உலக செய்திகள்

ரஷ்ய அதிபர் புதின், சீன அதிபர் ஜி ஜின்பிங்க் ஆகியோருடன் பிரதமர் மோடி சந்திப்பு + "||" + PM Modi meets Chinese Prez Xi in Brazil; discusses bilateral and multilateral issues

ரஷ்ய அதிபர் புதின், சீன அதிபர் ஜி ஜின்பிங்க் ஆகியோருடன் பிரதமர் மோடி சந்திப்பு

ரஷ்ய அதிபர் புதின்,  சீன அதிபர் ஜி ஜின்பிங்க்  ஆகியோருடன்  பிரதமர் மோடி சந்திப்பு
பிரிக்ஸ் மாநாட்டுக்கு இடையே சீன அதிபர் ஜி ஜின்பிங், ரஷ்ய அதிபர் புதின் ஆகியோரை பிரதமர் மோடி சந்தித்து பேசினார்.

பிரேசிலியா,

பிரேசில் நாட்டில்  11-வது பிரிக்ஸ் மாநாடு நடைபெற்று வருகிறது. புதுமையான எதிர்காலத்திற்கான பொருளாதார வளர்ச்சி என்ற தலைப்பில் மாநாடு நடைபெறுகிறது. பிரிக்ஸ்  நாடுகளின் கூட்டமைப்பில் பிரேசில், இந்தியா, ரஷ்யா, சீனா, தென் ஆப்பிரிக்கா ஆகிய நாடுகள் அங்கம் வகிக்கின்றன.

பிரிக்ஸ் மாநாட்டுக்கு இடையே, புதன்கிழமை பிரதமர் மோடி, சீன அதிபர் ஜி ஜிங்பிங்கை சந்தித்து பேசினார். இந்த சந்திப்பின் போது இரு தரப்பு உறவுகள் குறித்து ஆலோசிக்கப்பட்டது.  பிரதமர் மோடி- ஜி ஜின்பிங் இடையேயான சந்திப்பு பயனுள்ள வகையில் இருந்ததாக பிரதமர் அலுவலக டுவிட்டர் பக்கத்தில் தெரிவிக்கப்பட்டுள்ளது.  

ஆர்சிஇபி எனப்படும்  தாராள வர்த்தக ஒப்பந்தத்தில் இந்தியா இணைய மறுத்த நிலையில், இரு தலைவர்களுடனான சந்திப்பு நடைபெற்றுள்ளது கவனிக்கத்தக்கது. 

அதேபோல், ரஷ்ய அதிபர் புதினையும் பிரதமர் மோடி சந்தித்து பேசினார். இந்த சந்திப்பின் போது இருதரப்பு விவகாரங்கள் குறித்து இருநாட்டு தலைவர்களும் ஆலோசித்தனர். அடுத்த ஆண்டு ரஷ்யாவில் நடைபெறும் வெற்றி தின கொண்டாட்டத்தில் கலந்து கொள்ள வருமாறு பிரதமர் மோடிக்கு புதின் அழைப்பு விடுத்தார். 

புதினுடனான சந்திப்புக்கு பிறகு பிரதமர் மோடி தனது வெளியிட்ட டுவிட் பதிவில், “ அதிபர் புதினுடன் சிறப்பான முறையில் சந்திப்பு நடைபெற்றது. சந்திப்பின் போது, இந்தியா - ரஷ்யா உறவுகள் குறித்து ஆலோசித்தோம்.  வர்த்தகம், பாதுகாப்பு, கலாச்சாரம் உள்ளிட்ட  துறைகளில் இந்தியாவுக்கும் ரஷ்யாவுக்கும் இடையே விரிவான ஒத்துழைப்பு உள்ளது. நெருக்கமான இருதரப்பு உறவுகள் மூலம் இருநாட்டு மக்களும்  பயனடைவார்கள்” என்று தெரிவித்தார். 

தொடர்புடைய செய்திகள்

1. இறைவனுக்கும் மக்களுக்கும் நேரடி தொடர்பை ராமர் கோவில் ஏற்படுத்தும் - பிரதமர் மோடி
ராமர் கோவில் தேசத்தை ஒருங்கிணைக்கும். இறைவனுக்கும் மக்களுக்கும் நேரடி தொடர்பை ராமர் கோவில் ஏற்படுத்தும் என பிரதமர் மோடி கூறினார்.
2. ராமர் கோவில் பூமி பூஜை சடங்குகள் தொடங்கின-பிரதமர் மோடி நாளை அடிக்கல் நாட்டுகிறார்
அயோத்தியில் ராமர் கோவிலுக்கான பூமி பூஜை சடங்குகள் நேற்று காலையில் தொடங்கின. அங்கு கோவிலுக்கான அடிக்கல்லை நாளை (புதன்கிழமை) பிரதமர் மோடி நாட்டுகிறார்.
3. இளைஞர்கள் பணம் சம்பாதிக்க மட்டுமே திறமையை பயன்படுத்தக் கூடாது - பிரதமர் மோடி
இளைஞர்கள்பணம் சம்பாதிக்க மட்டுமே திறமையை பயன்படுத்தக் கூடாது என பிரதமர் மோடி கூறினார்.
4. இந்தியாவில், பொருளாதார மீட்சியில் பச்சை தளிர்களை நாம் காண்கிறோம் - பிரதமர் மோடி
இந்தியாவில், பொருளாதார மீட்சியில் பச்சை தளிர்களை நாம் காண்கிறோம் என்பதில் ஆச்சரியமில்லை என பிரதமர் மோடி கூறினார்.
5. ஓபிசி இட ஒதுக்கீடு விவகாரம்: பிரதமருக்கு முதல்வர் பழனிசாமி கடிதம்!
ஓபிசி பிரிவினருக்கு தமிழக அரசின் இடஒதுக்கீடு முறையை, மத்திய அரசு பணியிலும் பின்பற்ற வேண்டும் என முதலமைச்சர் எடப்பாடி பழனிசாமி பிரதமர் மோடிக்கு கடிதம் எழுதி உள்ளார்.