உலக செய்திகள்

ராணுவத்தில் பெண்கள் சேரலாம் சவுதி அரேபிய அரசு அறிவிப்பு + "||" + Saudi Arabia rules women can join armed forces

ராணுவத்தில் பெண்கள் சேரலாம் சவுதி அரேபிய அரசு அறிவிப்பு

ராணுவத்தில் பெண்கள் சேரலாம் சவுதி அரேபிய அரசு அறிவிப்பு
ராணுவம், கடற்படை, விமானப் படைகளில் பெண்களும் சேரலாம் என சவூதி அரேபிய அரசு அறிவித்துள்ளது
ரியாத்

சவூதி அரேபியாவின் பட்டத்து இளவரசரான முகமது பின் சல்மான், பெண்களின் உரிமைகளை விரிவுபடுத்தும் வகையில் தொடர் நடவடிக்கைகளை எடுத்து வருகிறார்.

பெண்கள் வாகனங்கள் ஓட்டுவதற்கு இருந்த தடை கடந்த ஆண்டு விலக்கப்பட்டது. ஆண், பெண் என்ற பாகுபாடின்றி, 21 வயதுக்கு மேற்பட்ட குடிமக்கள் யார் விண்ணப்பித்தாலும் பாஸ்போர்ட் வழங்க வேண்டும், 21 வயதுக்கு மேற்பட்ட பெண்கள் வெளிநாட்டுப் பயணம் மேற்கொள்ள, கணவர் அல்லது தந்தையின் அனுமதி பெறத் தேவையில்லை எனவும் அரசாணை பிறப்பிக்கப்பட்டது.

துணை ராணுவப் படையான பாதுகாப்பு படைகளில் பெண்கள் சேருவதற்கும் கடந்த ஆண்டு அனுமதி வழங்கப்பட்டது. இந்நிலையில், ராணுவம், கடற்படை, விமானப்படைகளிலும் பெண்கள் சேரலாம் என சவூதி அரசு அறிவித்துள்ளது.

இது, பெண்களுக்கு அதிகாரமளிக்கும் அடுத்த நடவடிக்கை என சவூதி வெளியுறவு அமைச்சகம் குறிப்பிட்டுள்ளது.

கச்சா எண்ணெய் வளம் என்பதையும் தாண்டி, சமூக-பொருளாதாரத் திட்டங்களை விரிவுபடுத்தி வரும் சவூதி அரேபியா, 49 நாடுகளை சேர்ந்தவர்கள் சவூதிக்கு சுற்றுலா வரும் வகையில் அதற்கான விசா வழங்கப்படும் என அண்மையில் அறிவித்தது. இந்த நடவடிக்கைகள் ஒருபுறம் இருந்தாலும், சவூதி அரேபியாவில் பெண்களின் உரிமைகளுக்காக போராடுபவர்கள் கடுமையாக ஒடுக்கப்படுகிறார்கள் என்ற குற்றச்சாட்டும் உள்ளது குறிப்பிடத்தக்கது.

தொடர்புடைய செய்திகள்

1. சீனா நகரங்களில் இருந்து வருபவர்கள் சவுதி அரேபியாவுக்குள் நுழைய தடை
கொரோனா வைரஸ் கடுமையாக பாதிக்கப்பட்டிருக்கும் சீனா நகரங்களில் இருந்து சவுதி அரேபியாவுக்குள் நுழைய பொதுமக்களுக்கு தடை விதிக்கப்பட்டுள்ளது.
2. சவுதி இளவரசர் அமேசான் தலைமை நிர்வாக அதிகாரியின் போனை ஹேக் செய்தாரா? சவுதி அரேபியா மறுப்பு
அமேசான் நிறுவனர் ஜெஃப் பெசோஸின் தொலைபேசியை ஹேக் செய்ததன் பின்னணியில் சவுதி அரேபியா இருப்பதாக வெளிவந்துள்ள ஊடக செய்தி அறிக்கை அபத்தமானது என்று சவுதி அரேபியா கூறி உள்ளது.
3. விலங்கியல் பூங்காவில் புலிக்கூண்டுக்குள் சென்றவர் அதிர்ஷ்டவசமாக உயிர் தப்பினார்
சவுதி அரேபியாவில் உள்ள விலங்கியல் பூங்காவில் புலியால் தாக்கப்பட்டவர் அதிர்ஷ்டவசமாக உயிர் தப்பினார்.
4. சவுதி அரேபியாவில் ஓட்டல்களில் பெண்களுக்கு தனி நுழைவாயில் தேவையில்லை
சவுதி அரேபியாவில் ஓட்டல்களில் பெண்களுக்கு தனி நுழைவாயில் தேவையில்லை என அந்நாட்டு அறிவித்துள்ளது.
5. சவுதி அரேபியாவில் பேருந்து விபத்து- வெளிநாட்டினர் 35 பேர் பலியனதாக தகவல்
சவுதி அரேபியாவில் பேருந்து விபத்துக்குள்ளானதில் வெளிநாட்டைச் சேர்ந்த 35 பேர் பலியானதாக செய்திகள் வெளியாகியுள்ளது.