உலக செய்திகள்

பூமியில் நடந்து செல்லக்கூடிய மிக நீண்ட தூரம் இதுதான்!! ஆனால் ஆபத்து நிறைந்தது + "||" + This Is the Longest Walkable Distance on Earth

பூமியில் நடந்து செல்லக்கூடிய மிக நீண்ட தூரம் இதுதான்!! ஆனால் ஆபத்து நிறைந்தது

பூமியில் நடந்து செல்லக்கூடிய மிக நீண்ட தூரம் இதுதான்!! ஆனால் ஆபத்து நிறைந்தது
பூமியில் மிக நீண்ட தூரம் நடந்து செல்லக்கூடிய ஒற்றை தூரம் எவ்வளவு என்பதை பிரபல பொறியியல் இணையதளம் வெளியிட்டுள்ளது.
கலிபோர்னியா,

உலகெங்கிலும் உள்ள மக்கள் பெரும்பாலும் ஆன்மீக நோக்கங்களுக்காக நடைபயண யாத்திரை செல்கிறார்கள். நாகரீகம் வளர்ச்சியடைவதற்கு முன்னால் மனிதன் அனைத்து இடங்களுக்கும் நடைபயணமாகவே சென்றான். பின்னர் விலங்குகளை பயன்படுத்தி தான் நினைத்த இடங்களுக்கு செல்ல ஆரம்பித்தான். அதன் பின்னர் பிற தேசங்களுக்கு செல்ல கடற்பயணம் மேற்கொண்டான்.

நாகரீகம் வளர்ச்சியடைந்துள்ள இந்த காலத்தில், வாகனங்களின் பயன்பாடு அதிகம் உள்ளதால் கடைத்தெருவிற்குகூட காரில் செல்லும் நபர்களும் உள்ளனர் எனலாம். அந்த அளவிற்கு போக்குவரத்து துறையில் உலகம் வளர்ச்சி அடைந்துள்ளது.

இந்நிலையில், பூமியில் மிக நீண்ட தூரம் நடந்து செல்லக்கூடிய ஒற்றை தூரம் எவ்வளவு என்பதை கூகுள் மேப் மூலம் கணித்து சுவாரசியமாக பொறியியல் நிறுவனம் ஒன்று வெளியிட்டுள்ளது.

அதன்படி, தென் ஆப்பிரிக்க நாட்டின் கடலோர கிராமமான எல் அகுல்ஹாசில் இருந்து வடக்கு ரஷியாவின் மகடான் நகர் வரை உள்ள தூரமே மனிதன் அதிகபட்சமாக நடந்து செல்லக்கூடியதாகும். மொத்தம் 14,334  ஆயிரம் மைல்கள். இது பூமியின் மொத்த 24,901 மைல் சுற்றளவில் பாதிக்கும் மேலானது.   இந்த பயணத்தின் போது எந்த நிலையிலும் ஒரு ஆற்றின் குறுக்கே செல்ல ஒரு சிறிய படகையும் கூட நாம் பயன்படுத்த வேண்டியதில்லை, ஏனென்றால் முழு வழியும் பாலங்களைக் கொண்ட சாலைகளால் ஆனது.

இந்த பயணத்தின்போது பருவ நிலைகளுக்கு ஏற்றவாறு, உயிர் பிழைப்பதற்கான பாதுகாப்பு உபகரணங்களை எடுத்து செல்ல வேண்டும் என்பது மிக முக்கியமானதாகும் எனவும் கூறப்பட்டுள்ளது. விலங்குகள், காலநிலை ஆகியவை பிரச்சினைகள் ஆகும்.  ஜிம்பாப்வே வழியாக நடக்க வேண்டும், எடுத்துக்காட்டாக, இது 'பிளாக் மாம்பா'வின் தாயகமாகும். இது உலகின்  கொடிய பாம்புகளில் ஒன்றாகும். உகாண்டாவில், உலகில் அதிக எண்ணிக்கையிலான மலேரியா நோயாளிகள் உள்ள ஒரு நாடு வழியாக நீங்கள் பயணிக்க வேண்டும். நீங்கள் தெற்கு சூடானுக்குள் நுழையும்போது, உலகின் மூன்றாவது மிக ஆபத்தான நாடு வழியாகச் செல்வீர்கள். மேலும் வடக்கே, நீங்கள் சஹாராவைக் கடக்க வேண்டும், இது 116 டிகிரி பாரன்ஹீட் வெப்பநிலையை கொண்டது. இதையெல்லாம் கடந்தாலும் நீங்கள்,  போரினால் பாதிக்கப்பட்ட சிரியா மற்றும் ரஷ்யாவின் குளிர்காலம் உள்ளிட்ட பிற நாடுகள் மற்றும் தட்பவெப்பநிலைகள் வழியாக நீங்கள் இன்னும் பயணிக்க வேண்டியிருக்கும், 

நேரத்தைப் பொறுத்தவரை, பயணத்தை மேற்கொள்ளுபவர்கள் தொடர்ச்சியாக இடைவிடாது  நடைப்பயணத்தை மேற்கொண்டால்   194 நாட்கள்  ஆகும். ஒரு சாதாரண வேகத்தில் (சுமார் நாள் ஒன்றுக்கு  12.5 மைல்கள்) சென்றால்  மூன்று ஆண்டுகளுக்கு மேல் ஆகும்.



தொடர்புடைய செய்திகள்

1. சூரியனைவிட 1000 மடங்கு பெரிய நட்சத்திரம் பெட்டல்ஜியூஸ் விரைவில் வெடித்து சிதறும்
வானில் மிகவும் பிரகாசமான 12-வது நட்சத்திரம் பெட்டல்ஜியூஸ் விரைவில் வெடித்து சிதறும் என விஞ்ஞானிகள் கணித்துள்ளனர்.
2. கை கொடுக்காமல் அவமானப்படுத்திய டிரம்ப்... உரையின் நகலை கிழித்தெறிந்த நான்சி
அமெரிக்கா பிரதிநிதிகள் சபையின் சபாநாயகர் நான்சி பெலோசி, டிரம்ப் உரையின் நகலை கிழித்த சம்பவம் சரச்சையை கிளப்பியுள்ளது.
3. சிறுவனுக்கு ஆபாச புகைப்படங்களை அனுப்பி நாடு கடத்தலை எதிர்கொள்ளும் இந்திய ஆசிரியை
13 வயது சிறுவனுக்கு ஆபாச புகைப்படங்களை அனுப்பி காதல் வலையில் விழ வைத்த ஜார்ஜியா நடுநிலைப்பள்ளி ஆசிரியை, நாடு கடத்தலை எதிர்கொள்ளலாம் என செய்தி வெளியாகியுள்ளது.
4. திருமணத்தை விட சிறையே சிறந்தது காதலி தொல்லையால் வேண்டுமென்றே திருடி சிறை சென்ற வாலிபர்
திருமண செய்துகொள்ள வற்புறுத்திய காதலியிடம் இருந்து தப்பிக்க வேண்டுமென்றே திருடி வாலிபர் ஒருவர் சிறைக்குச் சென்று உள்ளார்.
5. மீன்பிடிக்கச் சென்ற சிறுவன் மீது பாய்ந்த மீன் கழுத்தை துளைத்து மறுபக்கம் வந்தது
இந்தோனேசியாவில் தனது பெற்றோருடன் மீன்பிடிக்கச் சென்ற ஒரு சிறுவன் மீது மீன் ஒன்று பாய்ந்ததால், அவர் தற்போது பரிதாப நிலையில் உள்ளார்.