உலக செய்திகள்

உலகைச்சுற்றி.... + "||" + Around the world

உலகைச்சுற்றி....

உலகைச்சுற்றி....
வெனிசூலாவில் நீடிக்கும் அரசியல் குழப்பத்துக்கு அமெரிக்காதான் காரணம் என வெனிசூலா அதிபர் நிகோலஸ் மதுரோ குற்றம்சாட்டி வருகிறார்.

* கொரிய தீபகற்பத்தை அணுஆயுதமற்ற பிரதேசமாக மாற்றும் விவகாரம் தொடர்பாக தென் கொரியா அதிபர் மூன் ஜே இன்னை சந்தித்து பேசுவதற்காக அமெரிக்க ஜனாதிபதி டிரம்ப் அடுத்த மாதம்(ஜூன்) தென்கொரியா செல்ல இருப்பதாக வெள்ளை மாளிகை தெரிவித்துள்ளது.


* அமெரிக்காவின் நியூயார்க் மாகாணம் மன்ஹாட்டன் நகரில் இருந்து புறப்பட்டு சென்ற ஹெலிகாப்டரில் திடீரென எந்திர கோளாறு ஏற்பட்டது. இதனால் விமானி கட்டுப்பாட்டை இழந்த அந்த ஹெலிகாப்டர் அருகில் இருந்த ஹட்சன் ஆற்றில் விழுந்து நொறுங்கியது. எனினும் இந்த விபத்தில் விமானி அதிர்ஷ்டவசமாக உயிர் தப்பினார்.

* வெனிசூலாவில் நீடிக்கும் அரசியல் குழப்பத்துக்கு அமெரிக்காதான் காரணம் என வெனிசூலா அதிபர் நிகோலஸ் மதுரோ குற்றம்சாட்டி வருகிறார். இதனால் இருநாடுகள் இடையே மோதல் போக்கு நீடிக்கிறது. இந்த நிலையில் வெனிசூலா செல்லும் அனைத்து விமானங்களையும் ரத்துசெய்வதாக அமெரிக்கா அறிவித்துள்ளது.

* அமெரிக்காவின் ஸ்பேஸ் எக்ஸ் நிறுவனம், உலகம் முழுவதும் சீரான மற்றும் அதிவேக இணைய சேவை வழங்குவதற்காக தலா 227 கிலோ எடையுடைய 60 செயற்கைகோள்களை, பால்கன் 9 ராக்கெட் மூலம் நேற்று முன்தினம் இரவு விண்ணில் ஏவ திட்டமிட்டிருந்தது. ஆனால் மோசமான வானிலை காரணமாக இந்த திட்டம் ஒத்திவைக்கப்பட்டது.


தொடர்புடைய செய்திகள்

1. ரகசிய ஆயுதங்களை கொண்டு ‘அமெரிக்க போர்க்கப்பல்களை மூழ்கடிப்போம்’ ஈரான் மிரட்டல்
மத்திய கிழக்கு பகுதியில் உள்ள அமெரிக்க போர்க்கப்பல்களை ரகசிய ஆயுதங்களை கொண்டு மூழ்கடித்து விடுவோம் என ஈரான் மிரட்டல் விடுத்துள்ளது.
2. மெக்சிகோ எல்லையில் சுவர் கட்ட தற்காலிக தடை : அமெரிக்க கோர்ட்டு உத்தரவு
அகதிகள் வருகையை தடுக்கும் வகையில் மெக்சிகோ எல்லையில் பிரமாண்ட சுவர் கட்ட அமெரிக்க ஜனாதிபதி டிரம்ப் முடிவு செய்தார். இதற்கான நிதியை ஒதுக்கும்படி நாடாளுமன்றத்திடம் அவர் கோரிக்கை வைத்தபோது, ஜனநாயக கட்சியினர் இதற்கு கடும் எதிர்ப்பு தெரிவித்தனர்.
3. அமெரிக்காவில் பரபரப்பு சம்பவம் : நடுவானில், விமானத்தில் சிறுமியுடன் உல்லாசம் - தொழிலதிபர் கைது
அமெரிக்காவின் நியூ ஜெர்சி மாகாணத்தை சேர்ந்த பிரபல தொழிலதிபர் ஸ்டீபன் பிராட்லே மெல் (வயது 53). தொண்டு நிறுவனம் ஒன்றை நடத்தி வரும் இவர் சொந்தமாக சில விமானங்களை வைத்துள்ளார்.
4. உங்களுடைய அழுத்தங்களுக்கு அடிபணிய மாட்டோம் அமெரிக்காவிற்கு ஈரான் பதில்
உங்களுடைய அழுத்தங்களுக்கு அடிபணிய மாட்டோம் என அமெரிக்காவிற்கு ஈரான் பதிலை கொடுத்துள்ளது.
5. அமெரிக்காவில் கடற்படை விமானம், விபத்தில் சிக்கியது
அமெரிக்க கடற்படை விமானம், ஏ.வி–8 பி ஹாரியர். இந்த விமானம், அங்கு வடக்கு கரோலினா மாகாணத்தில் உள்ள செர்ரி பாயிண்ட் கடற்படை விமான தளத்தை தலைமையிடமாகக் கொண்டு செயல்பட்டு வந்தது.