உலக செய்திகள்

தாய்லாந்தில் மீண்டும் பரிதாபம்: அருவியில் இருந்து விழுந்து மேலும் 5 யானைகள் பலி + "||" + Back in Thailand pity: Five more elephants fall from the waterfall

தாய்லாந்தில் மீண்டும் பரிதாபம்: அருவியில் இருந்து விழுந்து மேலும் 5 யானைகள் பலி

தாய்லாந்தில் மீண்டும் பரிதாபம்: அருவியில் இருந்து விழுந்து மேலும் 5 யானைகள் பலி
தாய்லாந்தில் அருவியில் இருந்து விழுந்து மேலும் 5 யானைகள் பலியாகின.
பாங்காக்,

தாய்லாந்தில் காவோ யாய் தேசிய பூங்கா உள்ளது. இது யானைகள், கரடிகள் உள்ளிட்ட வனவிலங்குகளின் தாயகமாக விளங்குகிறது.

இங்கு 300-க்கும் மேற்பட்ட காட்டு யானைகள் உள்ளன. மேலும் இந்த பூங்கா புகழ்பெற்ற சுற்றுலா தலமாகவும் இருந்து வருகிறது.


இங்கு வரும் சுற்றுலா பயணிகள் காரில் சென்று, வனவிலங்குகளை பார்த்து ரசித்து செல்கின்றனர். இந்த பூங்காவிற்குள் ராட்சத அருவி ஒன்று உள்ளது. இது நரகத்தின் வீழ்ச்சி என்று அழைக்கப்படுகிறது.

கடந்த சனிக்கிழமை காலை யானை கூட்டம் அருவியின் உச்சியில் உலாவி கொண்டிருந்தது. அப்போது 3 வயதான குட்டியானை ஒன்று அருவியில் இருந்து தவறி விழுந்தது.

இதையடுத்து, குட்டியானையை காப்பாற்றும் முயற்சியில் அடுத்தடுத்து 5 யானைகள் அருவியில் இருந்து விழுந்தன. இதில் குட்டியானை உள்பட 6 யானைகளும் பாறைகளில் மோதி இறந்தன.

மேலும் அருவிக்கு அருகே தவித்துக்கொண்டிருந்த 2 யானைகளை பூங்கா ஊழியர்கள் பத்திரமாக மீட்டு சிகிச்சை முகாமுக்கு அனுப்பி வைத்தனர்.

இந்த நிலையில் இந்த சுவடு மறைவதற்குள் மீண்டும் 5 யானைகள் அதே அருவியில் இருந்து விழுந்து பலியானது பெரும் சோகத்தை ஏற்படுத்தி உள்ளது.

பூங்கா ஊழியர்கள், கேமரா பொருத்தப்பட்ட ஆளில்லா குட்டி விமானத்தின் மூலம் அருவியை ஆய்வு செய்தனர். அப்போது, அருவியின் கீழே 5 யானைகள் செத்து கிடந்தது கண்டுபிடிக்கப்பட்டது.

இந்த 5 யானைகளும், எப்போது? எப்படி? அருவியில் இருந்து விழுந்தது என்பது தெரியவில்லை.

யானையின் உடல்கள் தண்ணீரை மாசுபடுத்தக்கூடும் என்ற அச்சம் இருப்பதால் உடல்களை உடனடியாக அகற்றும் தீவிர முயற்சியில் தேசிய பூங்கா அதிகாரிகள் ஈடுபட்டு உள்ளனர்.

காவோ யாய் தேசிய பூங்காவில் மிக குறுகிய காலத்தில் 11 யானைகள் உயிரிழந்தது இதுவே முதன் முறை என கூறப்படுகிறது. இதற்கு முன் கடந்த 1992-ம் ஆண்டு இதே அருவியில் இருந்து ஒரே நேரத்தில் 8 யானைகள் விழுந்து பலியானது நினைவுகூரத்தக்கது.


தொடர்புடைய செய்திகள்

1. திருமணமான மூன்றே மாதத்தில் ஆசை மனைவிக்கு அளித்த பட்டத்தை பறித்த தாய்லாந்து மன்னர்
திருமணமான மூன்றே மாதத்தில் தனது ஆசை மனைவிக்கு தான் கொடுத்த பட்டத்தை தாய்லாந்து மன்னர் பறித்து உள்ளார்.
2. தாய்லாந்து வெளியுறவு துறை அமைச்சர் மூன்று நாள் சுற்றுப்பயணமாக இந்தியா வருகை
தாய்லாந்து வெளியுறவு துறை அமைச்சர் மூன்று நாள் சுற்றுப்பயணமாக இந்தியாவிற்கு வந்துள்ளார்.
3. தாய்லாந்தில் பரிதாபம்: அருவியில் இருந்து விழுந்து 6 யானைகள் பலி
தாய்லாந்தில் அருவி ஒன்றில் இருந்து விழுந்து 6 யானைகள் பரிதாபமாக பலியாகின.
4. தாய்லாந்தில் கோர விபத்து: சாலையில் பஸ் கவிழ்ந்து கல்லூரி மாணவர்கள் 13 பேர் பலி
தாய்லாந்தில் சாலையில் பஸ் கவிழ்ந்த விபத்தில் கல்லூரி மாணவர்கள் 13 பேர் பலியாகினர்.
5. கல்லூரி பஸ்- மோட்டார் சைக்கிள் மோதல்: தொழிலாளர்கள் 2 பேர் பலி கருங்கல் அருகே பரிதாபம்
கருங்கல் அருகே கல்லூரி பஸ்- மோட்டார் சைக்கிள் மோதிய விபத்தில் 2 தொழிலாளர்கள் பலியானார்கள்.