உலகைச்சுற்றி...

* ஆப்கானிஸ்தானின் பர்யாப் மாகாணத்தில் உள்ள பில்சிராக் மாவட்டத்தில் தலீபான் பயங்கரவாதிகளின் நிலைகளை குறிவைத்து ராணுவ விமானங்கள் குண்டு மழை பொழிந்தன. இந்த வான்தாக்குதலில் 28 பயங்கரவாதிகள் கொன்று குவிக்கப்பட்டனர்.

* ஈராக்கின் கிர்குக் மாகாணத்தில் ஐ.எஸ். பயங்கரவாதிகளின் பதுங்கு குழிகளை குறிவைத்து அமெரிக்க கூட்டுப்படைகள் நடத்திய வான்தாக்குதலில் 3 பயங்கரவாதிகள் கொல்லப்பட்டனர்.

* இங்கிலாந்தின் பிரிட்டிஷ் ஏர்வேஸ் விமான நிறுவனம், எகிப்து தலைநகர் கெய்ரோவுக்கு செல்லும் அனைத்து விமானங்களையும் ஒருவாரத்துக்கு ரத்து செய்வதாக அறிவித்துள்ளது. இதற்கான சரியான காரணத்தை அந்நிறுவனம் தெரிவிக்கவில்லை.

* நியூசிலாந்தின் கெர்மடெங் தீவை சக்திவாய்ந்த நிலநடுக்கம் தாக்கியது. இது ரிக்டர் அளவுகோலில் 5.2 புள்ளிகளாக பதிவானது. இந்த நிலநடுக்கத்தால் ஏற்பட்ட சேத விவரங்கள் குறித்து தகவல்கள் இல்லை.