உலக செய்திகள்

தாக்குதலுக்கு ஆளான சவுதி அரேபியாவுக்கு அமெரிக்கா படைகளை அனுப்புகிறது + "||" + Trump to deploy more troops to Saudi Arabia after attack

தாக்குதலுக்கு ஆளான சவுதி அரேபியாவுக்கு அமெரிக்கா படைகளை அனுப்புகிறது

தாக்குதலுக்கு ஆளான சவுதி அரேபியாவுக்கு அமெரிக்கா படைகளை அனுப்புகிறது
ஆரம்கோ நிறுவன கச்சா எண்ணெய் சுத்திகரிப்பு ஆலை மீது நடத்தப்பட்ட தாக்குதலின் எதிரொலியாக, சவூதி அரேபியாவின் வான் பாதுகாப்பை பலப்படுத்த ராணுவ வீரர்களை அனுப்பி வைக்க அமெரிக்க அதிபர் டிரம்ப் ஒப்புதல் அளித்துள்ளார்.
வாஷிங்டன்,

சவுதி அரேபிய அரசுக்கு சொந்தமாக புக்யாக்கில் உள்ள அப்காய்க் எண்ணெய் சுத்திகரிப்பு ஆலை மீதும், குராய்ஸ் எண்ணெய் வயல் மீதும் கடந்த 14-ந்தேதி அதிகாலையில் ஆளில்லா விமானங்கள் தாக்குதல் நடத்தின. இந்த தாக்குதல்கள் அங்கு பெரும் சேதத்தை ஏற்படுத்தின. இந்த தாக்குதலுக்கு ஏமன் ஹவுதி கிளர்ச்சியாளர்கள் பொறுப்பேற்றபோதும், தாக்குதலின் பின்னால் இருந்தது ஈரான் என அமெரிக்காவும், சவுதி அரேபியாவும் குற்றம் சாட்டி வருகின்றன.


இதன் காரணமாக ஈரான் மீது அமெரிக்காவோ, சவுதி அரேபியாவோ தாக்குதல் நடத்தக்கூடும் என்று கூறப்படுகிறது.

இந்த நிலையில் தற்காப்பு நடவடிக்கை என்ற பெயரில் சவுதி அரேபியாவுக்கு அமெரிக்கா கூடுதல் படையினரை அனுப்பி வைக்கிறது.

இதை அமெரிக்க ராணுவ மந்திரி மார்க் எஸ்பர் உறுதி செய்துள்ளார்.

இதுபற்றி அவர் வாஷிங்டன் பென்டகனில் நிருபர்களிடம் பேசுகையில், “வான்தாக்குதலையும், ஏவுகணை தாக்குதல்களையும் தடுக்கிற வகையில் தற்காப்பு நடவடிக்கையாக அமெரிக்க படையினர், சவுதிக்கு அனுப்பப்படுகின்றனர்” என கூறினார்.

ஆனால் அங்கு செல்லக்கூடிய படை வீரர்களின் எண்ணிக்கை பற்றியோ, எப்போது அவர்கள் அங்கு செல்வார்கள் என்பது பற்றியோ கூடுதல் தகவல்களை வெளியிடவில்லை.

தொடர்புடைய செய்திகள்

1. சிரியா ஆட்சியின் அட்டூழியங்களுக்கு ரஷ்யா ஆதரவு வழங்குவதை நிறுத்த வேண்டும் -அமெரிக்கா
சிரியா ஆட்சியின் அட்டூழியங்களுக்கு ரஷ்யா தனது ஆதரவை வழங்குவதை நிறுத்துமாறு அமெரிக்க ஜனாதிபதி டொனால்ட் டிரம்ப் கூறி உள்ளார்.
2. ஜப்பான் சொகுசு கப்பலில் உள்ள 40 அமெரிக்கர்களுக்கு கொரோனா வைரஸ் பாதிப்பு
ஜப்பான் சொகுசு கப்பலில் உள்ள 40 அமெரிக்கர்களுக்கு கொரோனா வைரஸ் பாதிப்பு உள்ளதாக அமெரிக்க சுகாதாரத்துறை அதிகாரிகள் தெரிவித்தனர்.
3. ராணுவ தளபதிக்கு விதிக்கப்பட்ட தடையை விலக்க வேண்டும் ; அமெரிக்காவுக்கு இலங்கை கோரிக்கை
ராணுவ தளபதிக்கு விதிக்கப்பட்ட தடையை விலக்க வேண்டும் என்று அமெரிக்காவுக்கு இலங்கை கோரிக்கை விடுத்துள்ளது.
4. இலங்கை ராணுவ தளபதி அமெரிக்காவில் நுழைய தடை
இலங்கை ராணுவ தளபதி அமெரிக்காவில் நுழைய தடை விதிக்கப்படுவதாக அமெரிக்க வெளியுறவுத்துறை அமைச்சர் மைக் போம்பியோ தெரிவித்துள்ளார்.
5. கொரோனா வைரஸ் பாதிப்பு: ஆய்வு செய்ய அமெரிக்க சுகாதார நிபுணர்களுக்கு சீனா அனுமதி
கொரோனா வைரஸ் பரவுவதை கட்டுப்படுத்த, உலக சுகாதார அமைப்பின் குழுவில் உள்ள அமெரிக்க சுகாதார நிபுணர்களை அனுமதிக்க சீனா ஒப்புக்கொண்டுள்ளது.