அமெரிக்காவில் ஆசிய, பசிபிக் பகுதிக்கான நாடாளுமன்ற துணை குழு தலைவராக அமி பெரா நியமனம்

* அமெரிக்க ஜனாதிபதி டிரம்ப் மீதான பதவி நீக்க தீர்மான விவகாரத்தில், அவர் மீதான 2 குற்றச்சாட்டுகளுக்கு நாடாளுமன்ற பிரதிநிதிகள் சபையின், நீதி குழு ஒப்புதல் அளித்துள்ளது. பதவி நீக்க தீர்மானத்தின்மீது பிரதிநிதிகள் சபையில் அடுத்த வாரம் ஓட்டெடுப்பு நடக்கக்கூடும் என தகவல்கள் வெளியாகி உள்ளன.

* ஆப்பிரிக்க நாடான காங்கோவில் கடந்த சில ஆண்டுகளாக பயங்கரவாத குழுக்கள் செயல்பட்டு வருகின்றன. அங்கு நேற்றுமுன்தினம் நடந்த 3 தாக்குதல் சம்பவங்களில் 17 பேர் உயிரிழந்தனர். பலியானவர்களில் ஒரு பாதிரியார், ஒரு உளவு அதிகாரி, ஒரு பெண் என 3 பேரின் உடல்களை தான் பார்த்ததாக உள்ளூர் ரேடியோ இயக்குனர் டேனியல் டிபாசிமா கூறினார்.

* அமெரிக்காவில் இந்திய வம்சாவளி நாடாளுமன்ற உறுப்பினரான அமி பெரா, ஆசிய, பசிபிக் பகுதிக்கான நாடாளுமன்ற துணை குழு தலைவராக நியமிக்கப்பட்டுள்ளார்.

* இங்கிலாந்து நாடாளுமன்ற தேர்தலில் பழமைவாத கட்சியை அமோக வெற்றி பெற வழிநடத்திய பிரதமர் போரிஸ் ஜான்சன், ஸ்காட்லாந்து சுதந்திரம் தொடர்பாக இரண்டாவது பொதுவாக்கெடுப்பு நடத்துகிற அவசியம் இல்லை, 2014-ம் ஆண்டு நடந்த பொது வாக்கெடுப்பில் ஸ்காட்லாந்து மக்கள் இங்கிலாந்துடன் தொடர்வது என தெளிவாக முடிவு எடுத்து விட்டனர், அதில் மாற்றம் இல்லை என நம்புகிறேன் என கூறி உள்ளார்.

* ஈரானை சமாளிக்கிற வகையில், மத்திய கிழக்கு நாடுகளில் 14 ஆயிரம் படை வீரர்களை தாங்கள் கூடுதலாக அமர்த்தி உள்ளதாக அமெரிக்க ராணுவ மந்திரி மார்க் எஸ்பெர் தெரிவித்தார்.