றி...
* பிலிப்பைன்சின் வடக்கு பகுதியில் அமைந்துள்ள அல்பே மாகாணத்தில் பயணிகளை ஏற்றி சென்ற மினி வேன் பள்ளத்தில் கவிழ்ந்து விபத்துக்குள்ளானதில் 6 பேர் பலியாகினர். 10 பேர் பலத்த காயம் அடைந்தனர்.
3. உலகைச் சுற்றி...
*சீனாவில் குவாங்சி சுவாங் தன்னாட்சி பிராந்தியத்தில் டைஸ் நகரில் ஒரு இரவு நேர மதுபான விடுதியின் கூரை இடிந்து விழுந்தது. இதில் 2 பேர் பலியானார்கள். 86 பேர் காயம் அடைந்தனர்.
4. உலகைச் சுற்றி...
* இந்தோனேசியாவின் தலைநகராக ஜகார்த்தா உள்ளது. இதை மாற்றப்போவதாக அதிபர் ஜோகோ விடோடோ அறிவித்துள்ளார். ஜாவா தீவில் உள்ள ஏதேனும் ஒரு நகர் புதிய தலைநகராக அறிவிக்கப்படலாம் என தெரிகிறது.
5. உலகைச் சுற்றி...
* சீன அதிபர் ஜின்பிங் விரைவில் அமெரிக்கா வருவார் என்றும், அவருடனான வர்த்தக பேச்சுவார்த்தை சுமுகமான முறையில் நடைபெறும் எனவும் அமெரிக்க ஜனாதிபதி டிரம்ப் நம்பிக்கை தெரிவித்துள்ளார்.