உலக செய்திகள்

அமெரிக்காவுடனான அணு ஆயுத பேச்சு தோல்வி - வடகொரியா தகவல் + "||" + The failure of the nuclear talks with the United States - North Korea Information

அமெரிக்காவுடனான அணு ஆயுத பேச்சு தோல்வி - வடகொரியா தகவல்

அமெரிக்காவுடனான அணு ஆயுத பேச்சு தோல்வி - வடகொரியா தகவல்
அமெரிக்காவுடனான அணு ஆயுத பேச்சு தோல்வியில் முடிந்துள்ளதாக வடகொரியா தெரிவித்துள்ளது.
ஸ்டாக்ஹோம்,

அமெரிக்காவுடனான அணு ஆயுத பேச்சுவார்த்தை சுவீடனில் 5-ந்தேதி நடைபெறும் என வடகொரியா அண்மையில் அறிவித்தது. அமெரிக்காவும் அதனை உறுதி செய்தது. ஆனால் பேச்சுவார்த்தைக்கு ஒப்புக்கொண்ட சில மணி நேரத்துக்குள்ளாக வடகொரியா, நீர்மூழ்கி கப்பலில் இருந்து ஏவுகணையை ஏவி சோதித்தது. இதனால் இரு தரப்பு பேச்சுவார்த்தை தடைபடும் என எதிர்பார்க்கப்பட்டது. ஆனால் திட்டமிட்டபடி அமெரிக்கா மற்றும் வடகொரியா இடையிலான அணு ஆயுத பேச்சுவார்த்தை சுவீடன் தலைநகர் ஸ்டாக்ஹோம் அருகே உள்ள லிடின்கோ என்ற தீவில் நேற்று முன்தினம் நடைபெற்றது. இந்த பேச்சுவார்த்தையில் இருநாட்டு தலைவர்களும் பங்கேற்கவில்லை. அதற்கு பதிலாக, வடகொரியா சார்பில் மூத்த தூதர் கிம் மியோங் கில்லும், அமெரிக்கா சார்பில் வட கொரியாவிற்கான அமெரிக்க சிறப்பு தூதர் ஸ்டீபன் பீகனும் கலந்து கொண்டனர். சில மணி நேரம் இந்த பேச்சுவார்த்தை நீடித்தது.


எனினும் இந்த பேச்சுவார்த்தை தோல்வியில் முடிந்ததாக வடகொரியா தெரிவித்தது. பேச்சுவார்த்தைக்கு பிறகு பத்திரிகையாளர்களிடம் பேசிய கிம் மியோங் கில் “பேச்சுவார்த்தை எங்கள் எதிர்பார்ப்பை நிறைவேற்றவில்லை. எனவே பேச்சுவார்த்தை முறிந்தது. அமெரிக்கா தனது பழைய கண்ணோட்டத்தையும், அணுகுமுறையையும் கைவிடவில்லை” என கூறினார்.

ஆனால் இதை அமெரிக்கா மறுத்துள்ளது. பேச்சுவார்த்தை நல்லபடியாக நடந்ததாக அமெரிக்கா கூறுகிறது.

இது குறித்து அமெரிக்க வெளியுறவு அமைச்சகம் வெளியிட்ட அறிக்கையில், “அமெரிக்கா ஆக்கப்பூர்வமான யோசனைகளை கொண்டு வந்தது. அதன் மூலம் வடகொரியாவுடன் நல்ல கலந்துரையாடல்களை நடத்தியது” என தெரிவிக்கப்பட்டு உள்ளது.

தொடர்புடைய செய்திகள்

1. தென் சீனக் கடலில் சீனாவின் அனைத்து கடல்சார் கோரிக்கைகளையும் அமெரிக்கா நிராகரித்தது
தென் சீனக் கடலில் சீனாவின் அனைத்து கடல்சார் கோரிக்கைகளையும் அமெரிக்கா திட்டவட்டமாக நிராகரித்து உள்ளது.
2. கொரோனா தடுப்பூசி : விரைவில் சில நல்ல தகவல்கள் வெளிவரப் போகின்றன- டொனால்டு டிரம்ப்
நாங்கள் எல்லோரையும் விட அதிகமாக கொரோனா பரிசோதனை நடத்துகிறோம் என ஜனாதிபதி டொனால்டு டிரம்ப் கூறினார்.
3. அமெரிக்காவில் 17 ஆண்டுகளுக்கு பின் கொலை குற்றவாளிக்கு மரண தண்டனை
அமெரிக்காவில் 17 ஆண்டுகளுக்கு பின் கொலை குற்றவாளிக்கு மரண தண்டனை விதிக்கப்பட்டுள்ளது.
4. அமெரிக்காவில் பயங்கரம்: 2 போலீஸ் அதிகாரிகள் சுட்டுக்கொலை; தாக்குதல் நடத்தியவர் துப்பாக்கியால் சுட்டு தற்கொலை
அமெரிக்காவில் வாலிபர் ஒருவர் 2 போலீஸ் அதிகாரிகளை சுட்டுக் கொன்றுவிட்டு துப்பாக்கியால் சுட்டு தற்கொலை செய்து கொண்ட சம்பவம் பெரும் பரபரப்பை ஏற்படுத்தியது.
5. அமெரிக்காவில் அதிக அளவாக ஒரே நாளில் 66,258 பேருக்கு கொரோனா பாதிப்பு
அமெரிக்காவில் அதிக அளவாக ஒரே நாளில் 66,258 பேருக்கு கொரோனா பாதிப்பு உறுதிசெய்யப்பட்டுள்ளது.