அமெரிக்காவில் பள்ளிக்கூடம் ஒன்றில் நடந்த துப்பாக்கிச்சூட்டில் 8 வயது சிறுமி உயிரிழப்பு

* அமெரிக்காவின் ஜார்ஜியா மாகாணம் அட்லாண்டா நகரில் உள்ள கோல்ப் மைதானத்தில் நடந்த போட்டியை காண ஏராளமான ரசிகர்கள் கூடியிருந்தனர். அப்போது அங்கு திடீரென மின்னல் தாக்கியது. இதில் ஒரு மரத்துக்கு அடியில் நின்றிருந்த 6 ரசிகர்கள் படுகாயமடைந்தனர். அவர்கள் மருத்துவமனையில் அனுமதிக்கப்பட்டு சிகிச்சை பெற்று வருகின்றனர்.

* ஈராக்கின் அன்பர் மாகாணத்தில் ராணுவத்தினர் நடத்திய அதிரடி தாக்குதலில் ஐ.எஸ். பயங்கரவாதிகள் 4 பேர் கொல்லப்பட்டனர்.

* சிரியாவில் டமாஸ்கஸ் நகரில் உள்ள ஈரான் ராணுவ நிலைகள் மீது, ராணுவ விமானங்கள் மூலம் அதிரடி தாக்குதல் நடத்தியதாக இஸ்ரேல் ராணுவம் தெரிவித்துள்ளது.

* அமெரிக்காவின் மிசாவுரி மாகாணத்தில் உள்ள ஒரு பள்ளிக்கூடத்தில் நடந்த துப்பாக்கிச்சூட்டில் 8 வயது சிறுமி உயிர் இழந்தாள். மேலும் 3 மாணவர்கள் படுகாயம் அடைந்தனர்.

* அல்ஜீரியாவில் பிரபல ராப் பாடகரின் இசை கச்சேரி நிகழ்ச்சியின் போது ஏற்பட்ட கூட்ட நெரிசலில் சிக்கி 5 பேர் உயிர் இழந்தனர். இந்த சம்பவத்துக்கு பொறுப்பு ஏற்று அந்நாட்டின் கலாசார துறை மந்திரி மெரியம் மெர்டாசி தனது பதவியை ராஜினாமா செய்தார்.