உலக செய்திகள்

காஷ்மீரை சர்வதேச பிரச்சினையாக்கும் சீனாவின் முயற்சி ஐநாவில் தோல்வி + "||" + Pakistan move to rake up Jammu and Kashmir at UNSC falls flat

காஷ்மீரை சர்வதேச பிரச்சினையாக்கும் சீனாவின் முயற்சி ஐநாவில் தோல்வி

காஷ்மீரை சர்வதேச பிரச்சினையாக்கும் சீனாவின் முயற்சி ஐநாவில் தோல்வி
ஐநாவில் காஷ்மீரை சர்வதேச பிரச்சினையாக்கும் சீனா-பாகிஸ்தானின் முயற்சி முறியடிக்கப்பட்டது.
நியூயார்க்,

ஜம்மு - காஷ்மீர் பிரச்சினையை சர்வதேச பிரச்சினையாக்கும் பாகிஸ்தானின் முயற்சி ஐநா சபையில் தோல்வியில் முடிந்தது. இந்தியாவுக்கு ரஷ்யா,  பிரான்ஸ், அமெரிக்கா, பிரிட்டன் ஆகிய நாடுகள் ஆதரவு தெரிவித்தன.  பாகிஸ்தானுக்கு முதலில் ஆதரவு தெரிவித்த சீனாவும் பின்வாங்கியது. ஜம்மு காஷ்மீர் விவகாரத்தில் ஐ.நா. தலையிடக்கூடாது எனவும் இது குறித்து இந்தியா-பாகிஸ்தான் பேச்சுவார்தை மூலம் தீர்வு காண வேண்டும் என்று ஐ.நா பாதுகாப்பு சபை கூட்டத்திற்குப் பிறகு ரஷ்ய பிரதிநிதி டிமிட்ரி போலென்ஸ்கி தெரிவித்தார். 

ஜம்மு - காஷ்மீர் மாநிலத்திற்கான சிறப்பு அந்தஸ்தை, அண்மையில் மத்திய அரசு ரத்து செய்தது. காஷ்மீர் மாநிலம் பிரிக்கப்பட்டு, இரண்டு யூனியன்  பிரதேசங்களாக மாற்றப்பட்டன. இதற்கு கடும் எதிர்ப்பு தெரிவித்த பாகிஸ்தான், இந்த விவகாரம் தொடர்பாக விவாதிக்க ஐ.நா. பாதுகாப்பு கவுன்சிலை கூட்ட வேண்டும் என வலியுறுத்தியது.

பாகிஸ்தானின் நெருங்கிய நட்பு நாடான சீனாவும், காஷ்மீர் விவகாரம் பற்றி ரகசியமான முறையில் விவாதம் நடத்த கோரியது. 

அதன்படி நியூயார்க் ஐநா பாதுகாப்பு சபையில் காஷ்மீர் விவகாரம் குறித்து விவாதிக்கப்பட்டது. ஐ.நா பாதுகாப்பு சபையின் இம்மாத தலைவரான, போலந்து நாட்டைச் சேர்ந்த ஜோன்னா ரோனெக்கா தலைமையில் 15 உறுப்பு நாடுகள்  பங்கேற்ற ஆலோசனை கூட்டம் நடைபெற்றது. இந்த ஆலோசனை கூட்டத்தின் உரையாடல்கள் எதுவும் பதிவு செய்யப்படாது என அறிவிக்கப்பட்டிருந்தது. 

இதில், பேசிய ஐ.நா.வுக்கான சீன தூதர் ஜாங் ஜுன், இந்திய அரசின்  நடவடிக்கையால், ஜம்மு - காஷ்மீரில் பதற்றம் மேலும் அதிகரித்திருப்பதாக கூறினார்.

தொடர்புடைய செய்திகள்

1. நிமோனியா: ஐந்து வயதிற்குட்பட்ட குழந்தைகளின் இறப்பு விகிதத்தில் இந்தியாவுக்கு 2-வது இடம் - ஐநா
நிமோனியாவால் ஐந்து வயதிற்குட்பட்ட குழந்தைகளின் இறப்பு விகிதத்தில் இந்தியா 2-வது இடத்தில் உள்ளது என ஐநா கூறி உள்ளது.
2. பயங்கரவாதத்தின் டி.என்.ஏ. பாகிஸ்தானிடம் உள்ளது : யுனெஸ்கோவில் இந்தியா பதிலடி
பயங்கரவாதத்தின் டி.என்.ஏ. பாகிஸ்தானிடம் தான் உள்ளது என்று யுனெஸ்கோவில் இந்தியா கடுமையாக சாடியது.
3. பாகிஸ்தான், பயங்கரவாதத்தை தூண்டுகிறது ஐ.நா.வில் இந்தியா குற்றச்சாட்டு
பாகிஸ்தான், பயங்கரவாதத்தை தூண்டுகிறது என்று ஐ.நா.வில் இந்தியா கடுமையாக சாடியது.
4. காஷ்மீரில் கட்டுப்பாடுகளை தளர்த்த இந்தியா துரித நடவடிக்கைகள் எடுக்க வேண்டும்: அமெரிக்கா வலியுறுத்தல்
காஷ்மீரில் கட்டுப்பாடுகளை தளர்த்த இந்தியா துரித நடவடிக்கைகள் எடுக்க வேண்டும் என்று அமெரிக்கா வலியுறுத்தியுள்ளது.
5. காஷ்மீர் விவகாரத்தில் பதவி விலகிய ஐ.ஏ.எஸ். அதிகாரிக்கு நூலகத்துக்குள் நுழைய அனுமதி மறுப்பு
காஷ்மீர் விவகாரத்தில் பதவி விலகிய ஐ.ஏ.எஸ். அதிகாரிக்கு, நூலகத்துக்குள் நுழைய அனுமதி மறுக்கப்பட்டது.