உலகைச் சுற்றி...

* வடகொரிய தலைவர் கிம் ஜாங் அன்னின் சகோதரர் கிம் ஜாங் நாம், மலேசியா தலை நகர் கோலாலம்பூர் விமான நிலையத்தில் முகத்தில் ரசாயன பொடியை தூவி கொலை செய்யப்பட்டார். இது தொடர்பாக விசாரணை நடைபெற்று வருகிறது. இந்த நிலையில் கிம் ஜாங் நாம், அமெரிக்க உளவு அமைப்பான சி.ஐ.ஏ.வுக்கு பணியாற்றி வந்ததாக அமெரிக்க பத்திரிகையில் செய்தி வெளியிடப்பட்டுள்ளது.

* துருக்கியின் டலைக்சிர் மாகாணத்தில் உள்ள தண்டிர்மா மாவட்டத்தில் பஸ் மற்றும் கார் நேருக்கு நேர் மோதிக்கொண்ட கோர விபத்தில் 4 பேர் சம்பவ இடத்திலேயே பலியாகினர். மேலும் சுமார் 50 பேர் பலத்த காயம் அடைந்தனர்.

* ஆப்கானிஸ்தானின் ஜமால் நஷீர் தரிக்‌ஷாய் மாகாணத்தில் உள்ள தாண்ட் மாவட்டத்தில் சாலையோரம் புதைத்து வைக்கப்பட்டிருந்த சக்திவாய்ந்த குண்டு வெடித்து சிதறியது. அந்த வழியாக காரில் சென்ற 2 பெண்கள், 2 சிறுவர்கள் உள்பட ஒரே குடும்பத்தை சேர்ந்த 6 பேர் உடல் சிதறி உயிர் இழந்தனர்.

* அமெரிக்காவில் தொலைபேசி வாயிலாக நூதன மோசடியில் ஈடுபட்டு முதியோர்களிடம் இருந்து பல கோடி ரூபாயை சுருட்டிய கும்பலுக்கு தொழில்நுட்ப ரீதியில் உதவி புரிந்த வழக்கில் பிஷ்வஜீத் குமார் ஜா (வயது 21) என்கிற இந்தியருக்கு 6 ஆண்டு சிறை தண்டனை வழங்கப்பட்டுள்ளது.