உலக செய்திகள்

துருக்கி தாக்குதல்: அரசுடன், குர்துகள் ஒப்பந்தம் சிரியா ராணுவம் எல்லையில் குவிப்பு + "||" + Syrias army to deploy along Turkey border as Kurds strike deal

துருக்கி தாக்குதல்: அரசுடன், குர்துகள் ஒப்பந்தம் சிரியா ராணுவம் எல்லையில் குவிப்பு

துருக்கி தாக்குதல்:  அரசுடன், குர்துகள் ஒப்பந்தம்  சிரியா ராணுவம் எல்லையில் குவிப்பு
துருக்கியின் ராணுவத் தாக்குதலில் இருந்து தங்களை தற்காத்துக் கொள்வதற்காக சிரியா அரசுடன், குர்து போராளிகள் ஒப்பந்தம் செய்து கொண்டுள்ளனர்.
தனி நாடு கேட்கும் குர்து இன மக்கள், எல்லையில் இருப்பது தங்கள் நாட்டுக்கு ஆபத்து என துருக்கி அதிபர் தயீப் எர்டோகன் கருதுகிறார். குர்து இனப் போராளிகளை ஒழித்துக் கட்ட தக்க சமயம் பார்த்துக் கொண்டிருந்த வேளையில், சிரியாவில், ஐ.எஸ். தீவிரவாதிகளுக்கு எதிராகப் போரிடும் வீரர்களை அமெரிக்கா திரும்ப அழைத்து கொண்டதை  பயன்படுத்திக் கொண்டு குர்துக்கள் மீது தாக்குதல் நடத்த எர்டோகன் உத்தரவிட்டார்.

இதை அடுத்து சிரியாவின் வடக்கே உள்ள குர்துக்கள் மீது துருக்கி ராணுவம் தாக்குதல் நடத்தி வருகிறது. சிரியாவின் வடக்குப் பகுதியில் குர்து படையினர் மீது துருக்கி 5-வது நாளாகத் தாக்குதல் நடத்தி வருகிறது. தற்போதுவரை சுமார் 4 லட்சம் மக்கள் தங்கள் இருப்பிடங்களில் இருந்து வெளியேறியுள்ளனர்.

ஐந்து நாட்களாக தாக்குதல் தொடரும் நிலையில், தங்களைத் தற்காத்துக் கொள்வதற்காக சிரியா அரசுடன் குர்துக்கள் ஒப்பந்தம் செய்து கொண்டுள்ளனர்.

அதன்படி தங்கள் கட்டுப்பாட்டில் உள்ள மன்பீஜ் மற்றும் கோபேன் ஆகிய நகரங்களை சிரியாவிடம் ஒப்படைக்க குர்துக்கள் ஒப்புக் கொண்டுள்ளனர். இதற்கு பிரதிபலனாக எல்லைக்குப் படைகளை அனுப்பி, குர்துக்குள் மீது தாக்குதல் நடத்தும் துருக்கி ராணுவத்தை எதிர்கொள்ள சிரியா அரசு ஒப்புக் கொண்டுள்ளது. 

குர்து படைகள் மீதான துருக்கியின் ராணுவத் தாக்குதலுக்கு ஈரான், இந்தியா உள்ளிட்ட நாடுகள் கடும் கண்டனம் தெரிவித்து உள்ளன.

தொடர்புடைய செய்திகள்

1. வடமேற்கு சிரியாவில் வன்முறையால் 235,000க்கும் அதிகமானோர் வெளியேற்றம்
வடமேற்கு சிரியாவின் மீது ராணுவத்தின் கடும் தாக்குதலால் 2.35 லட்சம் பொதுமக்கள் வெளியேறி உள்ளனர்.
2. சிரியா அகதிகளின் அதிகமான எண்ணிக்கையை துருக்கியால் கையாள முடியாது - அதிபர் எர்டோகன்
அதிக அளவில் வரும் சிரியா நாட்டின் அகதிகளை துருக்கியால் கையாள முடியாது என்று அந்நாட்டின் அதிபர் எர்டோகன் தெரிவித்துள்ளார்.
3. சிரியா தலைநகரில் குண்டுவெடிப்பு: ஒருவர் பலி
சிரியாவின் தலைநகரத்தில் இன்று காலை நடந்த குண்டுவெடிப்பில் சிக்கி ஒருவர் பலியானார்.
4. சிரியாவில் பயங்கரவாத தாக்குதலில் 8 குழந்தைகள் உட்பட 10 பேர் பலி
சிரியாவில் நடந்த பயங்கரவாத தாக்குதலில் 8 குழந்தைகள் உட்பட 10 பேர் பலியாகினர்.
5. சிரியாவில் அடுத்தடுத்து நிகழ்ந்த 3 குண்டுவெடிப்புகள்; 7 பேர் பலி
சிரியாவில் துருக்கி எல்லைப் பகுதிக்கு அருகே நடந்த தொடர் குண்டுவெடிப்பு சம்பவத்தில் 7 பேர் பலியாகினர்.