உலக செய்திகள்

காஷ்மீரில் இந்தியாவின் நடவடிக்கைகளுக்கு சவுதி அரேபியா ஒப்புதல் அளிக்கிறது + "||" + Saudi Arabia endorses India's actions in Kashmir

காஷ்மீரில் இந்தியாவின் நடவடிக்கைகளுக்கு சவுதி அரேபியா ஒப்புதல் அளிக்கிறது

காஷ்மீரில் இந்தியாவின் நடவடிக்கைகளுக்கு சவுதி அரேபியா ஒப்புதல் அளிக்கிறது
ஜம்மு-காஷ்மீரில் இந்தியாவின் அணுகுமுறை மற்றும் நடவடிக்கைகளை புரிந்து கொள்வதாக சவுதி அரேபியா இந்தியாவுக்கு தெரிவித்துள்ளது.
ரியாத்,

தேசிய பாதுகாப்பு ஆலோசகர் அஜித் தோவல் செவ்வாய்க்கிழமை சவுதி அரேபியா சென்றார். அங்கு பட்டத்து  இளவரசர் முகமது பின் சல்மானை சந்தித்து பேசினார்.

ரியாத்தில் இன்று  தேசிய பாதுகாப்பு ஆலோசகர் அஜித் தோவல் மற்றும் சவுதி பட்டத்து இளவரசர் முகமது பின் சல்மான் இடையே இரண்டு மணி நேரம் நடந்த  சந்திப்பில் காஷ்மீர்  விவகாரம் தொடர்பான சவுதி  நிலைப்பாடு இந்தியாவுக்கு தெரிவிக்கப்பட்டது.

தோவலுக்கும்  பட்டத்து  இளவரசருக்கும் இடையிலான சந்திப்பில் இருதரப்பு உறவுகளின் பல்வேறு அம்சங்கள் குறித்து பலவிதமான பிரச்சினைகள் விவாதிக்கப்பட்டதாக உயர்மட்ட வட்டாரங்கள் தெரிவித்தன.

ஜம்மு-காஷ்மீர் குறித்த விவாதத்தில் இளவரசர் ஜம்மு-காஷ்மீரில் இந்தியாவின் அணுகுமுறை மற்றும் நடவடிக்கைகள் குறித்து புரிந்து கொண்டார் என  வட்டாரங்கள் தெரிவித்தன.

இந்த பயணம் இரு நாடுகளுக்கும் இடையிலான ஆழமான பிணைப்பை மேலும் வலுப்படுத்தும் மற்றும் சவுதி  அரேபியா பட்டத்து  இளவரசரின் பார்வை 2030 க்கு ஏற்ப தனது பொருளாதாரத்தை பன்முகப்படுத்த முயற்சிக்கும் நேரத்தில் ஒத்துழைப்பின் குறிப்பிட்ட பகுதிகளை அடையாளம் காண உதவும் என்று வட்டாரங்கள் தெரிவித்தன.

காஷ்மீர் விவகாரத்தில் முகமது பின் சல்மானின் ஆதரவைப் பெற பாகிஸ்தான் பிரதமர் இம்ரான் கான் ரியாத்தில் முகாமிட்ட பின்னர் தோவல் அங்கு பயணம் மேற்கொண்டு உள்ளார்.

இந்தியாவில்   இருந்து  தோவலின் பயணம் சவுதி தலைமையின் உறவுகள் மற்றும் உணர்வுகளுக்கு வழங்கப்பட்ட முக்கியத்துவத்தின் சமிக்ஞையாகும்.

தோவல்  பிரதமரின் மிக உயர்ந்த தூதர் என்பதால் அல்ல.காஷ்மீரில்  அரசியலமைப்பின் 370வது பிரிவை ரத்து செய்த பின்னர் தோவல்  தனிப்பட்ட முறையில் காஷ்மீரில் அரசாங்க நடவடிக்கைகளுக்கு  தலைமை தாங்கினார். இந்த நடவடிக்கை எவ்வாறு ஒரு உள் நடவடிக்கையாக இருந்தது, அந்த மாநிலத்தில் நாட்டிற்கு பொருந்தக்கூடிய அனைத்து சட்டங்களையும் சலுகைகளையும் அனுமதிப்பதன் மூலம் காஷ்மீரை நாட்டின் பிற பகுதிகளுடன் ஒருங்கிணைப்பதே முழு முயற்சியாக இருந்தது என்பதை சவுதி தலைமைக்கு தோவல் வலியுறுத்தி உள்ளார்.

கடந்த சில வாரங்களில் பாகிஸ்தானின் ராஜதந்திர முயற்சிகள் சீனா, மலேசியா மற்றும் துருக்கி போன்ற நாடுகளின் ஆதரவைக் கொண்டுவந்தன.

இஸ்லாமிய ஒத்துழைப்பு அமைப்பின் காஷ்மீர் தொடர்பு குழுவின் அறிக்கை இருந்தபோதிலும், ஐக்கிய அரபு எமிரேட்ஸ் மற்றும் சவுதி அரேபியா ஆகிய நாடுகள் மிகவும் நடுநிலையான பங்கை வகிக்கின்றன.