உலக செய்திகள்

பயங்கரவாதத்தின் டி.என்.ஏ. பாகிஸ்தானிடம் உள்ளது : யுனெஸ்கோவில் இந்தியா பதிலடி + "||" + Pakistan Has "DNA Of Terrorism": India's Reply On Kashmir At UNESCO

பயங்கரவாதத்தின் டி.என்.ஏ. பாகிஸ்தானிடம் உள்ளது : யுனெஸ்கோவில் இந்தியா பதிலடி

பயங்கரவாதத்தின் டி.என்.ஏ. பாகிஸ்தானிடம் உள்ளது : யுனெஸ்கோவில் இந்தியா பதிலடி
பயங்கரவாதத்தின் டி.என்.ஏ. பாகிஸ்தானிடம் தான் உள்ளது என்று யுனெஸ்கோவில் இந்தியா கடுமையாக சாடியது.
பாரிஸ், 

காஷ்மீருக்கு வழங்கப்பட்டு வந்த சிறப்பு அந்தஸ்தை மத்திய அரசு கடந்த ஆகஸ்டில் ரத்து செய்தது. இந்தியாவின் நடவடிக்கையால் கோபம் அடைந்த பாகிஸ்தான், இப்பிரச்சினையை சர்வதேச அளவில் எடுத்துச்செல்ல முயன்று தோற்றுப்போனது. 

உலக அளவில் பாகிஸ்தானுக்கு எந்த நாடும் காஷ்மீர் பிரச்சினையில், போதிய ஆதரவு அளிக்கவில்லை. இதனால், விரக்தியில் உள்ள பாகிஸ்தான், கிடைக்கும் தளங்களில் எல்லாம் இப்பிரச்சினையை பற்றி பேசி வருகிறது.  

அந்த வகையில், பிரான்சு தலைநகர் பாரிசில் யுனெஸ்கோ அமைப்பின் கூட்டம் நடைபெற்றது. இந்தக் கூட்டத்திலும் பாகிஸ்தான் காஷ்மீர் பிரச்சினையை எழுப்பியது. பாகிஸ்தானுக்கு பதிலடி கொடுத்த இந்தியா, பயங்கரவாதத்தின் டி.என்.ஏ. பாகிஸ்தானிடம் தான் உள்ளது என்று கடுமையாக சாடியது. 

இந்திய குழுவிற்கு தலைமை தாங்கிய அதிகாரி அனன்யா அகர்வால் பேசும்போது,  பாகிஸ்தானின் நடவடிக்கைகளை, அதன் பலவீனமான பொருளாதாரம், பிரிவினைக்கு உள்ளான சமூகம் மூலம் தெரிந்து கொள்ளலாம். அந்நாடு, பயங்கரவாதத்தின் டிஎன்ஏவாக உள்ளது. 

பயங்கரவாதிகளான ஒசாமா பின்லாடன், ஹக்கானி, பயங்கரவாத அமைப்புகளின் தலைவர்கள் ஆகியோர் பாகிஸ்தானின் கதாநாயகர்கள் என அந்நாட்டின் முன்னாள் அதிபர் முஷாரப் கூறியுள்ளார்.

தனது சொந்த மண்ணில் உள்ள சிறுபான்மையினரின் நலனை பாதுகாக்க முடியாமல், சர்வதேச அளவில் இந்தியாவிற்கு எதிராக அவதூறு பரப்ப பாகிஸ்தான் முயற்சி செய்கிறது. கடந்த 1947ல் பாகிஸ்தானில் 23 சதவீதமாக இருந்த சிறுபான்மையினர் எண்ணிக்கை, தற்போது 3 சதவீதமாக எப்படி குறைந்தது.” இவ்வாறு அவர் பேசினார். 

தொடர்புடைய செய்திகள்

1. 21 நாட்களில் கொரோனா வைரஸை வென்றுவிடலாம் என்றார், 100 நாட்களைக் கடந்து விட்டது பிரதமருக்கு சிவசேனா கேள்வி
21 நாட்களில் கொரோனா வைரஸை வென்றுவிடலாம் என்று பிரதமர் மோடி கூறினார். ஆனால், 100 நாட்களைக் கடந்து கொரோனா வைரஸ் தொடர்ந்து பாதிப்பை ஏற்படுத்தி வருவது ஏன் என்று பிரதமர் மோடிக்கு சிவசேனா கட்சி கேள்வி எழுப்பியுள்ளது.
2. பாகிஸ்தான், சீனாவுக்கு எதிராக ஆக்கிரமிப்பு காஷ்மீரில் மக்கள் போராட்டம்
பாகிஸ்தான், சீனாவுக்கு எதிராக ஆக்கிரமிப்பு காஷ்மீரில் மக்கள் பிரம்மாண்ட போராட்டத்தில் ஈடுபட்டனர்.
3. ஒரே நாளில் கொரோனாவை குணமாக்கும் மூலிகை மைசூர்பா; ஒரு நாளைக்கு நான்கு துண்டுகள் சாப்பிட வேண்டும்...?
கோவையில் மூலிகை மைசூர்பா மூலமாக ஒரே நாளில் கொரோனா பாதித்தவர்கள் குணமடைவதாக ஸ்வீட்ஸ் கடை உரிமையாளர் வழங்கிய நோட்டீஸ் சமூக வலைத்தளங்களில் வேகமாக பரவி வருகிறது
4. தோனிக்கு இன்று பிறந்த நாள்: சமூக வலைத்தளங்களில் ரசிகர்கள் வாழ்த்து மழை
இந்திய கிரிக்கெட் அணியின் நட்சத்திர வீரரும் விக்கெட் கீப்பர் பேட்ஸ்மேனுமான தோனி இன்று தனது 39-வது பிறந்த நாளை கொண்டாடுகிறார்.
5. இந்தியாவில் கொரோனா பாதித்தவர்கள் எண்ணிக்கை 7 லட்சத்தை தாண்டியது
இந்தியாவில் கொரோனா பாதித்தவர்கள் எண்ணிக்கை 7 லட்சத்தை தாண்டியது.