உலக செய்திகள்

நிலவின் மறுபக்கத்தில் உள்ள ரகசிய தகவல்களை கண்டறிந்த சீன விண்கலம் + "||" + China's lunar rover makes unexpected discovery on far side of the moon

நிலவின் மறுபக்கத்தில் உள்ள ரகசிய தகவல்களை கண்டறிந்த சீன விண்கலம்

நிலவின் மறுபக்கத்தில் உள்ள ரகசிய தகவல்களை கண்டறிந்த சீன விண்கலம்
நிலவின் மறுபக்கத்தில் உள்ள ரகசியங்களை பற்றிய தகவல்களை முதன்முறையாக சீன விண்கலம் கண்டறிந்துள்ளது.
பெய்ஜிங்,

பூமியில் இருந்து நம்மால், நிலவின் ஒரு பகுதியை மட்டுமே பார்க்க முடிகிறது. ஏனெனில், பூமியை சுற்றி வருவதற்கு எடுத்து கொள்ளும் அதே காலத்தை தன்னைத்தானே சுற்றி வருவதற்கும் நிலவு எடுத்து கொள்கிறது.

பொதுவாக நிலவின் 'இருண்ட பக்கம்' என்றழைக்கப்படும் இந்த இடத்திலும் சூரிய வெளிச்சம் காணப்பட்டாலும், பூமியிலிருந்து இந்த இடத்தை பார்க்க முடியாது என்பதால்தான் இதை அவ்வாறு அழைக்கின்றனர்.

நிலவின் மறுபக்கத்தை ஆய்வு செய்வதற்காக விண்கலம் அனுப்புவதற்காக சாங் இ 4 மிஷன் எனும் திட்டத்தை சீனா செயல்படுத்தி உள்ளது.  இந்த திட்டத்தின் ஒரு பகுதியாக நிலவின் மறுபக்கத்தில் கரடுமுரடான பகுதியில் வெற்றிகரமாக யூட்டூ 2 என்ற விண்கலத்தினை தரையிறக்கி சீனா சாதனை படைத்துள்ளது.

இதுவரை பூமியை நோக்கி காணப்படாத நிலவின் மற்றொரு பகுதியாக  கருதப்படும் பகுதியில் வோன் கர்மான் என பெயரிடப்பட்ட குழிப்பகுதியில் விண்கலம் தரை இறங்கியது.  இதுவரை ஆராய்ச்சிகளே மேற்கொள்ளப்படாத நிலவின் தென் துருவ பகுதியின் புவியியல் அமைப்பு குறித்த தகவல்களை சேமிக்கும் பணிகளுடன், அங்கிருந்து பாறை துண்டுகள், மண் மாதிரிகளை பூமிக்கு கொண்டு வரும் பணியையும் இது மேற்கொள்ளும்.

இந்நிலையில், நிலவின் மறுபக்கத்தில் இறங்கிய யூட்டூ 2 விண்கலம், அதில் உள்ள அகச்சிவப்பு கதிர்கள் உதவியுடன் செயல்படும் ஸ்பெக்ட்ரோமீட்டர் சில தகவல்களை சேகரித்து தந்துள்ளது.  இது இரு இடங்களில் ஆய்வு செய்து நல்ல தரமுள்ள தகவல்களை கொண்டு வந்துள்ளது.

இதனை சீனாவின் தேசிய விண்வெளி ஆய்வகத்தில் லி சன்லாய் தலைமையிலான குழு ஒன்று ஆய்வு செய்துள்ளது.  நிலவில் இறங்கி ஆய்வு செய்த பகுதியில் ஆலிவின் மற்றும் பைராக்சீன் ஆகிய வேதிபொருட்கள் இருந்தது தெரிய வந்துள்ளது.  இவை நிலவின் ஆழ்ந்த உட்பகுதியில் இருந்து வந்திருக்க கூடும் என கூறுகின்றனர்.

இந்த ஆய்வில், நிலவில் தரையிறங்கிய பகுதியில் ஆலிவின், கால்சியம் பைராக்சீன் ஆகியவை உள்ளது தெரிய வந்துள்ளது.  இந்த பைராக்சீன்களில் கால்சியம், சோடியம், இரும்பு (2) அல்லது மக்னீசியம் ஆகியவை இருக்கும்.  மிக குறைந்த அளவில் துத்தநாகம், லித்தியம் ஆகியவையும் இருக்கும்.  இதேபோன்று, குரோமியம், அலுமினியம், இரும்பு (3), ஸ்கேண்டியம், டைட்டானியம், வனேடியம் போன்றவையும் இருக்கும்.

இதனால் நிலவு மற்றும் பூமி ஆகியவற்றின் உருவாக்கம் மற்றும் பரிணாம வளர்ச்சி ஆகியவை தொடர்புடைய இதுவரை வெளிவராத ரகசியங்களை வெளிக்கொண்டு வர இந்த ஆய்வு உதவும்.

தொடர்புடைய செய்திகள்

1. நிலவுக்கு அனுப்பப்பட்ட விண்கலன்களில் 60 சதவீதம் மட்டுமே வெற்றிகரமாக அமைந்துள்ளன: நாசா
கடந்த 60 ஆண்டுகளில் நிலவுக்கு அனுப்பப்பட்ட விண்கலன்களில் 60 சதவீதம் மட்டுமே வெற்றிகரமாக அமைந்துள்ளது என்று நாசா தெரிவித்துள்ளது.
2. செயற்கை செவ்வாய் : 4 பகல்கள், 3 இரவுகள் தங்க ரூ.4.70 லட்சம்
ஸ்பெயின் நாட்டில் குகை ஒன்று செவ்வாய் கிரக மாதிரி போன்று அமைக்கப்பட்டுள்ளது.
3. ஆதிகால கடல் உயிரினத்தின் நூற்றுக்கணக்கான புதைபடிவங்கள் கண்டுபிடிப்பு
கனடாவில் ‘ஸ்டார் வார்ஸ்’ விண்கலத்தை ஒத்த தலையுடன் கூடிய ஆதிகால கடல் உயிரினத்தின் நூற்றுக்கணக்கான புதைபடிவங்கள் கண்டுபிடிக்கப்பட்டுள்ளன.
4. பூமியோடு தொடர்பு கொள்ள வேற்றுக் கிரகவாசிகள் மூன்று விரிவான தகவல்களைப் பூமிக்கு அனுப்பியுள்ளனர்
பூமியோடு தொடர்பு கொள்ளும் முயற்சியாக வேற்றுக் கிரகத்தைச் சேர்ந்த உயிரினங்கள் மூன்று விரிவான தகவல்களைப் பூமிக்கு அனுப்பியுள்ளன.
5. குளிர்ச்சியில் இருந்து மின்சாரம் விஞ்ஞானிகள் சாதனை
குளிர்ச்சியில் இருந்து மின்சாரம் எடுத்து விஞ்ஞானிகள் சாதனை புரிந்து உள்ளனர்.